09-Oct-2022

ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ପାଇକମାଲ ବ୍ଲକ ମିଠାପାଲ ପଞ୍ଚାୟତ ଅନ୍ତର୍ଗତ ପିପଲଖୁଣ୍ଟା ଗ୍ରାମରେ କରମସାନୀ ପୂଜା ଧୂମଧାମରେ ପାଳନ କରାଯାଇଛି । ଏହି ପୂଜାରେ କରମା

ଗଛର ଡାଳକୁ ଅଣାଯାଇ ଗ୍ରାମର ମଝିରେ ସ୍ଥାପନ କରି ପୂଜା କରିଛନ୍ତି । କରମସାନୀ ଭଗବାନ ନିଜର ବରୁଆ ଦେହରେ ଓହ୍ଲାଇ ଆସି ସମସ୍ତ ଭକ୍ତଙ୍କ ତଥା ଗାଁର ସମସ୍ତଙ୍କ ମନସ୍କାମନା ପୂରଣ କରିଛନ୍ତି । ଏଥିରେ ଅନେକ କରମାସାନୀ ଦଳ ସାମିଲ ହୋଇ କରମା ଗୀତ ଓ ତାଳ ପଦ୍ମପୁର ପୂର୍ବତନ ବିଧାୟକ ପ୍ରଦୀପ ପୁରୋହିତଙ୍କ ସମେତ ଗ୍ରାମକୁ ଝୁମେଇ ଦେଇଛନ୍ତି । ଗାଁର ଗୌନ୍ତିଆ ପଦ୍ମ ହଂସ,କରମସାନୀ ପୂଜା କମିଟି ସଭାପତି ହେମନ୍ତ ହଂସ,ମଧୁସୂଦନ ପାଣ୍ତେ,ସୁଥର ମଲ୍ଲିକ,କମଲ ସିଂ,ଦିଲୀପ କଲେତ,ଦଆନ ବରିହା,ଗଙ୍ଗାଧର ଭୁଏ ପୂଜା କମିଟି ତଥା ଗ୍ରାମର ବିଭିନ୍ନ ଲୋକଙ୍କ ସହାୟତାରେ ସଫଳତା ସହ କରମସାନୀ ପୂଜା ପାଳନ ହୋଇଅଛି । ଏହି ପୂଜାକୁ ଗ୍ରାମ ତଥା ଆଖପାଖର ଅନେକ ଲୋକଙ୍କ ଗହଳି ଲାଗିଅଛି ।

ପଦ୍ମପୁର ରୁ ନରହରୀ ବଗର୍ତ୍ତୀ ଓ ପ୍ରସନ୍ନ ମହାନନ୍ଦ ଙ୍କ ରିପୋର୍ଟ