06-Dec-2022

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) ଗତ କିଛି ମାସ ପୂର୍ବ ରୁ   ବରୋଦା ବ୍ୟାଙ୍କ ରୁ ସୋନପୁର  କଲେଜ ର  72 ଲକ୍ଷ ଟଙ୍କା ହଡପ ଓ ଅନ୍ୟ ଏକ କେଶ ରେ ୨୧ ଲକ୍ଷ ଲୁଟ ଘଟଣା ର  କଳା ଦାଗ ନ ଲିଭି ନ ଥିବା ବେଳେ  ନକଲି ସୁନା ବା ପିତ୍ତଳ ଦେଇ ସୁନା ଋଣ କରି ପ୍ରାୟ ୫୨ ଲକ୍ଷ ୮୩ ହଜାର  ଟଙ୍କା ଠକି ନେଇଥିବା ୧୧ ଜଣ ଙ୍କ ମଧ୍ୟ ରୁ ସାତ ଜଣ ଠକଙ୍କୁ ଗିରଫ କରିବାରେ ସୁବର୍ଣ୍ଣପୁର ପୋଲିସ ସକ୍ଷମ ହୋଇଛି। ଯାହାକି ଏହି ବରୋଦା ବ୍ୟାଙ୍କ  ଉପରେ  ଉପରେ ପୁଣି ଏକ କଳା ଦାଗ ଲାଗିଛି ଏବଂ ଗ୍ରାହକ ଙ୍କ ଭରସା ତୁଟିବା ରେ ଲାଗିଛି l ଗତ ୨୦୧୯-୨୦ ଓ ୨୦୨୦-୨୧ ଦୁଇ ବର୍ଷ ଭିତରେ ଏଇ ଠକ ଗ୍ରାହକ ମାନେ ବ୍ୟାଙ୍କ ସୁନାରୀଙ୍କୁ ହାତେଇ ଟଙ୍କା ଠକି ନେଇଛନ୍ତି। ସହରର ବ୍ୟାଙ୍କ ଅଫ ବରୋଦା କର୍ତ୍ତୃପକ୍ଷ ଅଡିଟ ସମୟରେ ଗ୍ରାହକ ମାନେ ପିତ୍ତଳ ଦେଇ ସୁନା ବୋଲି ଋଣ ନେଇଥିବା ଅଭିଯୋଗ ହୋଇଥିଲା।ତେବେ  2 ବର୍ଷ ଭିତରେ ସମୁଦାୟ ୬୫ ଗୋଟି ମାମଲାରେ ନକଲି ଗହଣା ଦେଇ ବ୍ୟାଙ୍କରୁ ଠକେଇ ହୋଇଥିବା ଅଭିଯୋଗ ହୋଇଛି l ଜିଲ୍ଲା ପୋଲିସର ଏକ ସ୍ୱତନ୍ତ୍ର ଦଳ ଏହି ଠକେଇ ଘଟଣାର ଅନୁସନ୍ଧାନ କରି ଏହି ଠକେଇରେ ସାମିଲ  ହୋଇ ନକଲି ସାର୍ଟିଫିକେଟ ଦେଇ ଥିବା ସୁନା ବ୍ୟବସାୟୀ ସହିତ ସାତ ଜଣଙ୍କୁ ଗିରଫ କରିବାରେ ସକ୍ଷମ ହୋଇଛି।ଗିରଫ କରାଯାଇଥିବା ଠକ ମାନେ ଈଶ୍ୱର ସରାଫ, ସୁରେନ୍ଦ୍ର ସରାଫ, ଅଞ୍ଜନ ସା , ହଜାରୁ ସାହୁ , ଡାକ୍ତର ସେଠ, ରାମଚନ୍ଦ୍ର ବଣିଆ ଓ ଜୟ ନାରାୟଣ ମହାରଣା ବୋଲି ଜିଲ୍ଲା ଆରକ୍ଷୀ ଅଧିକ୍ଷକ ଶ୍ରୀ ଅମରେଶ ପଣ୍ଡା ସୂଚନା ଦେଇଛନ୍ତି।ଆଜି ଗିରଫ ବ୍ୟକ୍ତି ମାନଙ୍କୁ କୋର୍ଟ ଚାଲାଣ କରାଯାଇଛି l ଏ ଭିତରୁ ଜଣେ ଠକ ୟୁକୋ ବ୍ୟାଙ୍କ ରୁ ମଧ୍ୟ ଏଭଳି ଏକ ବଡ଼ ଠକେଇ ରେ ସାମିଲ ଥିବା ଜଣା ପଡିଛି l