21-Sep-2022

ବିନିକା(ହିମାଂଶୁ ଶେଖର ପୁଟେଲ) ସୁବର୍ଣ୍ଣପୁର ଜିଲ୍ଲା ବିନିକାରେ ପୂର୍ତ୍ତ ଉପଖଣ୍ଡ କାର୍ଯ୍ୟାଳୟ ଖୋଲିବା ନେଇ ପୂର୍ବତନ ବ୍ଳକ ଅଧ୍ୟକ୍ଷ ତଥା ବରିଷ୍ଟ ଆଇନଜୀବୀ ପଞ୍ଚାନନ ଦନ୍ତା ବିନିକା ତହସିଲଦାରଙ୍କ ଅନୁପସ୍ଥିତିରେ ଅତିରିକ୍ତ ତହସିଲଦାର ଚାନ୍ଦିନୀ ମେହେରଙ୍କ ଜରିଆରେ ୫ଟି ସଚିବ ଭି.କେ ପାଣ୍ଡିଆନଙ୍କୁ ଦାବିପତ୍ର ପ୍ରଦାନ କରିଛନ୍ତି । ପ୍ରକାଶ ଥାଉକି ଦୀର୍ଘବର୍ଷ ହେବ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିନିକାକୁ ପୂର୍ତ୍ତ ଉପଖଣ୍ଡ କାର୍ଯ୍ୟାଳୟ ଘୋଷଣା କରି ସାରିଛନ୍ତି | ହେଳେ ଏଠାରେ କାର୍ଯ୍ୟାଳୟ କାର୍ଯ୍ୟକ୍ଷମ ହେଉନଥିବାରୁ ପୂର୍ତ୍ତ ବିଭାଗ ଏସଡିଓ ଓ ଅନ୍ୟ କର୍ମଚାରୀ ମାନେ ଜିଲ୍ଲା ମୁଖ୍ୟାଳୟରେ ରହି କାର୍ଯ୍ୟ କରୁଛନ୍ତି | ଯାହା ଫଳରେ ବର୍ତ୍ତମାନର ସରକାର ଉନ୍ନୟନ କାର୍ଯ୍ୟକୁ ପ୍ରାଥମିକତା ଦେଉଥିବାରୁ ଏଠାରେ କୋଟି କୋଟି ଟଙ୍କାରେ ତିଆରି ହେଉଥିବା ରାସ୍ତାକାମ,କୋଠାବାଡ଼ି,ବ୍ରିଜ ନିର୍ମାଣ କାର୍ଯ୍ୟ ଅଧିକାରୀ ମାନଙ୍କ ଦ୍ଵାରା ଠିକ ଭାବରେ ତଦାରଖ ହେଉନଥିବାରୁ କାର୍ଯ୍ୟ ଗୁଡ଼ିକର ସ୍ଥାୟିତ୍ୟ ନେଇ ଆଶଙ୍କା ସୃଷ୍ଟି କରିଛି । ତେଣୁ ଖର୍ଚ୍ଚ ହେଉଥିବା ଅଜସ୍ର ଟଙ୍କା ର ସଦ ବିନିଯୋଗ ସକାଶେ ତୁରନ୍ତ ବିନିକା ଠାରେ ପୂର୍ତ୍ତ ବିଭାଗ ଉପଖଣ୍ଡ କାର୍ଯ୍ୟାଳୟ ଖୋଲିବା ଦିଗରେ ପଦକ୍ଷେପ ନେବାକୁ ଦାବିପତ୍ରରେ ଉଲ୍ଲେଖ କରିଛନ୍ତି ।