07-Oct-2022

କର୍ଲାମୁଣ୍ଡ (ପ୍ରଦିପ କୁମାର ସାହୁ) ମ.ରାମପୁର ମଟୋଗଣ୍ଡା ସ୍ତିତ ଶିବ ମନ୍ଦିର ପ୍ରାଙ୍ଗଣରେ କଳାହାଣ୍ଡି ଜିଲ୍ଲାର ଅଗ୍ରଣୀ ସ୍ବେଚ୍ଛାସେବୀ ଅନୁଷ୍ଠାନ ମହାଶକ୍ତି ଫାଉଣ୍ଡେସନ ସହାୟତାରେ ଓ ଅନୁଷ୍ଠାନର ସଦସ୍ୟ ସଦସ୍ୟା ମାନଙ୍କ ଆର୍ଥିକ ଅନୁଦାନରେ ଦାନ ଉତ୍ସବ ଅନୁଷ୍ଠିତ ହୋଇଯାଇଛି। ଉକ୍ତ ଦାନ ଉତ୍ସବରେ ମୁଖ୍ୟ ଅତିଥି ଭାବେ ଗୋଷ୍ଠୀ ଉନ୍ନୟନ ଅଧିକାରୀ ବିନୟ କୁମାର ଭୋଇ, ସମ୍ମାନିତ ଅତିଥି ଭାବେ ସ୍ଥାନୀୟ ସରପଞ୍ଚ ଶ୍ରୀମତୀ ବୀଣାପାଣି ସାହୁ ଓ ମ.ରାମପୁର ଥାନା ଅଧିକାରୀ ଶ୍ରୀଯୁକ୍ତ ସଚିନ୍ଦ୍ର ପ୍ରଧାନ ଯୋଗ ଦେଇଥିଲେ। ମହାଶକ୍ତି ଫାଉଣ୍ଡେସନର କୋଷାଧ୍ୟକ୍ଷ ତଥା ପ୍ରତିଷ୍ଠାତା ସଦସ୍ୟ ଶ୍ରୀଯୁକ୍ତ ପ୍ରକାଶ ଚନ୍ଦ୍ର ସାହୁ ସଭାପତିତ୍ବ ଓ ସଂଯୋଜନା କରିଥିଲେ ଏବଂ ସମାଜ ସେବୀ ସତ୍ୟନାରାୟଣ ସାହୁ ଓ ସଂଯୁକ୍ତା ପୁରୋହିତ ଏବଂ ଗଣମାଧ୍ୟମ ପ୍ରତିନିଧି ଉଦ୍ଧବ ପଣ୍ଡା, ନିରଞ୍ଜନ ମହାରଣା,ଶୁଭେନ୍ ପଟ୍ଟନାୟକ ପ୍ରମୁଖ ସହଯୋଗ କରିଥିଲେ। ମ.ରାମପୁର ଗ୍ରାମପଞ୍ଚାୟତ ର ୧୨/୧୪ଟି ଗ୍ରାମ ତଥା ପଡ଼ାରୁ ୬୫ ଜଣ ଅସହାୟ, ଦୁଃସ୍ତ ବୃଦ୍ଧା, ବୃଦ୍ଧ, ଭିନ୍ନକ୍ଷମଙ୍କୁ ନୂତନ ଶୀତ ବସ୍ତ୍ର ଖାଦ୍ୟ ଅତିଥି ମାନଙ୍କ ମାଧ୍ୟମରେ ବଣ୍ଟନ କରାଯାଇଥିଲା । ଦାନ ଉତ୍ସବର ଉଦ୍ଦେଶ୍ୟ ଓ ଆବଶ୍ୟକତା ବିଷୟରେ ଆୟୋଜକ ଅନୁଷ୍ଠାନର ପ୍ରକାଶ ଚନ୍ଦ୍ର ସାହୁ କହିଥିଲେ ଏବଂ ଆମନ୍ତ୍ରିତ ଅତିଥି ମାନେ ଦାନର ମହତ୍ତ୍ଵ ବିଷୟ ରେ ମତ ରଖିବା ସହିତ ମହାଶକ୍ତି ଫାଉଣ୍ଡେସନର ପ୍ରଶଂସା କରିବା ସହିତ ଉତ୍ତୋରତ୍ତର ଉନ୍ନତି କାମନା କରିଥିଲେ। ଶେଷ ରେ ଅନୁଷ୍ଠାନର ଜ୍ୟୋତିଷ ନାୟକ ସମସ୍ତ ଆମନ୍ତ୍ରିତ ଅତିଥି, ଗଣମାଧ୍ୟମ ପ୍ରତିନିଧି ଏବଂ ଉପସ୍ଥିତ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।