17-Dec-2022

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ବ୍ଲକ ଅନ୍ତର୍ଗତ ବିଭିନ୍ନ ବିଦ୍ୟାଳୟ ମାନଙ୍କରେ ବାର୍ଷିକ କ୍ରୀଡା ମହୋତ୍ସବ ଅନୁଷ୍ଠିତ ହୋଇଯାଇଅଛି l ଏହି ଅବସରରେ ପ୍ରାୟ ୩୫ ପ୍ରକାର ଖେଳକୁ ସ୍ଥାନ ଦିଆଯାଇଥିଲା ଯାହାକି ଦୌଡ ପ୍ରତିଯୋଗିତା, ଉଛଡିଆଁ, ମ୍ୟୁଜିକ ଚେୟାର, ସଟ୍ ଫୁଟ୍, ଜେବଲିନ ଥ୍ରୋ, ଲମ୍ବଡିଆଁ ଇତ୍ୟାଦି l ଲାଲ ବାହାଦୁର ନୋଡାଲ ଉଚ୍ଚ ବିଦ୍ୟାଳୟରେ ଅନୁଷ୍ଠିତ ଏହି ବାର୍ଷିକ କ୍ରୀଡା ପ୍ରତିଯୋଗିତାରେ ପ୍ରଧାନ ଶିକ୍ଷକ ହେମନ୍ତ କୁମାର ବାରିକଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ମୁଖ୍ୟଅତିଥି ଭାବରେ ସରଗାଡ ସରପଞ୍ଚ ସରୋଜ କୁମାର ବେହେରା, ସମ୍ମାନିତ ଅତିଥି ଭାବରେ ସ୍କୁଲ କମିଟି ସଭାପତି ଗଙ୍ଗାଧର ପଟେଲ, ସି.ଆର୍.ସି.ସି ସୂର୍ଯ୍ୟକାନ୍ତ ପଧାନ, ବରିଷ୍ଠ ଶିକ୍ଷୟତ୍ରୀ ସସ୍ମିତା ମେହେର ପ୍ରମୁଖ ମଞ୍ଚାସୀନ ଥିଲେ l ସିନିୟର୍ ବାଳକ ବିଭାଗରେ ଦଶମ ଶ୍ରେଣୀ ଛାତ୍ର ରୋହନ ବେହେରା, ସିନିୟର୍

ବାଳିକା ବିଭାଗରେ ନବମ ଶ୍ରେଣୀ ଛାତ୍ରୀ ରିତୁ ସେଲମା, ଜୁନିୟର ବାଳକ ବିଭାଗରେ ଅନିଲ ସେଠ୍, ଜୁନିଅର ବାଳିକା ବିଭାଗରେ ପ୍ରତୀକ୍ଷା ପଧାନ, ଶବ୍ ଜୁନିଅର ବିଭାଗରେ ରାଜେଶ ନାଏକ ପ୍ରମୁଖ ବହୁ ପ୍ରତିଯୋଗିତାରେ ପ୍ରଥମ ସ୍ଥାନ ହାସଲ କରି ଚମ୍ପିୟାନ ହୋଇ ପୁରସ୍କାର ଗ୍ରହଣ କରିଥିଲେ l ସସ୍ମିତା ସାହୁ,ବେଦପ୍ରକାଶ ପଧାନ,ସଂଘମିତ୍ରା ପଟେଲ,ମନୋରଞ୍ଜନ ଭୋଇ,ବିକ୍ରମ ସାହୁ,ସୂର୍ୟକାନ୍ତି ପଧାନ,ବିକାଶ ପାଠି,ଈଶ୍ୱର ଘୁଳି,ଦୀପ୍ତି ଖୁଣ୍ଟିଆ,ଜ୍ୟୋତିରଂଜନ ମହାନନ୍ଦ,ପାଣ୍ଡବ ସମିନୀ,ଦେବଶୁଲି ମୁଗ୍ରୀ ପ୍ରମୁଖ ସ୍କୁଲ ଷ୍ଟାଫ୍ ଉପସ୍ଥିତ ରହି ଏହି କାର୍ଯ୍ୟକ୍ରମରେ ସହଯୋଗ କରିଥିଲେ l