15-Dec-2022

ଲୋଇସିଂହା(ବିନୋଦ କୁମାର ଦୀପ) ଲୋଇସିଂହା ଆଞ୍ଚଳିକ ବିକାଶ ପରିଷଦର ଆହ୍ୱାନକ୍ରମେ ଲୋଇସିଂହା ଷ୍ଟାଡିୟମ ଠାରେ ଏକ ଜରୁରୀକାଳୀନ ବୈଠକ ଅନୁଷ୍ଠିତ ହୋଇଯାଇଛି l ଉକ୍ତ ବୈଠକରେ ଲୋଇସିଂହାର ବିକାଶ ପାଇଁ ବିଭିନ୍ନ ବିଷୟ ଉପରେ ଆଲୋଚନା ଏବଂ ପର୍ଯ୍ୟାଲୋଚନା କରାଯାଇଥିଲା l ଉକ୍ତ ସଭାରେ ନିମ୍ନ ଲିଖିତ ପ୍ରସ୍ତାବ ଆଗତ ହୋଇ ସର୍ବ ସମ୍ମତିକ୍ରମେ ଗୃହୀତ କରାଗଲା l ଉକ୍ତ ପ୍ରସ୍ତାବରେ ପ୍ରଥମେ ଲୋଇସିଂହାକୁ ଏନଏସି ମାନ୍ୟତା ଦାବୀନେଇ ସରୋଜ ବିଶ୍ୱାଳଂକ ମତରେ ସମସ୍ତ ଅନୁଷ୍ଠାନର ଜନପ୍ରତିନିଧିଙ୍କୁ ଆହ୍ୱାନ କଲେ ସମସ୍ତେ ନିଜନିଜର ମତ ପ୍ରକାଶ କରି କିପରି ଏନଏସି ମାନ୍ୟତା ପାଇଁ ଆନ୍ଦୋଳନକୁ ଆଗେଇ ନେବା ତା ଉପରେ ଆଲୋଚନା କରାଗଲା l ଉକ୍ତ ବୈଠକରେ ସର୍ବସମ୍ମତି କ୍ରମେ ଗ୍ରହଣ କରାଗଲା ଯେ ଏନଏସି ଅଧିନସ୍ଥ ପ୍ରତ୍ୟକ ଗ୍ରାମକୁ ଯାଇ ଏନଏସି ବାବଦ ଓ ଆନ୍ଦୋଳନ ସମ୍ବନ୍ଧେ ବୈଠକ କରିବା ଓ ପ୍ରତ୍ୟକ ମାସରେ ସରକାରୀ ଅଫିସ ଗୁଡିକୁ ଥରେ ବନ୍ଦ କରିବା ପାଇଁ ନିଷ୍ପତି ନିଆଗଲା l ସମସ୍ତ ଗ୍ରାମରୁ ଜନସାଧାରଣ ବାହାରିବା ସହ ପଦଯାତ୍ରା କରି ବଲାଙ୍ଗୀର ଜିଲ୍ଲପାଳଙ୍କୁ ଏକ ଦାବିପତ୍ର ପ୍ରଦାନ କରାଯିବା ସହ ପୋଷ୍ଟକାର୍ଡ ଓ ଦସ୍ତଖତ ଅଭିଯାନ ମଧ୍ୟ କରାଯିବାକୁ ସ୍ଥିର କରାଗଲା l ଉକ୍ତ କାର୍ଯ୍ୟକ୍ରମରେ ଲୋଇସିଂହା ବିଧାୟକ ଡ଼ ମୁକେଶ ମହାଲିଙ୍ଗ ସମେତ ଲୋଇସିଂହାର ଏନଏସି ଅଧିକୃତ ଅଂଚଳର ସମସ୍ତ ରାଜନୈତିକ, ସ୍ୱଚ୍ଛାସେବୀ ଓ ସମାଜସେବୀ କର୍ମକର୍ତା ମାନ ଉପସ୍ଥିତ ଥିଲେ l ଆଗାମୀ 18 ତାରିଖ ପନେଶରା, 19 ତାରିଖ ସେମେଲମୁଣ୍ଡା, 20 ତାରିଖ ବୁର୍ଡl ଓ 21 ତାରିଖ ଲୋଇସିଂହା ବନ୍ଦ ରହିବ l