02-Dec-2020

ସମ୍ବଲପୁର,(ସଞ୍ଜିବ ପାଣିଗ୍ରାହୀଙ୍କ ରିପୋର୍ଟ): ନଭେମ୍ବର ୨୬ ତାରିଖ ଥିଲା ସମ୍ବିଧାନ ଦିବସ । ଭାରତୀୟ ଜନତା ପାର୍ଟି ତରଫରୁ ନଭେମ୍ବର ୨୬ ରୁ ଡିସେମ୍ବର ୬ ଯାଏଁ ସର୍ବଭାରତୀୟ ସ୍ତରରେ ଚାଲିଛି ବୁଦ୍ଧିଜୀବୀ ସମାବେଶ । ଏହି ମର୍ମରେ ଆଜି ଭର୍ଚୁଆଲ ବୈଠକ ମାଧ୍ୟମରେ ସମ୍ବଲପୁର ବିଜେପି ର ସମ୍ବିଧାନ ଦିବସ ର ବୁଦ୍ଧିଜୀବୀ ସମାବେଶ ଅନୁଷ୍ଠତ ହୋଇଥିଲା । ଏଥିରେ ରାଜ୍ୟ ତରଫରୁ ମୁଖ୍ୟ ଅତିଥି ଭାବରେ ଦଳୀୟ ରାଜ୍ୟ ସାଧାରଣ ସମ୍ପାଦକ ଗୋଲକ ବିହାରୀ ମହାପାତ୍ର ଉଦବୋଧନ ଦେଇଥିବା ବେଳେ ସ୍ଥାନୀୟ ଅତିଥି ଭାବରେ ବରିଷ୍ଠ ଆଇନଜୀବୀ ସତ୍ୟ ନାରାୟଣ ପଣ୍ଡା ଯୋଗ ଦେଇଥିଲେ । ବିଜେପି ଜିଲ୍ଲା ସଭାପତି ଗିରିଶ ପଟେଲ ଙ୍କ ଅଧ୍ୟକ୍ଷତା ରେ ହୋଇଥିବା ଏହି ବୈଠକକୁ କ୍ଷେତ୍ରିୟ ଗଣମାଧ୍ୟମ ସଂଯୋଜକ ମାନସ ରଞ୍ଜନ ବକ୍ସି ପରିଚାଳନା କରିଥିଲେ ଓ ଶେଷରେ ସମ୍ବଲପୁର ଜିଲ୍ଲା ପରିଷଦ ଅଧ୍ୟକ୍ଷ  ରାଧେଶ୍ୟାମ ବାରିକ ଧନ୍ୟବାଦ ଅର୍ପଣ କରିଥିଲେ । ଆଜିର ଏହି ବୈଠକରେ ଅଞ୍ଚଳର ବହୁ ବିଶିଷ୍ଟ ଓ ମାନ୍ୟଗଣ୍ୟ ବ୍ୟକ୍ତି ବିଶେଷ ଯୋଗ ଦେଇଥିଲେ ।
      ବୈଠକରେ ଅନ୍ୟ ମାନଙ୍କ ମଧ୍ୟରେ ସମ୍ବଲପୁର ବିଧାୟକ ଜୟ  ନାରାୟଣ ମିଶ୍ର, ରେଙ୍ଗାଲି ବିଧାୟକ ନାଉରି ନାଏକ, କୁଚିଣ୍ଡା ର ପୂର୍ବତନ ବିଧାୟକ ରବି ନାରାୟଣ ନାଏକ, ପୂର୍ବତନ ବିଧାୟକ ବୃନ୍ଦାବନ ମାଝୀ, ରାଜ୍ୟ ସମ୍ପାଦକ ଟଙ୍କଧର ତ୍ରିପାଠୀ, ଜିଲ୍ଲା ସାଧାରଣ ସମ୍ପାଦକ ଅନିଲ ବେହେରା,  ଦେବେନ୍ଦ୍ର ମହାପାତ୍ର,  ପ୍ରଫୁଲ୍ଲ ହୋତା, ଅଶ୍ୱିନୀ ମାଝି, ଡା. ରାଜକୁମାର ବଡ଼ପଣ୍ଡା, ଡା. ପ୍ରଭାସ ଦେବତା, ସବିତା ନନ୍ଦ, ସ୍ନେହଲତା କୁମାରୀ ଦେବୀ, କାନ୍ତି ମେହେର, ପ୍ରମୁଖ ସାମିଲ ହୋଇଥିଲେ ।