04-Nov-2022

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ):୫୪ତମ କାଳୀପୂଜା ମହୋତ୍ସବ ଉପଲକ୍ଷେ  ସୋନପୁର ମଝିପଡ଼ା ଠାରେ ପ୍ରତି ସନ୍ଧ୍ୟା ରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଉଛି l ଆଜି ଚତୁର୍ଥ ସନ୍ଧ୍ୟା ରେ ଲୋଇସିଂହା ଶଙ୍କର ବେହେରା ଓ ସାଥି ଟ୍ରୁପ କଳାକାରଙ୍କ ସମ୍ବଲପୁରୀ ମେଲୋଡି  ସଂଗୀତ ସାଧନା କାର୍ଯ୍ୟକ୍ରମ ଅନୁଷ୍ଠିତ ହୋଇ ଥିବା ବେଳେ ଏହି

କାର୍ଯ୍ୟକ୍ରମକୁ ସୁବର୍ଣ୍ଣପୁର ଏଡିଏମ ଜେନେରାଲ ନିଶି ପୁନମ ମିଞ୍ଜ ମୁଖ୍ୟ ଅତିଥି ଭାବେ ଯୋଗ ଦେଇ ଉଦଘାଟନ କରିଥିଲେ l ସମ୍ମାନିତ ଅତିଥି ଭାବେ ସୋନପୁର  ଭାରପ୍ରାପ୍ତ ସୋନପୁର ଥାନା ଅଧିକାରୀ କୃଷ୍ଣ ଚନ୍ଦ୍ର ମେହେର, ମେଜର ସଞ୍ଜୟ ଷଡ଼ଙ୍ଗୀ ଯୋଗ ଦେଇ କଳାକାର, ଆୟୋଜକ ଓ ଦର୍ଶକ ଙ୍କୁ ଉତ୍ସାହିତ କରିଥିଲେ l ସେହିପରି ଗତ ମାସ 23 ତାରିଖ ରୁ ମିନବଜାର, ଓ  31 ତାରିଖ ରେ ରକ୍ତ ଦାନ ଶିବିର ଅନୁଷ୍ଠିତ ହୋଇ ଥିଲା l ଗତ 1 ତାରିଖ ରେ   ଦଣ୍ଡ ରତ୍ନ ବିପିନ ଜାଲ ଓ ସାଥି ଙ୍କ ଦ୍ୱାରା ଦଣ୍ଡ ନୃତ୍ୟଅନୁଷ୍ଠିତ ହୋଇଥିଲା l ଯାହାକୁ କି କମିଟି ର ବରିଷ୍ଠ ସଦସ୍ୟ ମାନେ ଉଦଘାଟନ କରିଥିଲେ l 2 ତାରିଖ ରେ ପ୍ରାପ୍ତି ଆଚାର୍ଯ୍ୟ ଓ ବିଗ୍ୟାଂଶୀ ବାରିକ ଙ୍କ ଦ୍ୱାରା ପରିବେଷଣ କରାଯାଇଥିବା ଏହି  ସୁନ୍ଦରା କାଣ୍ଡ ପରାୟଣ ଓ ଭଜନ କାର୍ଯ୍ୟକ୍ରମକୁ  ଅବକାରୀ ଅଧିକ୍ଷିକା ସୁମତି ତ୍ରିପାଠୀ ଉଦଘାଟନ କରିଥିଲେ l  ଗତ କାଲି ର ନୃତ୍ୟ ସଂଗୀତ କାର୍ଯ୍ୟକ୍ରମ କୁ ଡେପୁଟି କଲେକ୍ଟର ଈପସିତା ମିଶ୍ର, ଆରଟିଓ ଅକ୍ଷୟ କୁମାର ଜେନା, ଆଇ ପି ଦୁର୍ୟୋଧନ ରାଉତ, ବିଜେଡି ଯୁବ ନେତା ଅମୀୟ ରଞ୍ଜନ ଦାଶ ଉଦଘାଟନ କରି କୃତି ପ୍ରତିଭାଙ୍କୁ ପୁରସ୍କୃତ କରିଥିଲେ l ପ୍ରଥମ ସାଂସ୍କୃତିକ ସନ୍ଧ୍ୟାରେ ଦଣ୍ଡରାଜା ଭାବେ ବିପିନ ଜାଲଙ୍କୁ  କମିଟି ପକ୍ଷରୁ ସମ୍ବର୍ଦ୍ଧିତ କରାଯାଇଥିବା ବେଳେ ଦ୍ଵିତୀୟ ସନ୍ଧ୍ୟାରେ ଗାୟିକା ପ୍ରାପ୍ତି ଆଚାର୍ଯ୍ୟ ଓ ବିଜ୍ଞାନ୍ସୀ ବାରିକ ଓ ଗୁରୁଙ୍କୁ, ତୃତୀୟ ସନ୍ଧ୍ୟା ରେ ଆଇପି ଦୁର୍ୟୋଧନ ରାଉତ ଓ ସମସ୍ତ ବିଚାରକଙ୍କୁ ଏବଂ ଆଜି ଚତୁର୍ଥ ସନ୍ଧ୍ୟା ମେଲୋଡି କାର୍ଯ୍ୟକ୍ରମରେ  ଅତିଥି ଏଡିଏମ ନିଶି

ପୁନମ ମିଞ୍ଜ, ଭାରପ୍ରାପ୍ତ ଥାନା ଅଧିକାରୀ କୃଷ୍ଣ ଚନ୍ଦ୍ର ମେହେର, ସୁବେଦାର ମେଜର ସଞ୍ଜୟ ଷଡ଼ଙ୍ଗୀଙ୍କୁ ସମ୍ବର୍ଦ୍ଧିତ କରାଯାଇଥିଲା l ଆସନ୍ତାକାଲି  ୫ ତାରିଖ ରେ ସମ୍ବଲପୁର ର ସମ୍ବଲପୁରୀ ନିୟୁ ଶିଳ୍ପୀ ମେଲୋଡି ଏବଂ ୬ ତାରିଖ ରେ ରୁକୁ ସୁନା ଓ ସାଥିଙ୍କ ଦ୍ୱାରା ମେଲୋଡି କାର୍ଯ୍ୟକ୍ରମ ପରିବେଷଣ କରାଯିବ ବୋଲି କମିଟି ପକ୍ଷରୁ ସୂଚନା ମିଳିଛି l ପୂଜା କମିଟି କମିଟିର ସଭାପତି ସୁରଜ ସାହୁ, ଉପସଭାପତି ବୁବୁନ ନାଏକ, ସମ୍ପାଦକ ପୂରନ ନାଏକ, କୋଷାଧ୍ୟକ୍ଷ ରାଜୀବ ସାହୁଙ୍କ ସମେତ କମିଟିର ସମସ୍ତ ବରିଷ୍ଠ ଓ କନିଷ୍ଟ ସଦସ୍ୟ ପ୍ରତ୍ୟେକ କାର୍ଯ୍ୟକ୍ରମରେ ସହଯୋଗ କରିଥିଲେ l