01-Dec-2022

ବଲାଙ୍ଗିର- କିଛି ଦିନ ପୁର୍ବରୁ  କଂଗ୍ରେସ ସମର୍ଥିତ ନିର୍ଦ୍ଦେଶକ ସ୍ମାରକ ମିଶ୍ର  ୮-୬ ବ୍ୟବଧାନରେ  ବଲାଙ୍ଗିର ଜିଲ୍ଲା କେନ୍ଦ୍ର ସମବାୟ ବ୍ୟାଙ୍କର ସଭାପତି ପଦ ହାତେଇ ନେଇଥିଲେ । ଆଜି ଉପ ସଭାପତି ପଦ ପାଇଁ ନାମାଙ୍କନ ଶେଷ ତାରିଖ ଥିବା ବେଳେ ୧୩ ନଂ ଜୋନ ନିର୍ଦ୍ଦେଶକ ଦିପ୍ତିମୟୀ ସାହୁ ଏକା ନାମାଙ୍କନ ଦାଖଲ କରିଛନ୍ତି । ଫଳରେ ଦିପ୍ତିମୟୀ ଉପ ସଭାପତି ନିର୍ବାଚିତ ହେବା ଏକ ରକମ ନିଶ୍ଚିତ ହୋଇଯାଇଛି । ତେବେ  ଆସନ୍ତା ୩ ତାରିଖରେ ବିଧିବଦ୍ଧ ଭାବେ ନିର୍ବାଚନ ଫଳାଫଳ ଗୋଷିତ ହେବା ସୁଚନା ରହିଛି । ସୁଚନା ମୁତାବକ ଆଜି ଉପ ସଭାପତି ପଦ ପାଇଁ ନାମାଙ୍କନର ଶେଷ ଦିନ ଥିଲା । ଦିନ ୨ଟା ଶେଷ ସମୟ ସୁଦ୍ଧା ଅନ୍ୟ କେହି ପ୍ରାର୍ଥି ପ୍ରାଥିପତ୍ର ଦାଖଲ କରି ନଥିବା  ନିର୍ବାଚନ ଅଧିକାରୀ ତଥା ଅତିରିକ୍ତ ଜିଲ୍ଲାପାଳ ଲମ୍ବୋଧର ଧରୁଆ ସ୍ପଷ୍ଟ କରିଛନ୍ତି । ସେହିପରି ଯାଞ୍ଚ ପ୍ରକ୍ରୀୟାରେ ପରେ ମଧ୍ୟ ଦିପ୍ତିମୟୀଙ୍କ ପ୍ରର୍ଥିପତ୍ର କାୟମ ରହିଥିବା ସୁଚନା ରହିଛି । ନାମାଙ୍କନ ସମୟରେ ପ୍ରାଥିନୀ ସହିତ ନବ ନିର୍ବାଚିତ ବ୍ୟାଙ୍କ ସଭାପତି ସ୍ମାରକ ରଞ୍ଜନ ମିଶ୍ର , ଚିନ୍ତାମଣି ଭୋଇ, ଯୋଗିନ୍ଦ୍ର ମିର୍ଧା, କୃତିବାସ ବାଗ ଓ ଅନ୍ୟମାନେ ଉପସ୍ଥିତ ଥିଲୋ । ୧୩- ୨ ସମିକରଣ ସତ୍ୱେ ଡିସିସିବି ବ୍ୟାଙ୍କ ସଭାପତି ନିର୍ବାଚନ ବିଜେଡି ଆଶ୍ଚର୍ଯ୍ୟଜନକ ଭାବେ ହରାଇଥିବା ବେଳେ ଉପସଭାପତି ପଦ ନିର୍ବିରୋଧ ରହିବା ବିଜେଡି ପାଇଁ ଏକ ଶକ୍ତ ଧକ୍କା ବୋଲି ଚର୍ଚ୍ଚା ହେଉଛି । ଏହି ପରିପ୍ରେକ୍ଷିରେ ନିର୍ବିରୋଧ ନାମାଙ୍କନ ନେତୃତ୍ୱ ପ୍ରତି ସମସ୍ତଙ୍କ ବିଶ୍ୱାସକୁ  ସ୍ପଷ୍ଟ କରୁଛି ବୋଲି ସଭାପତି ସ୍ମାରକ ଓ ପ୍ରାର୍ଥିନୀ ଦିପ୍ତିମୟୀ ମତବ୍ୟକ୍ତ କରିଛନ୍ତି ।