29-Nov-2022

କର୍ଲାମୁଣ୍ଡା:(ପ୍ରଦିପ କୁମାର ସାହୁ)
କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ୍ ତେରେସିଂହା ଗ୍ରାମରେ ପାଳିତ ହେଉଥିବା କୁରାଳ ପଞ୍ଚମୀ ଉତ୍ସବ ମଙ୍ଗଳବାର ଉଦଯାପିତ ହୋଇ ଯାଇଛି l କୁମ୍ଭକାର ସମ୍ପ୍ରଦାୟର ଏହା ମୂଖ୍ୟ ପର୍ବ ହେଉ ଥିବାରୁ କୁମ୍ଭାକାର ଜାତି ଭାଇଭଉଣୀଙ୍କ ମଧ୍ୟରେ ବେଶ୍ ଆନନ୍ଦ ଉଲ୍ଲାସ ଦେଖିବାକୁ ମିଳିଥିଲା l ମାର୍ଗଶୀର ଶୁକ୍ଳପକ୍ଷ ପଞ୍ଚମୀରେ ତିଥିରେ ଏହି ପୂଜା ଅନୁଷ୍ଠିତ ହୋଇଥାଏ l ରବିବାର ଦିନ କଳସ ଯାତ୍ରାରେ ଯାଇ ନିକଟସ୍ଥ ପୋଖରୀ ରୁ ଜଳ ଆଣି ପୂଜା ମଣ୍ଡପରେ ସ୍ଥାପନ କରିଥିଲେ l ସୋମବାର ଦିନ ପ୍ରଥମେ କୁମ୍ଭକାର ଜାତିର ପତାକା ଉତ୍ତୋଳନ କରା ଯାଇଥିଲା l ପରେ କୁମ୍ଭକାର ସମାଜର ଇଷ୍ଟ ଦେବାଦେବୀ ପିତା ରୁଦ୍ରପାଳ, ମାତା ରତ୍ନେଶ୍ୱରୀ, ସୁରେଶନ ଚକ୍ର ପୂଜାର୍ଚ୍ଚନା ସହ କୁରାଳ ପୁରାଣ ପଠନ ହୋଇଥିଲା l ଏଥିରେ ସମ୍ବାରୁ ରଣା ଓ ତାଙ୍କ ଧର୍ମପତ୍ନୀ ରଞ୍ଜିତା ରଣା କର୍ତ୍ତା ଦାୟିତ୍ଵ ତୁଲାଇଥିଲେ l କୁରାଳ ସମାଜର ସମ୍ପାଦକ ମୁରଲୀଧର ରଣାଙ୍କ ନେତୃତ୍ବରେ ଉପ ସଭାପତି ଭୁବନେ ରଣା, ତ୍ରିନାଥ ରଣା, ମକରନ୍ଦ ରଣା, ଗୌରାଙ୍ଗ ରଣା, ଚତୃଭୂଜ ରଣା, ଡମ୍ବରୁଧର ରଣା, କୃଷ୍ଣ ଚନ୍ଦ୍ର ରଣା, ନିର୍ମଳ ରଣା, ତପନ ରଣା,ସରୋଜ ରଣା, ହେମନ୍ତ ରଣା, ସୁଶାନ୍ତ ରଣା ପ୍ରମୁଖ ବିଭିନ୍ନ କାର୍ଯ୍ୟରେ ସହଯୋଗ କରିଥିଲେ l ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମମାନ ଅନୁଷ୍ଠିତ ହୋଇଥିଲା ସେହିପରି ବ୍ଲକ ର ବିଭିନ୍ନ ଗ୍ରାମରେ କୁରାଲ ପଞ୍ଚମୀ ଧୁମଧାମରେ ପାଳନ ହେଉଥିବା ଦେଖିବାକୁ ମିଳିଛି