18-Nov-2022

ନୟାଗଡ,(ପ୍ରଦୀପ କୁମାର ପଣ୍ଡା)ଓଡ଼ଗାଁ ବ୍ଳକ ବାଣ୍ଠପୁର ପଞ୍ଚାୟତ ଅନ୍ତର୍ଗତ ବଣ ଜଙ୍ଗଲ ଘେରା ଆଦିବାସୀ ଅଧ୍ୟୁଷିତ ଗ୍ରାମ ଓସ୍ତିଆମାଳ ର ବାସିନ୍ଦା ହରିଶ ପ୍ରଧାନ | ନିଜର ପ୍ରତିଭା ବଳରେ ନୟାଗଡ଼ ଜିଲ୍ଲାରେ ଏକ ସ୍ୱତନ୍ତ୍ର ସ୍ଥାନ ଦଖଲ କରିଛନ୍ତି । ନୟାଗଡ଼ ପୁରାଣ, ନୟାଗଡ଼ ଜ୍ଞାନ, ସ୍ୱର୍ଗକୁ ବାଟ, ଭୁତ ସହିତ ରାତିଏ, ମଦ ମଣିଷ, ଅମ୍ଳାନ ସ୍ବାକ୍ଷର ଭଳି ପୁସ୍ତକ, ଅନେକ ଭଜନ ଓ ଆଧୁନିକ ସଂଗୀତ ଭିଡ଼ିଓ କରିବା ସହ “ନୟାଗଡ଼ ଦର୍ପଣ” ଭଳି ଏକ ପାକ୍ଷିକ ଖବର କାଗଜ ପ୍ରତିଷ୍ଠା ଏବଂ ବହୁ ପ୍ରତିଭାର ଅଧିକାରୀ ଭାବେ ଜିଲ୍ଲାରେ ବେଶ ସୁନାମ ଅର୍ଜନ କରିଛନ୍ତି | ଜିଲ୍ଲା ମଙ୍ଗଳ ଅଧିକାରୀ ଦୟାନିଧି ନାୟକ, ଜିଲ୍ଲାପାଳ ରବୀନ୍ଦ୍ର ନାଥ ସାହୁ ଙ୍କ ଉଦଯୋଗ କ୍ରମେ ଭୁବନେଶ୍ୱରରେ  କେନ୍ଦ୍ର ସରକାର ଓ ରାଜ୍ୟ ସରକାରଙ୍କ ମିଳିତ ଆନୁକୂଲ୍ୟରେ ଜନଜାତୀୟ ଗୌରବ ଦିବସରେ ଭଗବାନ ବିର୍ଷାମୁଣ୍ଡାଙ୍କ ପବିତ୍ର ଜୟନ୍ତୀରେ ନୟାଗଡ଼ ଜିଲ୍ଲା ତରଫରୁ ତାଙ୍କୁ ” ଜନଜାତୀୟ ଗୌରବ ସମ୍ମାନ” ରେ ସମ୍ମାନିତ କରାଯାଇଛି | ରାଜ୍ୟ ସରକାରଙ୍କ ତରଫରୁ ଉତ୍ତରୀୟ, ମାନପତ୍ର, ଟ୍ରଫି ସହ ୧୦ହଜାର ଟଙ୍କା ପ୍ରଦାନ କରାଯାଇଛି | ସୂଚନାଯୋଗ୍ୟ ପୂର୍ବରୁ ୨୦୧୪ ମସିହାରେ ସର୍ଜନାତ୍ମକ ଲେଖା ପାଇଁ ଓଡ଼ିଶା ସରକାରଙ୍କ ଦ୍ଵାରା ମନୋନୀତ ହୋଇ ରାଜ୍ୟପାଳ ପୁରସ୍କାରପ୍ରାପ୍ତ ହେବା ସହ ୨୫ହଜାର ଟଙ୍କା ଆର୍ଥିକ ପ୍ରୋତ୍ସାହନ ପାଇ ଜିଲ୍ଲା ପାଇଁ ଗୌରବ ଆଣିଥିଲେ ।