04-Sep-2022

ଲୋଇସିଂହା/ଆଗଲପୁର(ବିନୋଦ କୁମାର ଦୀପ) ବଲାଙ୍ଗୀର ଜିଲ୍ଲା ଲୋଇସିଂହା ବିଧାନସଭା ନିର୍ବାଚନ ମଣ୍ଡଳୀର ସୁଖ ଦୁଃଖର ସାଥି ତଥା ମହିଳା ବିଜୁ ଜନତା ଦଳର ରାଜ୍ୟ ସମ୍ପାଦିକା ରଞ୍ଜୁ ରାଏମନଙ୍କୁ ନିଜ ବିଧାନସଭା ନିର୍ବାଚନ ମଣ୍ଡଳୀରେ ଜୋରଦାର ସ୍ୱାଗତ କରିଛନ୍ତି  l ବିଜୁ ଜନତା ଦଳ ତରଫରୁ ତାଙ୍କୁ ମହିଳା ବିଜୁ ଜନତା ଦଳର ରାଜ୍ୟ ସମ୍ପାଦିକା ଭଳି ଗୁରୁ ଦାୟିତ୍ଵ ମିଳିବା ପରେ ଲୋଇସିଂହା ଅଞ୍ଚଳ ଆନନ୍ଦର ଲହରୀ ଖେଳି ଯାଇଛି l ଗତକାଲି ଉପରବାହାଲ ପଂଚାୟତ ଅଧିନସ୍ତ ଫଟାମୁଣ୍ଡା ଗ୍ରାମରେ ରଞ୍ଜୁ ରାଏମନ

ପହଞ୍ଚିବା ପରେ ତାଙ୍କୁ ପାରମ୍ପlରିକ ବାଦ୍ୟଯନ୍ତ୍ର ବଜାଇ ଲୋକେ ଜୋରଦାର ସ୍ୱାଗତ କରିଥିଲେ l ପରେ ମହୁଲପାଳି ଗ୍ରାମକୁ ଯାଇ ସେଠାରେ ମହିଳା ନେତ୍ରୀ ନୁଆଁଖାଇ ଭେଟଘାଟ କାର୍ଯ୍ୟକ୍ରମରେ ଯୋଗଦାନ କରି ଲୋକଙ୍କ ସହ ସିଧା ସଳଖ ସୁଖ ଦୁଃଖ ପଚାରି କଥାବାର୍ତ୍ତା କରିଥିଲେ, ମୁଖ୍ୟତଃ ଲୋକେ ଚାଷର ଉନ୍ନତି ପାଇଁ ପାଣି ସମସ୍ୟାର ସମାଧାନ ଉପରେ ଆଲୋଚନା କରିଥିଲେ l ରଞ୍ଜୁ ରାଏମନ ଲୋକଙ୍କୁ କଥା ଦେଇଛନ୍ତି ଯେ ମନ୍ତ୍ରୀଙ୍କ ସହ ଏ ବିଷୟକୁ ନେଇ ବାର୍ତାଳାପ

କରି ଏ ଅଂଚଳରେ ମେଗା ପ୍ରୋଜେକ୍ଟ କେମିତି ହୋଇପାରିବ ଲୋକଙ୍କୁ ପ୍ରତିଶୃତି ଦେଇଛନ୍ତି  l ମେଗା ପ୍ରୋଜେକ୍ଟ ହେଲେ ଉପରବାହାଲ ପଂଚାୟତ ସହ ଆଖପାଖ ୪ ଟି ପଂଚାୟତର ଚାଷୀ ମଧ୍ୟ ଉପକୃତ ହେବେ ବୋଲି ଲୋକଙ୍କୁ ଭରସା ଦେଇଛନ୍ତି l ଲୋଇସିଂହା ବିଧାନସଭା ନିର୍ବାଚନ ମଣ୍ଡଳୀର ଜଣେ ଟାଣୁଆ ମହିଳା ନେତ୍ରୀ ଭାବରେ ବେଶ ପରିଚିତ ରଞ୍ଜୁ ରାଏମନ l ଯେହେତୁ ତାଙ୍କୁ ଦଳ ଗୁରୁତ୍ୱପୂର୍ଣ୍ଣ ଦାୟିତ୍ୱ ପ୍ରଦାନ କରିଛି  ସେ ତାଙ୍କ ଦାୟିତ୍ଵକୁ ସୁଚାରୁ ରୁପେ ପୁରଣ କରିବେ ବୋଲି ରଞ୍ଜୁ ରାଏମନ ତାଙ୍କ ପ୍ରତକ୍ରିୟାରେ ପ୍ରକାଶ କରିଛନ୍ତି l