28-Nov-2022

ସମ୍ବଲପୁର,( ସଂଜୀବ ପାଣିଗ୍ରାହୀ)
ନବ ଗଠିତ ଭାରତୀୟ ସାହିତ୍ୟ ଓ ସଂସ୍କୃତି ପରିଷଦ ଓଡ଼ିଶା ପକ୍ଷରୁ ସମ୍ବଲପୁର ତପସ୍ଵିନୀ ସଭାକକ୍ଷରେ ସଭାପତି ନିତ୍ୟାନନ୍ଦ ଖମାରୀଙ୍କ ସଭାପତିତ୍ବରେ ଦୁଇ ଗୋଟି ଅଧିବେଶନରେ ରାଜ୍ୟସ୍ତରୀୟ କବି ସମ୍ମିଳନୀ ଓ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି । କବି ପଙ୍କଜିନି ନାୟକଙ୍କ ସଂଯୋଜନାରେ ପ୍ରଥମ ଅଧିବେଶନରେ ପନ୍ଦର ଗୋଟି ଜିଲ୍ଲାରୁ ଆସିଥିବା ଶତାଧିକ କବିଙ୍କୁ ସମ୍ମାନିତ କରାଯାଇ ଥିବାବେଳେ ସେମାନଙ୍କ ଭିତରେ ଅନନ୍ତ ରାମ ସାହୁ ,ସୁବାସ ଚନ୍ଦ୍ର ନାୟକ ପ୍ରମୁଖ ଅନ୍ତର୍ଭୁକ୍ତଥିଲେ । ଏହି ଉତ୍ସବରେ ମୁଖ୍ୟ ଅତିଥି ଭାବରେ ଅବସର ପ୍ରାପ୍ତ ସର୍ବୋଚ୍ଚ ଯନ୍ତ୍ରୀ ଡ଼. କୃଷ୍ଣ କୁମାର ଗୁପ୍ତା, ସମ୍ବଲପୁର ବିଶ୍ୱବିଦ୍ୟାଳୟର ଓଡ଼ିଆ ବିଭାଗ ମୁଖ୍ୟ ଡ. ଗୋପ୍ନଥ ଦାସ, ଗଙ୍ଗା ଧର ମେହେର ବିଶ୍ୱ ବିଦ୍ୟାଳୟ ଓଡ଼ିଆ ବିଭାଗ ମୁଖ୍ୟ ଡ଼. ଲକ୍ଷ୍ମୀ ପ୍ରିୟ ବେହେରା,ଅବସରପ୍ରାପ୍ତ କଲେଜ ଅଧ୍ୟକ୍ଷ ସୁବାସ ଚନ୍ଦ୍ର ନାୟକ, ପ୍ରଫେସର ଗିରିଜା ଶଙ୍କର ଶର୍ମା, ପ୍ରଫୁଲ୍ଲ ମହାପାତ୍ର ପ୍ରମୁଖ ସମ୍ମାନିତ ଅତିଥି  ଓ ଅବସରପ୍ରାପ୍ତ ପ୍ରସାନିକ ଅଧିକାରୀ ମୂରଲୀଧର ନାଏକ ମୁଖ୍ୟବକ୍ତା ଭାବରେ ଯୋଗ ଦେଇଥିଲେ । ଶେଷରେ ଡ. ସଙ୍ଗୀତ ନାୟକ ଧନ୍ୟବାଦ୍ ଅର୍ପଣ କରିଥିଲେ ।