12-Dec-2022

ସିନ୍ଧେକେଲା (ଅନୀଲ କୁମାର ତ୍ରିପାଠୀ) ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଚାନ୍ଦୋତରା ଗ୍ରାମର ଖେଳପଡ଼ିଆ ଠାରେ ଚାଲିଥିବା ବୁଢାରଜା ଫୁଟବଲ ଟୁର୍ଣ୍ଣାମେଣ୍ଟ ଆଜି ଉଦଯାପିତ ହୋଇଯାଇଛି । ଏହି ଟୁର୍ଣ୍ଣାମେଣ୍ଟ ରେ ୮ ଗୋଟି ଦଳ ଭାଗ ନେଇଥିବା ବେଳେ ସେମାନଙ୍କ ମଧ୍ୟରୁ ବୋର୍ଡା ଓ ସିଆଲଝୁଡୁଙ୍ଗି ଦଳ ଫାଇନାଲ ମ୍ୟାଚ ରେ ଉତ୍ତୀର୍ଣ୍ଣ ହୋଇଥିଲେ । ଆୟୋଜିତ ଫାଇନାଲ ମ୍ୟାଚ ରେ ସିଆଲଝୁଡୁଙ୍ଗି ଦଳ କୁ ପରାସ୍ତ କରି ବୋର୍ଡା ଦଳ ଚାମ୍ପିଆନ ହୋଇଥିଲା । ରେଫରି ବିବତ୍ସ ମାଝୀ ଖେଳ ପରିଚାଳନା କରିଥିବା ବେଳେ ଲାଇନ ରେ ବୈଷ୍ଣବ ତାଣ୍ଡି ଓ ନବୀନ

ସରାଫ ସହଯୋଗ କରିଥିଲେ । ଆୟୋଜିତ ଉଦଯାପନୀ ଉତ୍ସବ ରେ ଚାନ୍ଦୋତରା ପଞ୍ଚାୟତ ର ସରପଞ୍ଚ ତଥା ବୁଢ଼ାରଜା ଫୁଟୁବଲ ଟୁର୍ଣ୍ଣାମେଣ୍ଟ ଆୟୋଜକ କମିଟି ର ସଭାପତି ଜିତେନ୍ଦ୍ର ବଚ୍ଛା ଙ୍କ ସଭାପତିତ୍ବ ରେ ମୁଖ୍ୟ ଅତିଥି ଭାବେ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା, ସମ୍ମାନୀୟ ଅତିଥି ଭାବରେ ବଙ୍ଗୋମୁଣ୍ଡା ବ୍ଲକ ଅଧ୍ୟକ୍ଷା ଙ୍କ ପ୍ରତିନିଧି ତଥା ସିନ୍ଧେକେଲା ସମିତି ସଭ୍ୟ ଭୋଲାନାଥ ବେହେରା,ଅଲଣ୍ଡା ପଞ୍ଚାୟତ ସରପଞ୍ଚ ଙ୍କ ପ୍ରତିନିଧି ଯୁବରାଜ ବାଗ, କଂଗ୍ରେସ ବରିଷ୍ଠ ନେତା ନୀଳକଣ୍ଠ ତ୍ରିପାଠୀ,ଜିଲ୍ଲା ଛାତ୍ର କଂଗ୍ରେସ ଉପ ସଭାପତି ସଞ୍ଜୟ

ସିଂଦେଓ,ପୂର୍ବତନ ଜିଲ୍ଲା ପରିଷଦ ସଦସ୍ୟ ସନ୍ତୋଷ ନାଏକ ,ଟୁଲୁ ସିଂ ଭୋଇ ପ୍ରମୁଖ ଅତିଥି ଭାବେ ଯୋଗ ଦେଇ ଖେଳାଳି ମାନଙ୍କୁ ଉତ୍ସାହିତ କରିବା ସହ ଚାମ୍ପିଆନ ଓ ଉପ ବିଜେତା ଦଳ କୁ ଟ୍ରଫି ସହ ଅର୍ଥରାଶି ପ୍ରଦାନ କରିଥିଲେ । ଏଥିରେ ଆଲୋକ କୁମାର ସାହୁ ଓ ଗୌତମ ସାହୁ ଧାରା ବିବରଣୀ ପ୍ରଦାନ କରିଥିଲେ । ଆୟୋଜକ କମିଟି ର ଅଭିଷେକ ସିଂ ଭୋଇ, ଶେଷଦେବ ଯାନୀ, ଜିତେନ୍ଦ୍ର ରଣା,ଅମରେଶ ବଚ୍ଛା, ଆକାଶ ଭୋଇ, ବୁନା ଭୋଇ, ଭର୍ତ୍ତ ଭୋଇ, ମନୋଜ ଥପା, ଭୀଷ୍ମ ବଚ୍ଛା, ଶ୍ରୀକାନ୍ତ ସିଂ ଭୋଇ,ସଞ୍ଜୀବ କୁମାର ସିଂ ଭୋଇ,ନରେନ୍ଦ୍ର ରଣା ,ଭରତ ଭୋଇ ଙ୍କ ସମେତ କ୍ଲବ ର ସମସ୍ତ ସଦସ୍ୟ ମାନେ ସହ ଯୋଗ କରିଥିଲେ ।