19-Aug-2022

ମୁରିବାହାଲ:  ବଲାଙ୍ଗିର ଜିଲ୍ଲା ମୁରିବାହାଲ୍ ବ୍ଲକ୍ ଅନ୍ତର୍ଗତ ହଲଦି ଛକ ଠାରେ ପ୍ରଧାନ ମନ୍ତ୍ରୀ ଫସଲ ବୀମା ରାଶିରୁ ବଞ୍ଚିତ ଥିବା ଚାଷୀବୃନ୍ଦ ଙ୍କ ୮୦ ଘଣ୍ଟାରୁ ଉର୍ଦ୍ଧ ହେବ ରାଜରାସ୍ତା ଅବରୋଧ ଜାରୀ ରହିଛି। ଫସଲ ବୀମା ରାଶି ପ୍ରଦାନ ରେ ଅହେତୁକ ବିଳମ୍ବ ଯୋଗୁଁ ତଥା ଯୋଗ୍ୟ ତାଲିକାରେ ଥାଇ ମଧ୍ୟ ବୀମା ରାଶି ପାଇ ନ ଥିବାରୁ ହଲଦି ଗ୍ରାମ ପଞ୍ଚାୟତ, ଲେବଡ଼ା ଗ୍ରାମ ପଞ୍ଚାୟତ ଓ ବାଙ୍କେଲ୍ ଗ୍ରାମ ପଞ୍ଚାୟତର ମିଳିତ ଚାଷୀ ବୃନ୍ଦ ହଲ୍ଡି ସମିତି ସଭ୍ୟ ଟୁନା ମଣି ମହାନନ୍ଦ,କୃଷକ ନେତା ସିଦ୍ଧେଶ୍ୱର ଦାସ, ଦୁଷ୍ମନ୍ତ ବାଗଙ୍କ ନେତୃତ୍ୱରେ ଚାଲିଥିବା ଧାରଣା ଆଜି ଚତୁର୍ଥ ଦିନରେ ପହଞ୍ଚିଛି।ଏହି କାର୍ଯ୍ୟକ୍ରମର ଚାଷୀ ହେମ ସାଗର ସାହୁ, ହଲଦି ପୂର୍ବତନ ସରପଂଚ ହୃଷିକେଶ ବାଗ, ସମିତି ସଭ୍ୟ ଦୁଷ୍ମନ୍ତ ବାଗ,ଧନେଶ୍ଵର ମାଝୀ, ପର୍ଥରାମ୍ ଭୋଇ, ଚତୁର ମହାନନ୍ଦ, 

ତୁଳସୀ ରାମ ଭୋଇ, ଉତ୍ତମ ମହାନନ୍ଦ, ଶଶି ମହାନନ୍ଦ, ଉପେନ୍ଦ୍ର ଦୀପ, ଦିନେଶ କୁମ୍ଭାର,ସୁଦର୍ଶନ ମହାକୁଡ଼, ଯଶୋବନ୍ତ ମହାନନ୍ଦଙ୍କ ସମେତ ଶତାଧିକ ଚାଷୀ ଧାରଣାରେ ବସିଛନ୍ତି। ରାତିରେ ଚାଷୀ ମାନେ ରାସ୍ତାରେ ଶୋଇ ରହିଛନ୍ତି।ଧାରଣାସ୍ଥଳ କୁ ମୁରିବାହାଲ ବ୍ଲକ୍ ଅଧକ୍ଷ, ମୁରିବାହାଲ୍ ତହସିଲଦାର ଯାଇ ବୁଝାସୁଝା କରିଛନ୍ତି। ମୁରିବାହାଲ୍ ପୋଲିସ ଧାରଣା ସ୍ଥଳରେ ଉପସ୍ଥିତ ଥିବା ବେଳେ ଜିଲ୍ଲାପାଳ କିମ୍ବା ଉପଜିଲ୍ଲାପାଳ ଆସି ଲିଖିତ ପ୍ରତିଶ୍ରୁତି ନ ଦେବା ପର୍ଯ୍ୟନ୍ତ ଧାରଣା ଜାରି ରହିବ ବୋଲି ଚାଷୀ ମାନେ  ରୋକଠୋକ୍ ଭବରେ ଶୁଣାଇ ଦେଇଛନ୍ତି l