07-Oct-2022

ବଲାଙ୍ଗୀର ଜିଲ୍ଲା ସଦରମହକୁମା ଠାରୁ ୧୧୦ କିମି ଦୂରତାରେ ଅବସ୍ଥିତ ରାଣୀପୁର ଝରିଆଲ ଠାରେ ରହିଛି ଐତିହ୍ଯ ସମ୍ପନ୍ନ ରାଣୀପୁର ଝରିଆଲ ୬୪ ଯୋଗିନୀପିଠ । ଏଠାରେ ଶିଳା ଦେହରେ ବୃତ୍ତାକାରରେ ଯୋଗିନିମାନେ ଘେରିରହିଛନ୍ତି କେନ୍ଦ୍ରରେ ଥିବା ନଟରାଜ ଶିବଙ୍କୁ। ହେଲେ ଷଷ୍ଠରୁ ନବମ

ଶତାବ୍ଦୀ ମଧ୍ୟର ଏହି ଐତିହ୍ଯ ସ୍ଥଳି ଏବେ ନିଜକୁ ସୁରକ୍ଷିତ ରଖିବାକୁ କରୁଛି ସଂଘର୍ଷ। ବଲାଙ୍ଗୀର ଜିଲ୍ଲାର ଗର୍ବ ଓ ଗୌରବର ଇତିହାସ ବହନ କରି ଖରା, ବର୍ଷା, ଶୀତରେ ଶହଶହ ବର୍ଷ ଧରି କେବଳ ଆମ ଐତିହ୍ଯ ର ବାନା ଉଡାଇ ଚାଳିଥିବା ଯୋଗିନୀପିଠର ପୁନରୁଦ୍ଧାର ଓ ବିକାଶ ପାଇଁ ସାଧାରଣ ଜନତା , ସରକାର ଓ ସରକାରୀକଳର ଦୃଷ୍ଟି ଆକର୍ଷଣ କରିବା ପାଇଁ ବଲାଙ୍ଗୀର ଜିଲ୍ଲା ମୁଖ୍ୟାଳୟର ରାଜେନ୍ଦ୍ର ପଡା ଦୁର୍ଗା ପୁଜା କମିଟି ଏକ ନିଆରା ଉପାୟ କରିଛି । ଏବଂ ପୁରା ଦୁର୍ଗା ପୂଜା ପେଣ୍ଡାଲକୁ ୬୪ ଯୋଗିନୀପିଠ ଭାବେ ତିଆରି କରିଛନ୍ତି । ଏହା ଦ୍ବାରା ଉଭୟ ସାଧାରଣ ଲୋକ , ସରକାର ଓ ସରକାରୀକଳ ସମସ୍ତଙ୍କ ଦୃଷ୍ଟି ଆକର୍ଷଣ କରାଯାଇ ଆମ ଇତିହାସ କୁ ଆମେ ବଞ୍ଚାଇ ରଖିବାକୁ ଆମକୁ ହିଁ ଆଗକୁ ଆସିବାକୁ ପଡିବ ଏହାର ବାର୍ତ୍ତା ମଧ୍ୟ ପରୋକ୍ଷରେ ଦିଆ ଯାଇଥିବା ଦେଖଣାହାରୀ ଚର୍ଚ୍ଚା କରୁଥିବା ଦେଖା ଯାଇଥିଲା। ବିଭିନ୍ନ ଗଣମାଧ୍ୟମ ତଥା ସୋସିଆଲ ମିଡିଆରୁ ଖବରପାଇ ରାଣୀପୁର ଝରିଆଲ ମନ୍ଦିର କମିଟି ତରଫରୁ ଏକ ଟିମ ବଲାଙ୍ଗୀର ରାଜେନ୍ଦ୍ରପଡା ଗସ୍ତକରି ପୂଜା ପେଣ୍ଡାଲରେ ୬୪ ଯୋଗିନୀପିଠ ର ଅବିକଳ ରୁପାନ୍ତରିତ କୁ ଭୂୟସୀ ପ୍ରଶଂସା କରିବାସହ ପୂଜା କମିଟିର କର୍ମକର୍ତ୍ତା ଓ ଶିଳ୍ପୀ ଗୌର ସାହୁଙ୍କୁ ଉତ୍ତରୀୟ ଓ ଫୁଲତୋଡା ଦେଇ ଉତ୍ସାହିତ କରିଥିଲେ।ଏହି ସମୟରେ ରାଣୀପୁର ଝରିଆଲ ମନ୍ଦିର କମିଟିର ଆବାହକ ଅନିଲ କୁମାର ତ୍ରିପାଠୀ , ଯୁବନେତା ଯୁବରାଜ ବାଗ, ଝଲପ ସରପଞ୍ଚଙ୍କ ପ୍ରତିନିଧି ଗୋବିନ୍ଦ ପୁଟେଲ, ନିତ୍ୟାନନ୍ଦ ପୃଷେଠ, ସଞ୍ଜୀବ ଛୁରା ପ୍ରମୁଖ ପହଞ୍ଚି ବୁଳି ଦେଖି

ପ୍ରଶଂସା କରିଥିଲେ । ରାଜେନ୍ଦ୍ର ପଡା ଦୁର୍ଗାପୂଜା କମିଟିର ସଭାପତି ଅଶୋକ ରାଉତ, ଉପସଭାପତି ସୂର୍ଯ୍ୟନାରାୟଣ ସାହୁ , ସମ୍ପାଦକ ପ୍ରଦ୍ୟୁମ୍ନ ବଳ , ନିରୋଜ ମିଶ୍ର , ସାମ୍ବାଦିକ ଚନ୍ଦ୍ରଭାନୁ ମୋଳଣା , ଶିବପ୍ରସାଦ ପରିଡାଙ୍କ ସହ କମିଟିର ସମସ୍ତ କର୍ମକର୍ତ୍ତା ଉପସ୍ଥିତ ଥିଲେ ।

(ଅନୀଲ କୁମାର ତ୍ରିପାଠୀ ଙ୍କ ରିପୋର୍ଟ)