18-Oct-2022

ସୁବର୍ଣ୍ଣପୁର- ସୁବର୍ଣ୍ଣପୁର ପୌରପରିଷଦ ରେ ସୋନପୁର ବିଧାୟକ ତଥା ଓଡ଼ିଶାର ଅର୍ଥ ଓ ସଂସଦୀୟ ବ୍ୟାପାର ମନ୍ତ୍ରୀ ନିରଞ୍ଜନ ପୂଜାରୀ ଙ୍କ ପ୍ରତିନିଧି ଭାବରେ ମନୋନୀତ ହୋଇଛନ୍ତି ଯୁବନେତା ଜନ୍ମଜୟ ପାତ୍ର। ଶ୍ରୀ ପାତ୍ର ପୌରପରିଷଦ ର ୭ନମ୍ବର ୱ।ର୍ଡ଼ ର କାଉନସିଲର ଭାବରେ 2003 ରୁ 2013 ଯାଏ ଲଗାତାର ଦୁଇ ଥର ନିର୍ବାଚିତ ହୋଇ ଆସିଥିବା ବେଳେ  2003  ରୁ  ଏବେ ଯାଏ  ଶ୍ରୀ ପାତ୍ର ନଗର ବିଜେଡି ସଭାପତି ଭାବରେ  ନଗର ର ଦଳୀୟ ସମସ୍ତ କାର୍ଯ୍ୟକ୍ରମ ରେ  ସଂଯୋଜନା ସହିତ ପ୍ରମୁଖ ଭୂମିକା ନେଇ ଶୃଙ୍ଖଳିତ ଭାବେ କାର୍ଯ୍ୟ କରି ଆସୁଛନ୍ତି l  ଯା ଫଳରେ କି ମନ୍ତ୍ରୀ ଙ୍କ ସମେତ ସମସ୍ତ ନେତା ମାନଙ୍କ ପ୍ରିୟ ଭାଜନ ହୋଇ ପାରିଛନ୍ତି ସେ l ବିଧାୟକ ଙ୍କ ଅନୁପସ୍ଥିତି ରେ ପୌରପରିଷଦ ର ବିଭିନ୍ନ ବୈଠକରେ ତାଙ୍କର ପ୍ରତିନିଧି ଭାବରେ ଏଣିକି ସେ ଯୋଗଦେବେ ଏବଂ ମନ୍ତ୍ରୀ ଙ୍କ ପରାମର୍ଶ କ୍ରମେ  ସରକାରୀ ଯୋଜନା ସବୁର ସଫଳ ରୂପାୟନ ପାଇଁ ବିଭିନ୍ନ କାର୍ଯ୍ୟ କୁ ତଦାରକ କରି ସହର ର ଦ୍ରୁତ ବିକାଶ ପାଇଁ  ସବୁ ସ୍ତର ରେ ସମନ୍ୱୟ ରକ୍ଷା ପାଇଁ ପ୍ରୟାସ କରିବେ ବୋଲି ଜଣା ପଡିଛି l