19-Aug-2022

ବରଗଡ:-ବରଗଡ଼ ଜିଲ୍ଲାର ପବିତ୍ର ତିର୍ଥସ୍ଥଳୀ ଶ୍ରୀଶ୍ରୀ ନୃସିଂହନାଥ ଠାରେ ଗନ୍ଧମାର୍ଦନ ସୁରକ୍ଷା ପରିଷଦ(କପିଳମୁନି) ଆଶ୍ରମ ର ବାର୍ଷିକୋତ୍ସବ ବିପୁଳ ଆନନ୍ଦ ଉଲ୍ଲାସ ମଧ୍ୟରେ ଅନୁଷ୍ଠିତ ହୋଇଯାଇଛି।ସକାଳୁ ସକାଳୁ ଗନ୍ଧମାର୍ଦ୍ଦନ ସୁରକ୍ଷା ର ଆହ୍ୱାନ ନେଇ ତିନୋଟି ମଶାଲ ରେ ଏକ ଶୋଭାଯାତ୍ରା ବାହାରି ପାଟଣାଗଡ଼-ପଦ୍ମପୁର, ଝାରବନ୍ଧ,ମାଣ୍ଡୋସିଲ ରୁ ଶତାଧିକ ସଂଗ୍ରାମୀ ଆସିଲା ପରେ ପାଇକମାଲ ମୁଖ୍ୟଛକ ଠାରେ ସେମାନଙ୍କୁ ବିପୁଳ ସ୍ବାଗତ ସମ୍ବର୍ଦ୍ଧନା ଦିଆଯାଇଥିଲା। ପରେପରେ ବୀର ବାଦ୍ୟ ର ତାଳେତାଳେ ସଂଗ୍ରାମୀ ମାନଙ୍କ ସହ ସାଧାରଣ ଜନତାଙ୍କର ଏକ ବିଶାଳ ଶୋଭାଯାତ୍ରା ପାଇକମାଲ ଠାରୁ ବାହାରି ପବିତ୍ର ଶ୍ରୀଶ୍ରୀ ନୃସିଂହନାଥ ଧାମ ନିକଟରେ ପହଞ୍ଚିଥିଲା ।ବାଲକୋ ଖାଇଦେବୀ ଓ ମାର୍ଜାର କେଶରୀ ଙ୍କ ଠାରେ ଯଥା ରୀତି ପୂଜାର୍ଚ୍ଚନା ପରେ ଗନ୍ଧମାର୍ଦ୍ଦନ ସୁରକ୍ଷା ପରିଷଦ ର କେନ୍ଦ୍ରୀୟ ଆବାହକ ଶ୍ରୀ ରବିନାରାୟଣ ସାହୁ ଙ୍କ ସଂଯୋଜନା ରେ ତଥା ସ୍ୱାମୀ ସୋମବେଶଜୀ ଓ ପୂର୍ବତନ ଆବାହକ ଡ.ଗୈାତମ ବିଶ୍ୱାଳ ଙ୍କ ଉପସ୍ଥିତି ରେ ଆଡଭୋକେଟ ପ୍ରଶାନ୍ତ ମାଝି ଓ ରାଜକୁମାର ଙ୍କ ସଂଯୋଜନା ରେ ବିଶାଳ ଜନସଭାକୁ ସର୍ବଶ୍ରୀ:-ଧବଳେଶ୍ୱର ସାହୁ, ମୋହନ ଜଗତ, କୁଳମଣି ନାୟକ,କ୍ଷେତ୍ରୀ ଲୁହାର, ରାଜେନ୍ଦ୍ର ରାଉତ,ନନ୍ଦଲାଲ ତ୍ରିବେଦୀ, ସଞ୍ଜିବ ବରିହା,ବିଜୟ କୁମାର ସ୍ୱାଇଁ,ଟେକେନ୍ଦ୍ର ଜାଲ, ସୁଶିଲ ନାୟକ, ଝାରବନ୍ଧ ଜିଲ୍ଲା ପରିଷଦ ସଭ୍ୟ ସନ୍ତୋଷ ବେହେରା, ଗୋବିନ୍ଦ ପଟେଲ, ଆଇନଜୀବୀ ହିରାରାମ ଭୋଇ,ଗୁପତରାମ ବାରିକ,ଡାଇମଣ୍ଡ ଭୋଇ,ରଘୁ ପ୍ରଧାନ,ନିର୍ମଳ ପଟେଲ, ସୁଶାନ୍ତ ବୁଦ୍ଧିଆ, ରାଜିବ ସାହୁ,ରାଜବୋଡାସମ୍ବର କୃଷକ ସଙ୍ଗଠନ ପାଇକମାଲ ବ୍ଳକ ର ସଭାପତି ବିଶ୍ବନାଥ ରଣା, ଓଡ଼ିଶା ଡ୍ରାଇଭର ମହାସଂଘ ପାଇକମାଲ ବ୍ଳକ ସଭାପତି ଶଙ୍କର ସେଠ, ନକୁଳ ମଲ୍ଲିକ, ବିଶ୍ୱନାଥ ବାଗ, ସଂଯୁକ୍ତା ଜାନୀ, ଖପ୍ରାଖୋଲ ବ୍ଳକ ଆବାହକ ଅଭିଳାଷ ଭୋଇ ସମ୍ବୋଧିତ କରି ସୁରକ୍ଷା ଆନ୍ଦୋଳନର ସ୍ମୃତି ମନ୍ଥନ ସହ ଆଗାମୀ ଦିନରେ ଗନ୍ଧମାର୍ଦ୍ଦନ ଖଣି ଖନନ ପାଇଁ ଚାଲିଥିବା ଗୁପ୍ତ ଷଡ଼ଯନ୍ତ୍ର କୁ ତିବ୍ର ବିରୋଧ କରିବାକୁ ନିଷ୍ପତ୍ତି ନେଇଥିଲେ ।ସଭାରେ ବକ୍ତା ମାନେ ଗନ୍ଧମାର୍ଦ୍ଦନ ଆନ୍ଦୋଳନ ର ପ୍ରଚଳିତ ପାଠ୍ୟକ୍ରମ ରେ ଲିପିବଦ୍ଧ ହୋଇଥିବା ତ୍ରୁଟିପୂର୍ଣ୍ଣ ଇତିହାସ କୁ ସଂଶୋଧନ ପାଇଁ ଦାବି କରି ଆସୁଥିଲେ ମଧ୍ୟ ରାଜ୍ୟ ସରକାର ଅଣଦେଖା କୁ ତିବ୍ର ବିରୋଧ କରାଯାଇଥିଲା।ଏଣୁ ତୁରନ୍ତ ଭୁଲ ଇତିହାସ କୁ ସଂଶୋଧନ ନ କଲେ ଆଗାମୀ ଦିନରେ ଭୟାବହ ଆନ୍ଦୋଳନ ମୁଣ୍ଡ ଟେକିବ, ସେଥିପାଇଁ ରାଜ୍ୟ ସରକାର ଉତ୍ତରଦାୟୀ ରହିବେ ବୋଲି ସର୍ବସମ୍ମତି ପ୍ରକାଶ ପାଇଥିଲା । ପୂର୍ବତନ ଆବାହକ ସରୋଜ ମିର୍ଦ୍ଧା ଙ୍କ ଧନ୍ୟବାଦ ଅର୍ପଣ ପରେ ସଭାସାଙ୍ଗ ହୋଇଥିଲା ।