05-Nov-2022

ସମ୍ବଲପୁର : ପଶ୍ଚିମ ଓଡିଶା ବିକାଶ ପରିଷଦ ଅଧ୍ୟକ୍ଷ ତଥା ମୁଖ୍ୟମନ୍ତ୍ରୀଙ୍କ ମୁଖ୍ୟ ପରାମର୍ଶଦାତା ଅସିତ ତ୍ରିପାଠୀ ଗୁରୁବାର ସମ୍ବଲପୁର ଗସ୍ତରେ ଆସି କେତେକ ଆକାଂକ୍ଷୀ ପ୍ରକଳ୍ପ ଵୁଲି ଦେଖିଥିଲେ I ଅପରାହ୍ନରେ ସେ ସମ୍ବଲପୁର ପ୍ରଥମେ ମହାନଗର ନିଗମ ଅନ୍ତର୍ଗତ ନକ୍ସIପାଲି ଗାଁକୁ ଯାଇ ଯୁବ କୃଷି ଉଦ୍ୟୋଗୀ ଅଭିରାଜ ସରାଫ କରିଥିବା ଛତୁ ଚାଷ ପ୍ରକଳ୍ପ ଵୁଲି ଦେଖିଥିଲେ I ଏହାପରେ ଶ୍ରୀ ତ୍ରିପାଠୀ ମାନେଶ୍ଵର ବ୍ଲକ ଜୟଘଣ୍ଟ ଗ୍ରାମକୁ ଯାଇ ଦୀପକ ମିଶ୍ରଙ୍କ ୫୦ ହଜାର କ୍ଷମତା ବିଶିଷ୍ଟ କୁକୁଡ଼ା ଫାର୍ମ ଵୁଲି ଦେଖିଥିଲେ I ପରେ ଶ୍ରୀ ତ୍ରିପାଠୀ ସହର ଉପକଣ୍ଟ ବଲଵସପୁର ଗ୍ରାମକୁ ଯାଇ ହୀରାକୁଦ ଜଲଭଣ୍ଡାରରେ ସ୍ୱୟଂ ସହାୟକ ଗୋଷ୍ଠୀ ମାନଙ୍କ ଦ୍ୱାରା ପରିଚାଳିତ ପଞ୍ଜୁରୀ ମାଛ ଚାଷ ପ୍ରକଳ୍ପ ଵୁଲି ଦେଖିଥିଲେ I ଶେଷରେ ଶ୍ରୀ ତ୍ରିପାଠୀ ବୁର୍ଲା ବୀର ସୁରେନ୍ଦ୍ର ସାଏ ବୈଷୟିକ ବିଶ୍ୱବିଦ୍ୟାଳୟ ପହଞ୍ଚି କୁଳପତି ବଂଶୀ ଧର ମାଝୀଙ୍କ କାର୍ଯ୍ୟାଳୟ ଉଦ୍ଘାଟନ କରିଥିଲେ I ଏହି ଅବସରରେ ବିଶ୍ୱ ବିଦ୍ୟାଳୟ ବିଜୁ ପଟ୍ଟନାୟକ ଇ ଲର୍ଣିଂ ସେଣ୍ଟର ଠାରେ ଅନୁଷ୍ଠିତ ସମ୍ବର୍ଦ୍ଧନା ସଭାରେ ଓଡିଶା ପ୍ରଶାସନିକ ସେବା ପରୀକ୍ଷାରେ ଉତ୍ତୀର୍ଣ୍ଣ ଅନୁଷ୍ଠାନର ୧୮ ଜଣ ପୁରାତନ ବିଦ୍ୟାର୍ଥୀଙ୍କୁ ସଂମ୍ବର୍ଦ୍ଧିତ କରିଥିଲେ I ଶ୍ରୀ ତ୍ରିପାଠୀଙ୍କ ଗସ୍ତ ସମୟରେ ଉତ୍ତରାଞ୍ଚଳ ରାଜସ୍ବ ଆୟୁକ୍ତ ଡ଼. ସୁରେଶ ଚନ୍ଦ୍ର ଦଳାଇ, ଜ଼ିଲ୍ଲା ପରିଷଦ ସଭାପତି କୁମୋଦିନୀ ନାୟକ, ଜ଼ିଲ୍ଲାପାଳ ଅନନ୍ୟା ଦାସ, ଏସପି ବି. ଗଙ୍ଗାଧର, ପଶ୍ଚିମ ଓଡିଶା ବିକାଶ ପରିଷଦର ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ ଡ଼. ଅଜିତ ମିଶ୍ର, ଜ଼ିଲ୍ଲା ପରିଷଦ ନିର୍ବାହୀ ଅଧିକାରୀ ଦିଲୀପ କୁମାର ବଳ ଓ ଅନ୍ୟ ଅଧିକାରୀ ଗଣ ଉପସ୍ଥିତ ଥିଲେ I
(ସମ୍ବଲପୁରରୁ  ସଂଜୀବ ପାଣିଗ୍ରାହୀଙ୍କ  ରିପୋର୍ଟ୍)