17-Aug-2022

ବଲାଙ୍ଗିର(ଅନ୍ତର୍ଯ୍ୟାମୀ ସାହୁ) / ବଲାଙ୍ଗିର ସି ଏସ୍ ଓ ଅଫିସ ରେ ଜୈନେକ ମହିଳା କର୍ମଚାରୀଙ୍କୁ ଯୌନ ନିର୍ଯ୍ୟତନା ମାମଲା ରେ ଅନେକ ଦିନ ବିତି ଯାଇଥିଲେ ମଧ୍ୟ ଓ ପୀଡିତାଙ୍କ ଲିଖିତ ଅଭିଯୋଗ ପରେ ବି ପୋଲିସ ର କାର୍ଯ୍ୟାନୁଷ୍ଠାନ ଶୁନ ରହିଛି l ସୂଚନାଯୋଗ୍ୟ ଯେ, ବଲାଙ୍ଗିର ଚିଫ୍ ସି ଏସ୍ ଓ ମୀର ରାଜ ଅଲ୍ଲୀ ଙ୍କ ବିରୋଧରେ ନିଜ ଅଫିସରେ ଥିବା ମହିଳା କର୍ମଚାରୀ ଜଣକୁ ଯୌନ ନିର୍ଯାତନା ଦେଇଥିବା ପରି ଏକ ସଙ୍ଗୀନ ଅଭିଯୋଗ ପଦାକୁ ଆସିଥିଲା l ଏବେ ବି ଯୌନ ନିର୍ଯାତନା ଦେଇଥିବା ଉଚ୍ଚ ପଦାଧିକାରୀ ଜଣକ ନିର୍ଭୟରେ ନିଜର କାର୍ଯ୍ୟ କରୁଛନ୍ତି l ଗତ 9 ତାରିଖ ଦିନ ପୀଡିତା ଜଣକ ନିଜର ନ୍ୟାୟ

ପାଇଁ ବଲାଙ୍ଗିର  ଟାଉନ୍ ଥାନାରେ ଲିଖିତ ଅଭିଯୋଗ ମଧ୍ୟ କରିଛନ୍ତି l ନ୍ୟାୟ ପ୍ରଦାନ ଦାବିରେ ଅଭିଯୋଗକାରିଣୀ ଜିଲ୍ଲାପାଳଙ୍କ ଦ୍ୱାରସ୍ଥ ମଧ୍ୟ ହୋଇଛନ୍ତି l ତେବେ ପୋଲିସ ପ୍ରଶାସନ ହେଉ ବା କି ଜିଲ୍ଲା ପ୍ରଶାସନ କେହି ବି ଅଭିଯୋଗକାରିଣୀଙ୍କ ପ୍ରତି ଧ୍ୟାନ ଦେଇନାହାନ୍ତି ବୋଲି ଅଭିଯୋଗ ହେଉଛି l ଆଜି ଏ ସଂକ୍ରାନ୍ତରେ ବିଜେପି ମହିଳା ମୋର୍ଚ୍ଚା ର ବଲାଙ୍ଗିର ସଭାନେତ୍ରୀ ସାଗରିକା ଗୁରୁ ଙ୍କ ନେତୃତ୍ୱ ରେ ମହିଳା ମୋର୍ଚା ର ସଭ୍ୟl ମାନେ ବଲାଙ୍ଗିର ଏସ୍ ପି ନୀତିନ୍ କୁଶଳକର ଙ୍କୁ ସାକ୍ଷାତ କରି ଦୋଷୀ ଅଫିସର ଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି l