24-Nov-2022

ସମ୍ବଲପୁର, (ସଂଜୀବ ପାଣିଗ୍ରାହୀ)
 ସମ୍ବଲପୁର ଓ ବୁର୍ଲାର ବିଭିନ୍ନ ସରକାରୀ ଓ ଘରୋଇ ହସ୍ପିଟାଲ ମାନଙ୍କରେ ଚିକିତ୍ସାଧୀନ ରୋଗୀଙ୍କ ପାଇଁ ନିରନ୍ତର ରକ୍ତର ଚାହିଦାକୁ ଦୃଷ୍ଟିରେ ରଖି ସମ୍ବଲପୁର ଜିଲ୍ଲା ପୋଲିସ ଏସପି ଙ୍କ ନିର୍ଦ୍ଦେଶକ୍ରମେ ଗୁରୁବାର ସ୍ଥାନୀୟ ଅଇଁଠାପାଲି ଥାନାରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା । ଏଥିରେ ସ୍ଵେଛାକୃତ ଭାବରେ ଅନେକ ରକ୍ତଦାତାଙ୍କ ଯୋଗଦାନ କରି ୭୫ ୟୁନିଟ ରକ୍ତ ସଂଗ୍ରହ ହୋଇଯାଇଛି । ଜିଲ୍ଲା ପୋଲିସ ଏସପି ବି. ଗଙ୍ଗାଧର ଶିବିରକୁ ଉଦ୍ଘାଟନ କରିବା ସହିତ ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ I ଏହି ରକ୍ତଦାନ ଶିବିରର ସଫଳ ରୂପାୟନ ପାଇଁ ସମ୍ବଲପୁର ଟ୍ରକ ମାଲିକ ସଂଗଠନ, ବୁଢାରଜା ଦୁର୍ଗାପୂଜା କମିଟି ଓ ବରେଇପାଲି ଗଣେଶ ପୂଜା କମିଟିଙ୍କ ସହିତପୋଲିସ କର୍ମଚାରୀଙ୍କ ବିଶେଷ ସହଯୋଗ ରହିଛି । ରକ୍ତଦାତାମାନେ ସ୍ବେଚ୍ଛାକୃତ ଭାବେ ଉତ୍ସାହର ସହିତ ଏଥିରେ ସାମିଲ ହୋଇ ରକ୍ତଦାନ କରିଥିଲେ । ସେମାନଙ୍କ ଏହି ସହଯୋଗ ପାଇଁ ଥାନା ଆଇଆଇସି ଓ କର୍ମଚାରୀ କୃତଜ୍ଞତା ଜ୍ଞାପନ କରିଛନ୍ତି ।