29-Nov-2022

ବରଗଡ:-ବରଗଡ଼ ଜିଲ୍ଲା ପାଇକମାଲ ବ୍ଳକ ଅନ୍ତର୍ଗତ ବୁକୁରାମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅଧିନରେ କାର୍ଯ୍ୟରତ ମହିଳା ଓ ପୁରୁଷ ସ୍ୱାସ୍ଥ୍ୟକର୍ମୀ ଏବଂ ସ୍ୱାସ୍ଥ୍ୟପରିଦର୍ଶକ ମାନେ ମଙ୍ଗଳବାର ଦିନ ୫ଦଫା ସମ୍ମଳିତ ଦାବୀପତ୍ର ଗୋଷ୍ଠୀ ସ୍ୱାସ୍ଥ୍ୟଅଧିକାରୀ ଡା: ସୈାମ୍ୟରଞ୍ଜନ ଦାଶ ଙ୍କୁ ପାଇକମାଲ ପିଏଚସି ଠାରେ ପ୍ରଦାନ କରିଛନ୍ତି।ଏହି ଦାବୀ ଗୁଡିକ ପୂରଣ କରାନଗଲେ ଆସନ୍ତା ଡ଼ିସେମ୍ବର ୧୪ ତାରିଖ ଠାରୁ ସ୍ୱାସ୍ଥ୍ୟକର୍ମୀମାନେ ତଥା ସ୍ୱାସ୍ଥ୍ୟପରିଦର୍ଶକ ମାନେ କାର୍ଯ୍ୟରେ ଅସହଯୋଗ କରିବେ ବୋଲି କଡ଼ା ଚେତାବନୀ ଦେଇଛନ୍ତି।ଏହାପରେ ଯଦି ସେମାନଙ୍କ ଦାବୀ ସମ୍ପର୍କରେ ରାଜ୍ୟସରକାର କୈାଣସି ପଦକ୍ଷେପ ଗ୍ରହଣ ନ କରନ୍ତି ତେବେ ବାଧ୍ୟହୋଇ ଡିସେମ୍ବର ୨୧ ତାରିଖରୁ କାର୍ଯ୍ୟ ବନ୍ଦ ଆନ୍ଦୋଳନରେ ଯୋଗଦେବେ ବୋଲି ଜଣାଇଛନ୍ତି।ରାଜ୍ୟରେ କାର୍ଯ୍ୟରତ ସ୍ୱାସ୍ଥ୍ୟକର୍ମୀ ଙ୍କ କ୍ୟାଡର ପୁନଃ ଗଠନ କରିବାସହ ଗ୍ରେଡ ପେ ବୃଦ୍ଧି ସମେତ ଅନ୍ୟ କେତେକ ନ୍ୟାର୍ଯ୍ୟ ଦାବୀ ପୂରଣ କରିବାକୁ ସ୍ମାରକ ପତ୍ରରେ ଦର୍ଶାଯାଇଛି।ସ୍ମାରକପତ୍ର ଦେବା ସମୟରେ ତୁଷ କୁମାର ଚନ୍ଦ୍ରକାର,ଜାହ୍ନବୀ କିଷାନ,ଚନ୍ଦ୍ରିକା ଛୁରା,ପ୍ରଦୀପ ସାହୁ,ପୂର୍ଣ୍ଣବତୀ ବେହେରା,ଲିଲି ଦୀପ,ଖୁଦେଶ୍ୱରୀ ପ୍ରଧାନ,ମୋନାଲିସା ସାହୁ,ନିର୍ମଳା ଦ୍ୱିବେଦୀ,ଜାମିନୀ ବେହେରା,ଲିପସା ବେହେରା,ଲଲିତା ସାହୁ ପ୍ରମୁଖ ଉପସ୍ଥିତ ଥିଲେ।