19-Aug-2022

ବଲାଙ୍ଗୀର ଜିଲ୍ଲା ସିନ୍ଧେକେଲା ରେ ପ୍ରତିବର୍ଷ ବହୁ ଧୁମଧାମରେ ଗଣେଷ ପୂଜା ବିଭିନ୍ନ ପଡାରେ ଅନୁଷ୍ଠିତ ହୋଇଥାଏ। ପାଖାପାଖି ୧୫ ରୁ ଉର୍ଦ୍ଧ୍ବ ସ୍ଥାନରେ ପୂଜା ହେଉଥିବା ବେଳେ ଭସାଣୀ ଉତ୍ସବ ମଧ୍ଯ ବେଶ ଯାକଜମକରେ ହୋଇଥାଏ। ତେବେ ଯିଏ ଯେମିତି ପାରିଲେ ଯୋଉଦିନ ଚାହିଁଲେ ଭସାଣି ଉତ୍ସବ କରୁଥିବାରୁ ଟ୍ରାଫିକ ସମସ୍ୟା, ଶାନ୍ତିଶୃଙ୍ଖଳା ରକ୍ଷା, ଶବ୍ଦ ପ୍ରଦୁଷଣ ଆଦି ସମସ୍ୟା ଦେଖା ଦେଉଥିବାରୁ କିଛି ବର୍ଷ ତଳେ ସେ ସମୟର ବଣିକସଂଘ ସଭାପତୀ, ସରପଞ୍ଚ, ଜିଲ୍ଲାପରିଷଦ ସଦସ୍ଯା ଓ ଭଦ୍ରବ୍ୟକ୍ତି ଙ୍କୁ ନେଇ ସେ ସମୟରେ ଥିବା ଥାନାଧିକାରି ଅନନ୍ତ ପ୍ରଧାନ ଓ ତହସିଲଦାର ଗୁଣମଣୀ ସୁନାନୀ ଙ୍କ ସହ ବୈଠକ କରି ସମସ୍ତ ଗଣେଷ ପୂଜା ମଣ୍ଡପର ଗଣେଷ ଭସାଣୀ ଉତ୍ସବ ଗୋଟିଏ ଦିନରେ ଅନୁଷ୍ଠିତ କରିବା ପାଇଁ ଆଲୋଚନା କରିଥିଲେ। ପରେ ସମସ୍ତ ପୂଜା କମିଟିସହ ଆଲୋଚନା କରିବାସହ ଗୋଟିଏ ଦିନରେ ଭଷାଣି (ଝାକି) ଉତ୍ସବ ପାଳନ କରା ଯାଇଥିଲା। ତେବେ କରୋନା କଟକଣା ଯୋଗୁଁ ଦୁଇବର୍ଷ ବ୍ୟବଧାନ ରେ ଗଣେଷ ପୂଜା ହେଉଥିବାରୁ ଏଥର ସମସ୍ତ ଗଣେଷ ପୂଜା କମିଟି ବହୁ ଆନନ୍ଦ ଉଲ୍ଲାସ ସହ ସଜବାଜ ଆରମ୍ଭ କଲେଣି। ଏହାକୁ ନଜରରେ ରଖି ବୁଧବାର ସିନ୍ଧେକେଲା ପୋଲିସ ତରଫରୁ ଆଇଆଇସି ଆଲୋକ ବେହେରାଙ୍କ ତତ୍ତ୍ବାବଧାନ ରେ ସମସ୍ତ ପୂଜା କମିଟିର ସଭାପତି, ସମ୍ପାଦକ ମାନଙ୍କୁ ନେଇ ଏକ ସମନ୍ବୟ ବୈଠକ ଅନୁଷ୍ଠିତ ହୋଇଯାଇଛି। ବୈଠକରେ ସବିଶେଷ ଆଲୋଚନା ପରେ ଏଥର ଭସାଣି ପାଇଁ ତିନୋଟି ଦିନ ଧାର୍ଯ୍ଯ କରାଯାଇଛି। ଯାହାକି ଗଣେଷ ପୂଜାରୁ ପାଞ୍ଚଦିନ, ସାତଦିନ ଓ ଏଗାର ଦିନ

ହେବ ।ଏହି ଦିନ ମାନଙ୍କରେ ହିଁ ସମସ୍ତ ଗଣେଷ ପୂଜାକମିଟି ତରଫରୁ ଭସାଣୀ ଉତ୍ସବ ପାଳନ କରିବାକୁ ନିର୍ଣ୍ଣୟ ହୋଇଥିଲା। ଏହି ବୈଠକରେ ପୂର୍ବତନ ବଣିକସଂଘ ସଭାପତୀ ସରୋଜ ଜୈନ,ସମାଜସେବୀ ଅନିଲ କୁମାର ତ୍ରିପାଠୀ, ସିନ୍ଧେକେଲା ସରପଞ୍ଚ ନରେଶ ଅଗ୍ରୱାଲ, ବଲାଙ୍ଗୀର ସାଂସଦ ଙ୍କ ବଙ୍ଗୋମୁଣ୍ଡା ବ୍ଳକ ପ୍ରତିନିଧି ଅନିଲ କୁମାର ନାଏକ ପୋଲିସ ତରଫରୁ ଆଇଆଇସି ଆଲୋକ ବେହେରା ,ଏସଆଇ ସୁରେଶ ଚନ୍ଦ୍ର ବିଶି , ଏଏସଆଇ ଆଦିତ୍ଯ ସାହୁ, ଅରକ୍ଷିତ ନାଏକ, ପ୍ରମୁଖ ଙ୍କ ସହ ସମସ୍ତ ଗଣେଷ ପୂଜା କମିଟିର ସଭାପତି, ସମ୍ପାଦକ ଉପସ୍ଥିତ ଥିଲେ ।