09-Aug-2022

କଣ୍ଟାବାଞ୍ଜି(ଆନନ୍ଦ ମୋଟେ) ଚଳିତ ବର୍ଷ ମେଟ୍ରିକ ପରୀକ୍ଷା ଫଳାଫଳ ଘୋଷଣା ହୋଇଯାଇଛି।ତୁରେକେଲା ବ୍ଳକର ବିଭିନ୍ନ ବିଦ୍ୟାଳୟରୁ ୧୨ଜଣ ଦିବ୍ୟାଙ୍ଗ ଛାତ୍ରଛାତ୍ରୀ ମେଟ୍ରିକ ପରୀକ୍ଷା ଦେଇଥିଲେ।ପରୀକ୍ଷା ଦେଇଥିବା ସମସ୍ତ ଛାତ୍ରଛାତ୍ରୀ ପରୀକ୍ଷାରେ ଉତ୍ତୀର୍ଣ୍ଣ ହେବା ସହିତ କୁଇବାହାଲ ଉଚ୍ଚ ବିଦ୍ୟାଳୟରେ ଅଧ୍ୟୟନ କରିଥିବା ଛାତ୍ରୀ କଳ୍ପନା ବନଛୋର B1 ଗ୍ରେଡ ୭୭%ପାଇ ତୁରେକେଲା ବ୍ଳକରେ ଟପର ହୋଇଛନ୍ତି।ତାଙ୍କର ସଫଳତାରେ କୁଲିହାଦୋର ନିବାସୀ ତାଙ୍କ ମାଆ,ବାପା ଯୁଧିଷ୍ଠିର ବନଛୋର,ଗ୍ରାମବାସୀ ତଥା ବୁଦ୍ଧିଜୀବୀ

ପ୍ରଶଂସା କରିଥିଲେ।ତୁରେକେଲା ବ୍ଳକର ବିଆରଟି ଜ୍ୟୋତି ବିକାଶ ବାରିକ ଓ ସମାଜସେବୀ ତଥା ଜୁନିୟର ରେଡକ୍ରସ ପରାମର୍ଶ ଦାତା ବିରଂଚି ନାରାୟଣ ଦାଶ ତାଙ୍କ ଗ୍ରାମକୁ ଯାଇ କଳ୍ପନାକୁ ଉପଢୌକନ ଓ ପୁସ୍ତକ ଉପହାର ଦେଇ ସମ୍ବର୍ଦ୍ଧିତ କରିଥିଲେ।ବ୍ଳକ ଶିକ୍ଷା ଅଧିକାରୀ। ଶ୍ରୀ ସୁରେନ୍ଦ୍ର କୁମାର ପୁରୋହିତ, ବିଆରସିସି ଶ୍ରୀ ଫକୀର ଚରଣ ବିଶି,ବିଆରଟି ସୁନିଲ ସାହୁ,କୁଲିହାଦୋର ବିଦ୍ୟାଳୟର ଶିକ୍ଷୟିତ୍ରୀ ସୁମତି ବେହେରା, ଶିକ୍ଷକ ପ୍ରଦୀପ ପାଣିଗ୍ରାହୀ ଅଭିନନ୍ଦନ ଜଣାଇଥିଲେ।