29-Aug-2022

ବଲାଙ୍ଗିର, - ସ୍ଥାନୀୟ ସିନଖମନ ସ୍ଥିତ ମହନ୍ତ ଗିରିଧାରୀ ଉଚ୍ଚ ବିଦ୍ୟାଳୟରେ ଜାତୀୟ କ୍ରୀଡା ଦିବସ ପାଳିତ ହୋଇଯାଇଛି । ଶିକ୍ଷକ ଅନୀଲ କୁମାର ସାହୁଙ୍କ ପରିଚାଳନାରେ ଅନୁଷ୍ଠିତ ସଭାରେ ବିଦ୍ୟାଳୟର ର ପ୍ରଧାନ ଶିକ୍ଷକ କୃଷ୍ଣଚନ୍ଦ୍ର ମିଶ୍ର ମୁଖ୍ୟ ଅତିଥି ଓ ମଦନ ମୋହନ ରଥ ମୁଖ୍ୟବକ୍ତା ଭାବେ ଯୋଗଦେଇ କ୍ରୀଡାର ମହତ୍ୱ ଉପରେ ଆଲୋକପାତ କରିଥିଲେ । ଏହି ସଭାରେ ଶିକ୍ଷକ ସାଧନା ପଣ୍ଡା ଓ ଲଲାଟ କେଶରୀ ପ୍ରଧାନ ମଧ୍ୟ ମତବ୍ୟକ୍ତ କରିଥିଲେ । ପୂର୍ବରୁ ହୋଇଥିବା ପ୍ରବଂଧ, ବକ୍ତୃତା, ଚିତ୍ରାଙ୍କନ, ଖୋଖୋ ଓ କବାଡି ପ୍ରତିଯୋଗିତାର କୃତି ପ୍ରତିଯୋଗିଙ୍କୁ ମୁଖ୍ୟ ଅତିଥି ପୁରସ୍କୃତ କରିଥିଲେ । ସଭା ଆରମ୍ଭରେ ହକି ଜାଦୁଗର ଧ୍ୟାନଚାନ୍ଦଙ୍କ ଫଟୋକୃତିରେ  ମାଲ୍ୟାର୍ପଣ ପରେ ଖେଳ ଶିକ୍ଷକ ଜାତୀୟ କ୍ରୀଡା ଦିବସ ଉପରେ ସୂଚନା ପ୍ରଦାନ କରିଥିଲେ । ଶେଷରେ ବିଜ୍ଞାନ ଶିକ୍ଷକ କେଦାରନାଥ ସାହୁ ଧନ୍ୟବାଦ ଅର୍ପଣ କରିଥିଲେ । ଏହି କାର‌୍ୟ୍ୟକ୍ରମକୁ ରାଜିନ୍ଦ୍ର କୁଅଁର ଓ ହରେରାମ ବାରିକ ସହଯୋଗ କରିଥିଲେ ।