13-Dec-2022

ବିନିକା(ହିମାଂଶୁ ଶେଖର ପୁଟେଲ) ଆଜି ସନ୍ଧ୍ୟାରେ ବିନିକା-ଗୋଡଭଗା ରାସ୍ତାରେ ଏକ ଅଜଣା ଗାଡ଼ି ଧକ୍କାରେ ଜଣେ ବାଇକ ଚାଳକଙ୍କ ମୃତ୍ୟୁ ଘଟିଥିବା ବେଳେ ସେଠାରେ ଥିବା ଅନ୍ୟ ଜଣେ ଆହତ ହୋଇଛନ୍ତି ।ଘଟଣା ପରେ ଧକ୍କା ଦେଇଥିବା ଗାଡ଼ି ଫେରାର ହୋଇଯାଇଛି ।ଖବର ନେବାରୁ ଜଣାପଡିଛି ଯେ ବିନିକା ବ୍ଳକ ଗୁଲୁଣ୍ଡା ଗ୍ରାମର ୨୫ବର୍ଷିଆ ଯୁବକ ଅରବିନ୍ଦ ସେଠୀ ଏକ ବାଇକ ଯୋଗେ ଯାଉଥିବା ବେଳେ ଅରିଗାଁ ମୁରମୁରି ଜୋର ନିକଟରେ ଏକ ଅଜଣା ଗାଡ଼ି ତାଙ୍କୁ ଧକ୍କା ଦେଇ ଚାଲିଯାଇଥିଲା । ଠିକ ସେହି ସମୟରେ ସେଠାରେ ଥିବା ମନିଗାଁର ଅନିଲ ଭୋଇ ମଧ୍ୟ ଗାଡ଼ି ଧକ୍କାରେ ଆହତ ହୋଇଥିଲେ ।ରାସ୍ତାରେ ଯିବା ଆସିବା କରୁଥିବା ଲୋକେ ତୁରନ୍ତ ୧୦୮ ଆମ୍ବୁଲେଂସକୁ ଖବର ଦେବାପରେ ଆମ୍ବୁଲେଂସ ଆସି ଉଭୟଙ୍କୁ ବିନିକା ଗୋଷ୍ଟି ସ୍ବାସ୍ଥ୍ୟ କେନ୍ଦ୍ରକୁ ଆଣିଥିଲା ଡାକ୍ତର ଦେଖିବା ପରେ ଅରବିନ୍ଦକୁ ମୃତ ଘୋଷଣା କରିଥିଲେ ।ଅନ୍ୟ ଆହତ ବିନିକା ଡାକ୍ତରଖାନାରେ ଚିକିତ୍ସାଧୀନ ଅଛନ୍ତି ।ଘଟଣାସ୍ଥଳରେ ପୋଲିସ ପହଞ୍ଚି ଅନୁସନ୍ଧାନ ଜାରି ରଖିଛି ।