21-Aug-2022

ବଲାଙ୍ଗୀର-ଆଜି ପୁଇଁତଳା ବ୍ଲକର ମହିମୁଣ୍ଡା ପଂଚାୟତ ସଭାଗୃହ ଠାରେ ପୁଇଁତଳା ବ୍ଲକ ସରପଂଚ ସଂଘର ଏକ ବୈଠକ ଓ ବନ୍ଧୁମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟ ଅତିଥି ଭାବରେ ପୁଇଁତଳା ବ୍ଲକ ଅଧ୍ୟକ୍ଷ   ସରୋଜ କୁମାର ପ୍ରଧାନ ଯୋଗ ଦେଇ କୌଣସି ବି ଲୋକ ନିଜ ମୌଳିକ ଅଧିକାରରୁ ଯେପରି ବଂଚିତ ନ ହୁଏ ସେଥିପାଇଁ ସମସ୍ତେ ଚେଷ୍ଟା କରିବା ଉଚିତ ବୋଲି କହିଥିଲେ । ପଂଚାୟତର ସରପଂଚ ମାନେ ହେଉଛନ୍ତି ଜଣେ ଜଣେ ପ୍ରୋଗ୍ରାମିଙ୍ଗ ଅଫିସର । ସେମାନଙ୍କ ଦ୍ୱାର ପ୍ରସ୍ତୁତ କାର୍ଯ୍ୟଖସଡା ଉପରେ ଆଲୋଚନା ହୋଇ ପଂଚାୟତ ଗୁଡିକରେ ବାକି ରହିଥିବା ଉନ୍ନତିମୂଳକ କାମ ଉପରେ ବିଭିନ୍ନ ପ୍ରସ୍ତାବ ଆଗତ ହୋଇଥିଲା ବୋଲି ବ୍ଲକ ଅଧ୍ୟକ୍ଷ ଶ୍ରୀ ପ୍ରଧାନ ସୂଚନା ଦେଇଛନ୍ତି ।    ଏହି ବୈଠକରେ ପୁଇଁନ୍ତଳା ବ୍ଲକ ଅନ୍ତର୍ଗତ ୨୫ଟି ପଂଚାୟତର ସରପଞ୍ଚଓ ସମିତି ସଭ୍ୟ ଓ ଜିଲ୍ଲା ପରିଷଦ ସଭ୍ୟ ସଭ୍ୟ ମାନେ ଯୋଗ ଦେଇ ପଂଚାୟତ ଗୁଡିକରେ ଲୋକଙ୍କ ମୌଳିକ

ସୁବିଧା ପୂରଣ କରିବା ଦିଗରେ ବିଭିନ୍ନ ପ୍ରସ୍ତାବ ମାନେ ଦେଇଥିଲେ । ତୃଣମୂଳସ୍ତରରେ ସାଧାରଣ ଲୋକଙ୍କ ଆବଶ୍ୟକତା ପୂରଣ, ସରକାରୀ ଅନୁଦାନର ସଠିକ୍ ବିନିଯୋଗ ଓ ବିଭିନ୍ନ ସରକାରୀ ଯୋଜନାର ସଫଳ ରୂପାୟନ ସଂପର୍କରେ ଆଲୋଚନା ହୋଇଥିଲା । ପରେ ସ୍ଥାନୀୟ ମହୀମୁଣ୍ଡା ହାଇସ୍କୁଲ ଠାରେ ଅନୁଷ୍ଠିତ ଦ୍ୱିତୀୟ ଅଧିବେଶନକୁ ବିଙ୍ଗ ହ୍ୟୁମେନର ସଭାପତି ସୋମନାଥ ମିଶ୍ର ପରିଚାଳନା କରିଥିଲେ । ଏଥିରେ ବିଭିନ୍ନ ପଂଚାୟତର ସରପଂଚ ମାନେ ନିଜ ନିଜ ମତାମତ ଉପସ୍ଥାପନ କରିବା ସହ ବଲାଙ୍ଗୀର ରେ କାର୍ଯ୍ୟରତ ସାମ୍ବାଦିକ ମାନଙ୍କୁ ଫୁଲତୋଡା ଓ ଉତ୍ତରୀୟ ପ୍ରଦାନପୂର୍ବକ ସମ୍ମାନିତ କରାଯାଇଥିଲା । ଏହି ଅବସରରେ ଅନୁଷ୍ଠିତ ସଭାରେ ପୁଇଁତଳା ବ୍ଲକ  ୧୯

ନମ୍ବର ଜୋନ୍ ଜିଲ୍ଲା ପରିଷଦ ସଭ୍ୟା ସବିତା ସେଠ, ୧୮ ନମ୍ବର ଜୋନ୍ ଜିଲ୍ଲା ପରିଷଦ ସଭ୍ୟ କୁମରମଣୀ ସେଠ, ସମାଜସେବୀ ସୁରେଶ ନାଏକ, ପୁଇଁତଳା ବ୍ଲକ ଉପାଧ୍ୟକ୍ଷା ନିଳୀମା ଅମାତ ପୁଇଁତଳା ବ୍ଲକ ସରପଂଚ ସଂଘ ସଭାପତି ତଥା ମଲମୁଣ୍ଡା ସରପଂଚ ବିଷ୍ଣୁ ପଟେଲ ପ୍ରମୁଖ ମଂଚାସୀନ ରହି ନିଜର ପଂଚାୟତର ବିକାଶ କୁ ନେଇ ନିଜର ବକ୍ତବ୍ୟ ପ୍ରଦାନ କରିଥିଲେ । । ଏହି ଅବସରରେ ପୁଇଁତଳା ବ୍ଲକକୁ ବିକାଶ କ୍ଷେତ୍ରରେ ଫୋକସ୍ କରିବା ଆମର ପ୍ରଥମ ଲକ୍ଷ ବୋଲି ପୁଇଁତଳା ବ୍ଲକ ଅଧ୍ୟକ୍ଷ ସରୋଜ ପ୍ରଧାନ ଦୃଢ଼ୋକ୍ତି ପ୍ରକାଶ କରିଛନ୍ତି ।