02-Dec-2020

ବଲାଙ୍ଗିର,(ସନ୍ତୋଷ କୁମାର ଠାକୁର): ଆଜି ବଲାଙ୍ଗିର ସିଭିଲ୍ କୋର୍ଟରେ ବଲାଙ୍ଗିର ସିଭିଲକୋର୍ଟର କାର୍ଯ୍ୟରତ ଏକାଉନ୍‌ଟାଣ୍ଟ ସୁବାଷ ଦାନିଙ୍କ ଅକାଳ ବିୟୋଗରେ ବିଚାରବିଭାଗୀୟ କର୍ମଚାରୀ ସଂଘର ସଭାପତି ପ୍ରକାଶ ନେପାକଙ୍କ ଆବହକତ୍ୱରେ ଶୋକ ସଭା ଅନୁଷ୍ଠିତ ହୋଇଯାଇଛି । ତାଙ୍କ ଆତ୍ମାର ସଦ୍‌ଗତି ନିମନ୍ତେ ଦୁଇ ମିନିଟ ନିରବ ପ୍ରାର୍ଥନା କରାଯାଇଥିଲା । ସେ କରୋନାରେ ପିଡିତ ହୋଇ ସ୍ଥାନୀୟ ମୁଖ୍ୟଚିକିତ୍ସାଳୟରେ ସପ୍ତାହେ ହେଲା ଚିକିତ୍ସିତ ହେଉଥିଲେ । ଉକ୍ତ ଶୋକ ସଭାରେ ଇନ୍‌ଚାର୍ଜ ଜିଲ୍ଲାଜଜ୍ ଅଜନ୍ତା ଷଡଙ୍ଗି ତଥା ସମସ୍ତ ବିଚାର ବିଭାଗୀୟ ଅଧିକାରୀ ସମସ୍ତ କର୍ମଚାରୀ ଯୋଗଦାନ କରି ଦାନିବାବୁଙ୍କ ଆତ୍ମାର ସଦ୍‌ଗତି ନିମନ୍ତେ ପ୍ରାର୍ଥନା କରିଥିଲେ । ଭିଜିଲାନ୍ସ ଜଜ୍ ଅଜନ୍ତା ଷଡଙ୍ଗି ସ୍ୱର୍ଗତ ଦାନିଙ୍କ ବିୟୋଗରେ ଜଣେ ସର୍ଚ୍ଚୋଟ ତଥା କର୍ମଠ କର୍ମଚାରୀଙ୍କୁ ଆମେ ହରେଇଲୁ ବୋଲି ପ୍ରକାଶ କରିଥିଲେ । ସିିଭିଲ କୋର୍ଟ ରେଜିଷ୍ଟାର ଅମିତ କୁମାର ବାରିକ ସ୍ୱର୍ଗତ ଦାନୀଙ୍କ ପରିବାରବର୍ଗଙ୍କୁ ସାନ୍ତ୍ୱନା ପ୍ରଦାନ କରିବା ସହ କରୋନା କାଳରେ ସମସ୍ତେ ସଜାଗ ରହି ସାମାଜିକ ଦୂରତ୍ୱ ବଜାୟ ରଖିବାକୁ ଆହ୍ୱାନ ଦେଇଥିଲେ । ସିଭିଲକୋର୍ଟ ହେଡ୍‌କ୍ଲାର୍କ ପଞ୍ଚାନନ ପଟ୍ଟନାୟକ ସ୍ୱର୍ଗତ ଦାନିଙ୍କ ବିୟୋଗରେ ବିଚାର ବିଭାଗ ଏକ ଦକ୍ଷ ତଥା କର୍ମବୀରଙ୍କୁ ହରେଇଲୁ ବୋଲି ପ୍ରକାଶ କରିଥିଲେ । ସଂଘର ସଭାପତି ପ୍ରକାଶ ନେପାକ ତାଙ୍କର ଅନ୍ତରଙ୍ଗ ବନ୍ଧୁ ସହକର୍ମଙ୍କୁ ହରେଇ ମର୍ମାହତ ବୋଲି ପ୍ରକାଶ କରିଥିଲେ । ଜିଲ୍ଲା ଜଜ୍ ଶ୍ୟାମ ସୁନ୍ଦର ଦାଶ ତାଙ୍କ ଶୋକ ବାର୍ତ୍ତାରେ ସୁବାଷ ଦାନିଙ୍କ ଆତ୍ମାର ସଦ୍‌ଗତି କାମନା କରିବା ସହ ଶୋକ ସନ୍ତପ୍ତ ପରିବାରବର୍ଗଙ୍କୁ ସାନ୍ତ୍ୱନା ପ୍ରଦାନ କରିଛନ୍ତି ।