19-Nov-2022

ବଲାଙ୍ଗୀର-ସ୍ୱାଧିନତା ସଂଗ୍ରାମୀ ବିଶିଷ୍ଟ ଆଦିବାସୀ ସହିଦ ମୋହନ ମାଝୀଙ୍କ ସ୍ମୃତୀକୁ ବହନକରୁଥିବା ତଥା ଆଦିବାସୀଙ୍କ ଭାବାବେଗ ଜଡିତ ଥିବା ବଙ୍ଗୋମୁଣ୍ଡା ତହସିଲ ସିନ୍ଧେକେଲା ନିକଟସ୍ଥ ଅଲଣ୍ଡା ପଞ୍ଚାୟତର ମୁଙ୍ଗେ ପାହାଡକୁ ଫଟାଇବାକୁ ଟିଟିଲାଗଡର ଜଣେ ବ୍ୟବସାୟୀଙ୍କୁ ପ୍ରଶାସନ ଲିଜରେ ଦେଇଛନ୍ତି । ଲିଜରେ ନେଇଥିବା ବ୍ୟବସାୟୀ ଜଣକ ନୀୟମ କାନୁନର ଉଲଂଘନ କରି ପାହାଡରେ ନଳକୂଅଗାଡି ଲଗାଇ ଡ୍ରୀଲିଂ କରୁଛନ୍ତି । ଗତ

୩ମାସ ତଳେ ସ୍ଥାନୀୟଲୋକେ ଏହାକୁ ପ୍ରତିବାଦ କରିଥିଲେ । ଆଦିବାସୀଙ୍କ ଭାବାବେଗ ସହିତ ଜଡିତଥିବା ଐତିହାସିକ ପାହାଡର ସୁରକ୍ଷା କରିବାକୁ ଦାବି କରିଥିଲେ । କିନ୍ତୁ ପ୍ରଶାସନ ପୁଣି ଚକ୍ରାନ୍ତ କରି ପାହାଡକୁ ଫଟାଇବାକୁ ଉଦ୍ୟମ କରୁଥିବା କାରଣରୁ ଶୁକ୍ରବାରଦିନ ଟିଟିଲାଗଡରେ ଏକ ବିଶାଳ ପ୍ରତିବାଦ ଶୋଭାଯାତ୍ରା କରାଯାଇ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରାଯାଇଛି । ହଜାର ହଜାର ସଂଖ୍ୟାରେ ଆଦିବାସୀମାନେ ସ୍ଥାନୀୟଲୋକଙ୍କ ସହିତ ପାରଂମ୍ପରିକ ଅସ୍ତ୍ରଶସ୍ତ୍ର ଧରି ଟିଟିଲାଗଡ ସହରରେ ଶୋଭାଯାତ୍ରା କରିଥିଲେ । ମୁଙ୍ଗେ ପାହାଡ କନ୍ଧଆଦିବାସୀଙ୍କ ସ୍ୱାଭିମାନର ପ୍ରତିକ ବୋଲି ଆଦିବାସୀମାନେ କହିଛନ୍ତି । ତେଣୁ ଏହି ପାହାଡକୁ ସୁରକ୍ଷା

କରାଯାଇ ଏହାର ଉନ୍ନୟନ କରାଯାଉ ବୋଲି ଦାବି କରାଯାଇଛି । ୱେଷ୍ଟର୍ଣ୍ଣଓଡିଶା ଯୁବାମଞ୍ଚର ଆବାହକ ଅଜିତ ପତି,ଗରୀବ ସେନାର ବୀରେନ୍ଦ୍ର ବାଗ,କୋଶଲଯୁବଶକ୍ତିର ଜୟନ୍ତ ସାହୁଙ୍କୁ ନେତୃତ୍ୱରେ ଅନୁଷ୍ଠିତ ଏହି ପ୍ରତିବାଦ ଶୋଭାଯାତ୍ରାରେ ଜିଲ୍ଲା କନ୍ଧସମାଜ,ଆଦିବାସୀ ସଂଘ ସହିତ ଠେମରା,ଅଲଣ୍ଡା,ବେହେଲି,ସିେନ୍ଧେକେଲା ପଞ୍ଚାୟତବାସୀ ଯୋଗଦେଇଥିଲେ ।  ଏହି କାର୍ଯ୍ୟକ୍ରମରେ ବିଜୟାନନ୍ଦ ମହାକୁର,ରାଶ ବଗର୍ତ୍ତି,ରମେଶ ସିଂପାତ୍ର,ଯୁବରାଜ ବାଗ,ଆଲୋକ ବାଗ,ସୁରେଶ ଭୋଇ,ଧନେଶ୍ୱର ମାଝୀ,ନାରୀନେତ୍ରୀ କିରଣ ଭୋଇ,ଯୁବରାଜ ମାଝୀ,ଯୁବରାଜ ବାଗ,କଣ୍ଟାବାଞ୍ଜି ନିର୍ବାଚନମଣ୍ଡଳିର ଭାଜପା ବିଧାୟକ ପ୍ରାର୍ଥି ଲକ୍ଷ୍ମଣ ବାଗ,ମୁନିରାମ ନାଗ,ନିତ୍ୟାନନ୍ଦ ପୃଷେଠ,ହେମନ୍ତ ସାହୁ,ହରିନାରାୟଣ ମିଶ୍ର,ସଂଜୀବ ସାହୁ,ରାଜୀବ ସଗ୍ରୀଆ,ବିନୋଦ ସରାଫ ପ୍ରମୁଖ ସ୍ଥାନୀୟ ଘଣ୍ଟାସୁଣୀମନ୍ଦିର ରୁ ବାହାରି ଶୋଭାଯାତ୍ରାରେ ବାହାରି ସହର ପରିକ୍ରମା କରି ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚି ବିକ୍ଷୋଭ କରିଥିଲେ ।