03-Sep-2022

ବରଗଡ:-ବରଗଡ଼ ଜିଲ୍ଲା ଝାରବନ୍ଧ ବ୍ଲକ ଅନ୍ତର୍ଗତ ବୈତାଳି କ୍ଲଷ୍ଟର ସିଆରସିସି ଦିବସ କୁମାର ସାହୁଙ୍କ ତତ୍ତ୍ୱାବଧାନରେ କ୍ଲଷ୍ଟରର ସମସ୍ତ ବିଦ୍ୟାଳୟରେ ସରକାରୀ ମାର୍ଗଦର୍ଶିକା ଅନୁଯାୟୀ ଏକାଗ୍ରତା ବୃଦ୍ଧି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।

ସରକାରୀ ନିୟମାବଳୀ ଅନୁଯାୟୀ ସେପ୍ଟେମ୍ବର ମାସର ଆଲୋଚନାର ବିଷୟ ବସ୍ତୁ ହେଉଛି " ଏକାଗ୍ରତା ବୃଦ୍ଧି " ଏହି ଆଲୋଚନାଟି ସମସ୍ତ ବିଦ୍ୟାଳୟରେ ପ୍ରଥମରୁ ଦଶମ ଶ୍ରେଣୀ ପିଲାମାନଙ୍କ ସହିତ ଆଲୋଚନା କରାଯିବାର ନିର୍ଦ୍ଦେଶ ରହିଛି ।ଛାତ୍ରଛାତ୍ରୀ ମାନଙ୍କ ଏକାଗ୍ରତା ବୃଦ୍ଧି ନିମନ୍ତେ ଏହି ଆଲୋଚନା ଟିକୁ ପ୍ରଥମ ଓ ତୃତୀୟ ଶନିବାର ଦିନ ଶ୍ରେଣୀ ଅନୁଯାୟୀ

କରାଯିବ । ଶନିବାର ଦିନ ଶେଷ ପିରିୟଡରେ ଏହି ଆଲୋଚନା କରାଯିବାପାଇଁ ନିଶ୍ଚିତ୍ତ କରାଯାଇଛି । ବିଦ୍ୟାଳୟର ପ୍ରଧାନ ଶିକ୍ଷକ ଶିକ୍ଷୟତ୍ରୀ ବିଦ୍ୟାଳୟରେ ଉପସ୍ଥିତ ପ୍ରତ୍ୟେକ ଶିକ୍ଷକ ଶିକ୍ଷୟତ୍ରୀମାନଙ୍କ ସହିତ ବିଷୟଟିକୁ ଆଲୋଚନା କରି ପ୍ରତ୍ୟେକଙ୍କୁ ଗୋଟିଏ ଗୋଟିଏ ଶ୍ରେଣୀର ଦାୟିତ୍ବ ଦେବେ। ଶ୍ରେଣୀ ଅନୁସାରେ ଶିକ୍ଷକ / ଶିକ୍ଷୟତ୍ରୀଙ୍କ ସଂଖ୍ୟା କମ ଥିଲେ କାର୍ଯ୍ୟ କ୍ରମଟିକୁ ଦୁଇ ଦିନ ମଧ୍ୟରେ ସବୁ ଶ୍ରେଣୀରେ ଆଲୋଚନା କରିବାର ବ୍ୟବସ୍ଥା କରିବେ । ଅର୍ଥାତ : ଗୋଟିଏ ସ୍କୁଲରେ ଛଟା ଶ୍ରେଣୀକୁ ତିନୋଟି ଶିକ୍ଷକ । ତା ହେଲେ ତିନୋଟି ଶ୍ରେଣୀରେ ପ୍ରଥମ ଶନିବାର ଓ ଆଉ ତିନୋଟି ଶ୍ରେଣୀରେ ତୃତୀୟ ଶନିବାର ଦିନ ଆଲୋଚନା କରିବେ । ଗୋଟିଏ ଶ୍ରେଣୀରେ ଜଣେ ଶିକ୍ଷକ / ଶିକ୍ଷୟତ୍ରୀ ଆଲୋଚନା କରିବେ । ଆଲୋଚନାର ବିଷୟ ବସ୍ତୁ ପ୍ରସ୍ତୁତ କରାଯାଇ ଏଥ୍‌ ସହିତ ସଂଲଗ୍ନ କରାଗଲା ।ଜିଲ୍ଲାରେ ଥିବା ହେଲ୍ପଲାଇନର ନୋଡାଲ ଅଫିସର ଆବଶ୍ୟକତା ଅନୁଯାୟୀ ବିଷୟବସ୍ତୁ ଓ ନିୟମାବଳୀ କୁ ପ୍ରତ୍ୟେକ ବିଦ୍ୟାଳୟରେ ପହଞ୍ଚାଇବାର ବ୍ୟବସ୍ଥା କରିବେ । କାର୍ଯ୍ୟକ୍ରମର ନାମ , ଶ୍ରେଣୀ , ତାରିଖ ଓ ବିଦ୍ୟାଳୟର ନାମ ବ୍ଲାକବୋର୍ଡରେ ବଡ ଅକ୍ଷରରେ ଲିଖାଯିବା ବ୍ୟବସ୍ଥା ରହିଛି ।