24-Oct-2022

ବରଗଡ:-ବରଗଡ଼ ଜିଲ୍ଲା ବରପାଲି ବ୍ଳକ ଅନ୍ତର୍ଗତ ରେମତା ଠାରେ ନବନିର୍ମିତ ମାଁ ରଣେଶ୍ୱର ରାମଚଣ୍ଡୀ ମନ୍ଦିର ର ରତ୍ନମୁଦ ଉତ୍ସବ ମହାସମାରୋହରେ ଅନୁଷ୍ଠିତ ହୋଇଯାଇଛି ।ଏ ଅବସରରେ ଶହସ୍ରାଧିକ ମହିଳାଗଣ ସ୍ଥାନୀୟ ପୋଖରୀ ରୁ ଘଣ୍ଟଶଙ୍ଖହୁଲହୁଲି ଏବଂ ଦୁଲଦୁଲି ବାଜାର ତାଳେତାଳେ ଏକ ଭବ୍ୟ କଳସଶୋଭାଯାତ୍ରାରେ ବାହାରି ଗ୍ରାମ ପରିକ୍ରମା କରି ମନ୍ଦିର ସ୍ଥଳକୁ ପହଞ୍ଚିଥିଲେ ।ପରେ ଯଜ୍ଞ ମଣ୍ଡପରେ କଳସ ସ୍ଥାପନା କରାଯାଇ ରୀତିନିତୀ ଅନୁଯାୟୀ ନିଷ୍ଠାର ସହିତ ପୂଜାର୍ଚ୍ଚନା କରାଯାଇଥିଲା ।ଗ୍ରାମର ଚକ୍ରାବଧ ପଧାନ,ଓ ବଲ୍ଲଭୀ ପଧାନ ଦମ୍ପତ୍ତି କର୍ତ୍ତା ଦାୟିତ୍ୱ ତୁଲାଇଥିଲେ ।ସୁଶାନ୍ତ ଦେବତା ପୁରୋହିତ୍ୟ କର୍ମ ସମ୍ପାଦନ କରିଥିଲେ ।ସ୍ଥାନୀୟ ଶିବ ମନ୍ଦିର  କୁମ୍ମୁରିଆ ବନ୍ଧ ନିକଟରେ ଏହି ମନ୍ଦିର ନିର୍ମାଣ କରାଚାଲିଛି ।ପୂଜା ଅର୍ଚ୍ଚନା ପରେ ତିଥି ଅନୁଯାୟୀ ମନ୍ଦିର ର ଶିର୍ଷ ଭାଗରେ ଥିବା କୁମ୍ଭ ରେ ପୂଜାର୍ଚ୍ଚନା କରି ଧାନ,ସୁନା, ରୂପା ତଥା ଅନେକ ଧାତବ ପଦାର୍ଥ ପ୍ରଦାନ କରାଯାଇଥିଲା ।ବିଜେପୁର ଜମିଦାର ଶ୍ରୀମାନ ସନତ କୁମାର ଗଡତୀୟା ଏହି ଭବ୍ୟ ଉତ୍ସବରେ ଯୋଗଦେଇ ପୂଜାଅର୍ଚ୍ଚନା କରିବାସହ

କୁମ୍ଭରେ ଧାନ ସହ ଧାତବ ଦ୍ରବ୍ୟ ପ୍ରଦାନ କରିଥିଲେ ।ରାଜପଣ୍ଡିତ କିଶୋର ଚନ୍ଦ୍ର ପୂଜାରୀ ପ୍ରଦାନ ସମୟରେ ମନ୍ତ୍ରପାଠ କରିଥିଲେ ।ହଜାର ହଜାର ମହିଳାପୁରୁଷ ଶ୍ରଦ୍ଧାଳୁ ଗଣ କୁମ୍ଭରେ ଧାତବଦ୍ରବ୍ୟ ପ୍ରଦାନ କରିଥିଲେ ।ଜିଲ୍ଲା କୁଲତା ସମାଜ ର ସଭାପତି ଅଗ୍ନି କୁମାର ପଧାନ,ସମ୍ପାଦକ ପର୍ଶୁରାମ ବାରିକ, ସାମ୍ବାଦିକ ବିରେନ୍ଦ୍ର ପଧାନ,ପରେଶ୍ ବିଶି,ସମ୍ବଲପୁର ର ଜଗଦୀଶ ବିଶ୍ୱାଳ,ଅତାବିରା ର ଦିବାକର ପଧାନ,ବିଜେପୁର କୁଲତା ସମାଜର ସଭାପତି ରଜନୀକାନ୍ତ ଗଡତୀୟା,ଜୟନ୍ତ ଗଡତୀୟା,ପାଣ୍ଡବ ପଧାନ,ଡା.ସୁଧିର କୁମାର ସାହୁ ପ୍ରମୁଖ ଙ୍କ ସମେତ ବିଭିନ୍ନ ଅଞ୍ଚଳରୁ ସମାଜ ର ଜାତିଭାଇ ଗଣ ଉତ୍ସବରେ ସାମିଲ ହୋଇଥିଲେ ।ଆଞ୍ଚଳିକ କୁଲତା ସମାଜର ସଭାପତି ଧିରୋଜ ପଧାନ,ସମ୍ପାଦକ ସତ୍ୟବାନ ସାହୁ,ଅଧିକାରୀ ଗଡତିଆ,ଭାଗିରଥି ପଧାନ ପ୍ରମୁଖ ରେମତା ଗ୍ରାମବାସୀ ଉତ୍ସବ ପରିଚାଳନା ରେ ସମ୍ପୁର୍ଣ୍ଣ ରୂପେ ସହଯୋଗ କରିଥିଲେ ।ଏ ପରିପ୍ରେକ୍ଷିରେ ଶଦ୍ଧାଳୁ ମାନଙ୍କ ପାଇଁ ଅନ୍ନଭୋଗ ର ବ୍ୟବସ୍ଥା କରାଯାଇଥିଲା ।ପୁଣି ମନ୍ଦିର ପରିସରରେ ବରପାଲି ର ବାବା ପୂର୍ଣ୍ଣାନନ୍ଦ ରାମାୟଣ ପାରାୟଣ ଅନୁଷ୍ଠିତ ହୋଇଥିଲା ।