03-Sep-2022

ବୌଦ୍ଧ (ପ୍ରେରଣା ଖବର ବ୍ୟୁରୋ) ବୌଦ୍ଧ ଜ଼ିଲ୍ଲାର ବାଦୀକଟା ଗାଁ ର ଊଚ୍ଚଶିକ୍ଷିତ ରଥ ପରିବାର ଏ ବର୍ଷ ନୁଆଁଖାଇ  ପର୍ବରେ  ଶହେରୁ ଉର୍ଦ୍ଧ୍ୱ ସଭ୍ୟ (ଚାରି ପିଢୀ)  ଏକାଠି ନବାର୍ଣ୍ଣ ଭକ୍ଷଣ କରି ସମାଜକୁ ଏକ ଭିନ୍ନବାର୍ତ୍ତା ପ୍ରଦାନ କରି ଭାଇଚାରାର ଉଦାହରଣ ସାଜିଛନ୍ତି l ଆଗାମୀ ପିଢୀକୁ ଏକତା ସୂତ୍ରରେ ବାନ୍ଧି ରଖିବାକୁ ଓ ସୁଖ ଶାନ୍ତି ସମୃଦ୍ଧି ଆତ୍ମବିଶ୍ୱାସର ସହ ନିଜ ପରିବାର ଓ ସମାଜକୁ ସୁରକ୍ଷିତ ରଖିବାର ଏହା ହେଉଛି ଏକ ଉତ୍କୃଷ୍ଟ ମାଧ୍ୟମ ଓ ଆଗାମୀ ପିଢୀକୁ ଏହା ଏକ ଭଲ ବାର୍ତ୍ତା ବୋଲି ପରିବାରର ବରିଷ୍ଠ ସଦସ୍ୟ ପ୍ରାକ୍ତନ କଲେଜ ଅଧ୍ୟକ୍ଷ ପ୍ରଫୁଲ୍ଲ ରଥ ପ୍ରକାଶ କରିଛନ୍ତି l ସମସ୍ତେ ଗାଁ ର ଇଷ୍ଠଦେବୀ ମା  କନ୍ଧେନ ବୁଢ଼ୀଙ୍କ ଠାରେ ରୀତି ନୀତିରେ ପୂଜାଵିଧି  ନବାର୍ଣ୍ଣ ଲାଗି ହେବା ପରେ ଗାଁ 

ସାରା ଜଗତର କଲ୍ୟାଣ ପାଇଁ ପ୍ରାର୍ଥନା କରିଥିଲେ l ସମସ୍ତେ ନବାର୍ଣ୍ଣ ଭକ୍ଷଣ ପରେ ଜୁହାରଭେଟର ପରମ୍ପରା ଆରମ୍ଭ କରି ସନ୍ଧ୍ୟାରେ ପୁଣି ଛୁଆ ପିଲାଙ୍କ ସହିତ ସାଂସ୍କୃତିକ ଓ ଖେଳକୁଦ କାର୍ଯ୍ୟକ୍ରମ ପରିବେଷଣ କରି ନିଜେ ମଜା ନେଇ ଗ୍ରାମବାସୀ ଙ୍କୁମଧ୍ୟ ଖୁସି ବାଣ୍ଟି ଥିଲେ l କିଏ ବ୍ଲକ ଶିକ୍ଷାଧିକାରୀ ଥିଲେ l କିଏ ଇଞ୍ଜିନିୟର ତ କିଏ କଲେଜ ଅଧ୍ୟକ୍ଷ, ତ କିଏ ବ୍ଲକ ଅଧ୍ୟକ୍ଷ, ପୁଣି ଅନେକ ଶିକ୍ଷକ, ଶିକ୍ଷୟିତ୍ରୀ, ସମସ୍ତେ ଊଚ୍ଚଶିକ୍ଷିତ ଅଟନ୍ତି l ଛୁଆ ପିଲା ସବୁ କେତେ ଜଣ ମେଡିକାଲ ତ ଆଉ କିଏ  ଲ ପ୍ରାକ୍ଟିସ, କିଏ ସଂଗୀତ ଉପରେ ଗବେଷଣା ତ ଆଉ କେତେଜଣ ସଫ୍ଟୱେର ଇଞ୍ଜିନିୟର ଭାବେ ଓଡିଶା ଓ ଦେଶ ବାହାରେ କାର୍ଯ୍ୟରତ l ଯିଏ ହେଉଠିଁ ଥିଲେ ବି ସମସ୍ତେ ବର୍ଷ କୁ ଥରେ ଏଇ ପର୍ବରେ ଏକାଠି ସାମିଲ ହୋଇ ଭିନ୍ନ ଭିନ୍ନ ଖାଦ୍ୟ ଓ କାର୍ଯ୍ୟକ୍ରମର ମଜା ନିଅନ୍ତି l ଠିକ ସେହିପରି ମନମୁଣ୍ଡା ପଞ୍ଚାୟତ ର କାପାସିରl ଗାଁ ର ପଧାନ ପରିବାରର ୬୦ ରୁ ଉର୍ଦ୍ଧ୍ୱ ସଦସ୍ୟ ଏକାଠି ମିଶି ଏହି ପର୍ବକୁ ଆନନ୍ଦ ଉଲ୍ଲାସର ସହ ପାଳନ କରି ଗାଁ ଓ ଏ ଅଂଚଳ ପାଇଁ ଭାଇଚାରାର ଉଦାହରଣ ସାଜିଛନ୍ତି l ପରିବାରର ବରିଷ୍ଠ ସଭ୍ୟ ରୋହିତ କୁମାର ପଧାନ ଓ ବାଞ୍ଛାନିଧି ପଧାନଙ୍କ ନେତୃତ୍ୱରେ ଦୀର୍ଘ ବର୍ଷରୁ ସମସ୍ତେ ଏକାଠି ହୋଇ ନୁଆଁ ଖାଇବାର ଦେଖିବାକୁ ମିଳିଛି l