09-Oct-2022

ବିନିକା(ହିମାଂଶୁ ଶେଖର ପୁଟେଲ) ମାନ୍ୟବର ପୂର୍ବତନ ମନ୍ତ୍ରୀ ତଥା ବୀରମହାରାଜପୁର ବିଧାୟକ ପଦ୍ମନାଭ ବେହେରାଙ୍କ ପ୍ରଚେଷ୍ଟା କ୍ରମେ ଗତ ଜୁନ ୧୩ତାରିଖରେ ସୁବର୍ଣ୍ଣପୁର ଜିଲ୍ଲାପାଳଙ୍କ ଦ୍ଵାରା ବିନିକା ସ୍ପୋର୍ଟସ କ୍ଲବ ଠାରେ ଉଦ୍ଘାଟିତ ହୋଇଥିବା ସ୍ମାର୍ଟ ଲାଇବ୍ରେରୀକୁ ଅଧ୍ୟୟନ ପାଇଁ ଆସୁଥିବା ଛାତ୍ରଛାତ୍ରୀ ମାନଙ୍କ ଭବିଷ୍ୟତ କ୍ୟାରିଅର ଗଠନ ଉଦ୍ଦେଶ୍ୟରେ ମତ୍ସ୍ୟ ବିଭାଗର ଅବସରପ୍ରାପ୍ତ ସରକାରୀ କର୍ମଚାରୀ ଗୌତମ ମିଶ୍ର,ମେଡିକାଲ,ବେକିଂ,ରେଲୱେ,ଇନସୁରାନସ,ଏସଏସସି,ୟୁପିଏସି,ଓପିଏସସି,ପିଏସୟୁ ଆଦି କୋର୍ସ ପ୍ରସ୍ତୁତି ସହିତ ଜ୍ଞାନ ଆହରଣ,ବିଜ୍ଞାନ ବିଭାଗରେ ଅଧ୍ୟୟନ ଛାତ୍ରଛାତ୍ରୀଙ୍କ ପୁସ୍ତକ ଏହିପରି ସର୍ବମୋଟ ୯୯ଖଣ୍ଡ ପୁସ୍ତକ ଓ ୪୪ଖଣ୍ଡ ନୋଟ ବହି ପ୍ରଦାନ କରିଛନ୍ତି ।ସେହିପରି ଓଡ଼ିଶା ନାଟକ ଏକାଡେମୀ ସଦସ୍ୟ ଶାଶ୍ଵତ କୁମାର ତ୍ରିପାଠୀ ମଧ୍ୟ ବିଭିନ୍ନ ବର୍ଗର ବ୍ୟକ୍ତିଙ୍କ ରୁଚି ସମ୍ପନ୍ନ ୧୭ଖଣ୍ଡ ପୁସ୍ତକ ଦାନ କରିଛନ୍ତି । ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ ବିନିକା ସ୍ପୋର୍ଟସ କ୍ଲବ ସଭାପତି ସୋମନାଥ ମିଶ୍ର,ବିନିକା ସାମ୍ବାଦିକ ସଂଘ ସମ୍ପାଦକ ଅଶୋକ କୁମାର ପଣ୍ଡା, ସାମାଜିକ କର୍ମୀ ରାମ ଗୋପାଳ ବାଘ,ଲାଇବ୍ରେରୀ ଇନଚାର୍ଜ ହିମାଂଶୁ ଶେଖର ପୁଟେଲ ଉପସ୍ଥିତ ଥିଲେ ।