25-Nov-2022

ବିନିକା(ହିମାଂଶୁ ଶେଖର ପୁଟେଲ)ବିନିକା ସହର ମୁଖ୍ୟରାସ୍ତା ପ୍ରଶସ୍ତିକରଣ ନେଇ ଆଜି ମାପ କରିବାକୁ ଆସିଥିବା ପୂର୍ତ୍ତ ବିଭାଗ ଏସଡିଓ ଲୋକଙ୍କ ପ୍ରଶ୍ନର ଉତ୍ତର ଦେଇ ନପାରି ନାକେଦମ ହୋଇଯାଇଥିଲେ ।ପ୍ରକାଶ ଯୋଗ୍ୟ ଯେ ସୁବର୍ଣ୍ଣପୁର-ବିନିକା-ଡୁଙ୍ଗୁରିପାଲି ରାଜପଥ ପ୍ରଶସ୍ତିକରଣ କାମ ଆରମ୍ଭ ହୋଇଛି ।ସହର ବାହାରେ ରାସ୍ତାର ଚଉଡା ୧୦ମିଟର କରାଯାଉଥିବା ବେଳେ ସହର ଭିତର ସଂକୀର୍ଣ୍ଣ ମୁଖ୍ୟରାସ୍ତାକୁ କୁଆଡେ ୭ମିଟର ମଧ୍ୟରେ ସୀମିତ ରଖିବା ପାଇଁ ପ୍ରୟାସ କରାଯାଇ ଆଜି ପୂର୍ତ୍ତ ବିଭାଗ ପକ୍ଷରୁ ଏସଡିଓଙ୍କ ଉପସ୍ଥିତିରେ ରାସ୍ତା ନିର୍ମାଣ କାରୀ ସଂସ୍ଥାର ଇଂଜିନିୟର ଓ ଷ୍ଟାଫ ରାସ୍ତା ମଧ୍ୟମ ସ୍ଥଳରୁ ପାର୍ଶ୍ବ କୁ ୩.୫୦ମିଟର ଲେଖାଏଁ ମାପ କରୁଥିଲେ ।ଏହି ମାପ ବିଷୟ ନେଇ ଅଞ୍ଚଳର ସଚେତନ ନାଗରିକ ପଚାରିବାରୁ ପୂର୍ତ୍ତ ବିଭାଗ ଷ୍ଟାଫ କୌଣସି ସନ୍ତୋଷଜନକ ଉତ୍ତର ଦେଇ ନଥିଲେ। ଯାହା ଫଳରେ ପ୍ରାୟ ୧୦୦ଜଣ ଯୁବକ ନୂଆବଜାର ଠାରେ ପୂର୍ତ୍ତ ଏସଡିଓଙ୍କୁ ଘେରି ଯାଇ ରାସ୍ତା ପ୍ରଶସ୍ତିକରଣ ସମ୍ପର୍କରେ ବିଭିନ୍ନ ପ୍ରଶ୍ନ ପଚାରି ଉତ୍ତର ମାଗିଥିଲେ ।କିନ୍ତୁ ଏସଡିଓ ମହାଶୟ ସଂପୃକ୍ତ ରାସ୍ତା ନିର୍ମାଣକାରୀ ସଂସ୍ଥାର ଠିକାଦାର ଠୁ ବୁଝି ଉତ୍ତର ଦେଇଥିଲେ ।ଯାହାକି ଉପସ୍ଥିତ ନାଗରିକ ରାସ୍ତା ନିର୍ମାଣରେ ଆପଣଙ୍କ ଅଭିଜ୍ଞତା ନାହିଁ ବୋଲି କହି ଏଠାରୁ ଚାଲି ଯାଆନ୍ତୁ ବୋଲି କହିଥିଲେ । ସଙ୍କୁଚିତ ଜନଗହଳିପୂର୍ଣ୍ଣ ଏହି ମୁଖ୍ୟ ରାସ୍ତା ଦେଇ ପ୍ରତିଦିନ ହଜାର ହଜାର ସଂଖ୍ୟାରେ ମାଲବାହୀ ଗାଡ଼ି,ଯାତ୍ରୀ ବସ ଚଳାଚଳ କରୁଥିବାରୁ ଟ୍ରାଫିକ ସମସ୍ୟା ସୃଷ୍ଟି କରୁଛି ।ଗତ

ଦେଢ଼ ବର୍ଷ ମଧ୍ୟରେ ଦୁର୍ଘଟଣାରେ ୨୨ଜଣଙ୍କର ମୃତ୍ୟୁ ଘଟି ଥିବାବେଳେ ଦୈନନ୍ଦିନ ଛୋଟ ବଡ଼ ଦୁର୍ଘଟଣା ଘଟୁଥିବାର ନଜିର ରହିଛି ।ତେଣୁ ସଂକୀର୍ଣ୍ଣ ମୁଖ୍ୟରାସ୍ତା ମଝିରେ ଡିଭାଇଡର ଦେବା ସହ ପ୍ରଶସ୍ତିକରଣ କାମ କରାଯିବାକୁ ଅଞ୍ଚଳର ନାଗରିକ ମାନେ ଜୋରଦାର ଦାବି କରିଛନ୍ତି ।ଯଦି ଡିଭାଇଡର ଦେଇ ପ୍ରଶସ୍ତିକରଣ କାମ କରା ନଯାଏ ତେବେ ରାସ୍ତା ଯେମିତି ଅଛି ସେମିତି ରହୁ ବ୍ଳକର ଅଙ୍ଗନଦୀ ଠାରୁ ଭବାନୀପାଲି ପର୍ଯ୍ୟନ୍ତ କାମ ବର୍ତମାନ ପାଇଁ ବନ୍ଦ ରହୁ ବୋଲି କହିବା ସହ ଚାଲିଥିବା ରାସ୍ତା ମାପ କାର୍ଯ୍ୟକୁ ସମ୍ପୂର୍ଣ୍ଣ ବନ୍ଦ କରିଦେଇଛନ୍ତି ।ଫଳରେ ନିର୍ମାଣକାରୀ ସଂସ୍ଥାର ଇଂଜିନିୟର,ଷ୍ଟାଫ ଓ ପୂର୍ତ୍ତ ବିଭାଗ ଏସଡିଓ ଫେରି ଯାଇଛନ୍ତି ।ତେବେ ଅଞ୍ଚଳବାସୀଙ୍କ ଦାବି ଅନୁସାରେ ମୁଖ୍ୟ ରାସ୍ତା ମଝିରେ ଡିଭାଇଡର ନିର୍ମାଣ କରି ପ୍ରଶସ୍ତିକରଣ କାମ ନହୁଏ ତେବେ ଆଗାମୀ ଦିନରେ ଭୟାବହ ଆନ୍ଦୋଳନ କରାଯିବ ଏବଂ ଯାହା ବି ଅପ୍ରତିକର ଘଟଣା ଘଟିବ ପ୍ରଶାସନ ସଂପୂର୍ଣ୍ଣ ଦାୟୀ ରହିବେ ବୋଲି ଚେତାବନୀ ଦିଆଯାଇଛି ।