21-Sep-2022

ରେଢ଼ାଖୋଲ ( ଅନିଲ କୁମାର ପୃଷ୍ଟି ) ସମ୍ବଲପୁର ଜିଲ୍ଲା ରେଢ଼ାଖୋଲ ପୋଲିସ ହାତରେ ଧରାପଡ଼ିଛି ବାଇକ୍ ଚୋର , ପୋଲିସ ୩ ଟି ଚୋରି ହୋଇଥିବା ବାଇକ୍ ଉଦ୍ଧାର କରିଥିବାବେଳେ ୨ ଜଣଙ୍କୁ ଗିରଫ କରି ବୁଧବାର କୋର୍ଟ ଚାଲାଣ କରାଯାଇଥିବା ରେଢ଼ାଖୋଲ ଏସଡିପିଓ ପ୍ରଶାନ୍ତ କୁମାର ମେହେର ଏକ ପ୍ରେସ ବିବୃତିରେ ସୂଚନା ଦେଇଛନ୍ତି। ସୂଚନାଯୋଗ୍ୟ ଯେ ଗତ ଅଗଷ୍ଟ ୩ ତାରିଖରେ ରେଢ଼ାଖୋଲ ତହସିଲ କାର୍ଯ୍ୟାଳୟ ସମ୍ମୁଖରୁ ଜଣେ ତହସିଲ କର୍ମଚାରୀଙ୍କ ଏକ ହୋଣ୍ଡା ୟୁନିକଣ୍ଣ ବାଇକ୍ ଚୋରି ହୋଇଥିଲା ଏନେଇ ଥାନାରେ ଅଭିଯୋଗ ପରେ ପୋଲିସ୍ ତଦନ୍ତ ଆରମ୍ଭ କରିଥିଲା । ଏବଂ ପରେ ଲଗାତାର ଭାବେ ପୁଣି ଗତ ୧୦ ତାରିଖରେ ରେଢ଼ାଖୋଲ ସାପ୍ତାହିକ ବଜାରରୁ ଏକ ପେସନ ପ୍ରୋ ଗାଡ଼ି ଚୋରି ହୋଇଥିଲା । ଏନେଇ ପୋଲିସ ସହରର ସିସିଟିଭି ଫୁଟେଜରୁ ଜାଣିବାକୁ ପାଇଥିଲା ଯେ ଜୁଜୋମୁରା ଅଞ୍ଚଳର ଜଣେ ବ୍ୟକ୍ତି ଲଗାତାର ଭାବେ ରେଢ଼ାଖୋଲ ଅଞ୍ଚଳରୁ ବାଇକ୍ ଚୋରି କରୁଛି । ପୋଲିସ ଏହାର ତଦନ୍ତ କରି ଯୁଯୁମୁରା ଅଞ୍ଚଳରୁ ଗୋଟିଏ ଓ ରେଢ଼ାଖୋଲ ଅଞ୍ଚଳରୁ ୨ ଟି ଚୋରି ହୋଇଥିବା ବାଇକ୍ ଉଦ୍ଧାର କରିବା ସହିତ ଦୁଇ ଜଣଙ୍କୁ ଗିରଫ କରିଛି ଗିରଫ ଅଭିଯୁକ୍ତମାନେ ହେଲେ ଯୁଯୁମୁରା ଥାନା ବସିଆପଡା ଗ୍ରାମର ରାମ କୁମାର ପଣ୍ଡା ଏବଂ ଚୋରି ବାଇକ୍ କିଣିଥିବା ସୋନପୁର ଜିଲ୍ଲା ବିଏମପୁର ଥାନା ମସିନା ପାଲି ଗ୍ରାମର ସତ୍ୟ ପୂଟା ।‌  ଅଭିଯୁକ୍ତ ରାମକୁମାର ପଣ୍ଡାଙ୍କ ନାମରେ ପୂର୍ବରୁ ରେଢ଼ାଖୋଲ, ଯୁଯୁମୁରା, ସୋନପୁର,

ବୀରମହାରାଜପୁର ଓ ଉଲୁଣ୍ଡା ଥାନାରେ ଏକାଧିକ ବାଇକ୍ ଚୋରି ମାମଲା ଥିବା ଜଣାପଡିଛି। ଅଭିଯୁକ୍ତ ରାମକୁମାର ପଣ୍ଡା ବାଇକ୍ ଚୋରିକରି ୫ରୁ ୧୦ ହଜାର ଟଙ୍କାରେ ଗଞେଇ ମାଫିଆଙ୍କୁ ବିକ୍ରି କରିଥାଏ ବୋଲି ତଦନ୍ତରୁ ଜଣାପଡ଼ିଛି ।  ରେଢ଼ାଖୋଲ ପୋଲିସ କେସ ନଂ ୧୬୬/୨୨ରେ ମାମଲା ରୁଜୁ କରି ଆଜି କୋର୍ଟ ଚାଲାଣ କରାଯାଇଛି। ଏହି ପ୍ରେସ ବିବୃତିରେ ରେଢ଼ାଖୋଲ ଥାନା ଅଧିକାରୀ ସୁରୁବାବୁ ଛତ୍ରିଆ, ତଦନ୍ତ କାରୀ ଅଧିକାରୀ ଇଶ୍ଵର ଚନ୍ଦ୍ର ନାଏକ, ସବ ଇନ୍ସପେକ୍ଟର ସଞ୍ଜୟ କୁଲୁ, ଏଏସ‌ଆଇ ମୋହନ ସାହୁ ଉପସ୍ଥିତ ଥିଲେ।