29-Jul-2022

ବରଗଡ:-ସମୟ ଥିଲା ବରଗଡ ଜିଲ୍ଲା ରେ ହଟଚମଟକାରୀ ଜିଲ୍ଲାପରିଷଦ ଅଧ୍ୟକ୍ଷା ଶ୍ରୀମତୀ ମୁକ୍ତା ସାହୁ ଙ୍କୁ ଦାୟିତ୍ଵ ରୁ ଓହରିବା ପରେ ଦିଲ୍ଲୀ ଦରବାର ରୁ ତାଙ୍କୁ ଡକରା ଆସିଥିଲା ।ସେ ଦିଲ୍ଲୀ ଗଲା ପରେ ସବୁକଥା ଜଣାପଡ଼ିଲା । ତାଙ୍କ କାର୍ଯ୍ୟ ଦକ୍ଷତା, ତାଙ୍କ ହାତରେ  ସାଂଗଠନିକତା ର ମ୍ୟାଜେକି ତଥା ଜନସାଧାରଣ ଙ୍କ ସେବାକୁ ସଦାବେଳେ ପ୍ରାଧାନ୍ୟ ଦେଇ ବିଜେପି ଦଳ କୁ ତୃଣମୂଳ ସ୍ତରରୁ ମଜଭୁତ କରିବାର ପ୍ରୟାସ କୁ ଆଖି ଆଗରେ ରଖି ବିଜେପି କାର୍ଯ୍ୟକାରିଣୀ ସଦସ୍ୟ ଭାବରେ କେତେକ ହେବିୱେଟ ନେତା ତାଙ୍କୁ ଗୁରୁଦାୟିତ୍ଵ ପ୍ରଦାନ କରିଥିଲେ।ଏବେ ତାଙ୍କ ପାଖକୁ ବିହାର ରାଜ୍ୟ ବିଜେପି ସଂଗଠନ ସଜାଡିବାକୁ ବିହାର ର ପ୍ରଭାରୀ ଭାବେ ଦିଲ୍ଲୀ ରୁ ଗୁରୁ ଦାୟିତ୍ବ ମିଳିଛି ।ଖବର ପାଇ ସଙ୍ଗେ ସଙ୍ଗେ ବିହାର ଅଭିମୁଖେ ଯାତ୍ରା କରିଥିଲେ । ରାଜଧାନୀ ପାଟନା(ପାଟଳିପୁତ୍ର) ରେ ପହଞ୍ଚିକ୍ଷଣୀ ସେଠାକାର ହଜାର ହଜାର କାର୍ଯ୍ୟକର୍ତ୍ତା ଶ୍ରୀମତୀ ସାହୁଙ୍କୁ ବିପଳ ସ୍ୱାଗତ ସମ୍ବର୍ଦ୍ଧନା ଦେବାସହ ବିଭିନ୍ନ ଗ୍ରାମକୁ ପାଛୋଟି ନେଇଥିଲେ। ବିଭିନ୍ନ ଗ୍ରାମମାନଙ୍କରେ ଆୟୋଜିତ ସଭାମାନଙ୍କରେ କେନ୍ଦ୍ର ସରକାର ଙ୍କ ଜନହିତକର ଯୋଜନା ସମ୍ପର୍କରେ ଅବଗତ କରିବା ସହ ତୃଣମୂଳ ସ୍ତରରୁ ସଂଗଠନ କୁ ମଜଭୂତ କରିବାକୁ ଆହ୍ବାନ ଦେଇଥିଲେ । ଆଜି ଓ ୩୧ ତାରିଖ ଦୁଇଦିନ ଧରି ରାଜଧାନୀ ପାଟନା ର ଦଳୀୟ କାର୍ଯ୍ୟାଳୟରେ ଅନୁଷ୍ଠିତ ହେବାକୁ ଥିବା ସଂଯୁକ୍ତ ମୋର୍ଚ୍ଚା କାର୍ଯ୍ୟକାରିଣୀ ସଭାରେ ଯୋଗ ଦାନ କରି ଜିଲ୍ଲା ସ୍ତରୀୟ କାର୍ଯ୍ୟକର୍ତ୍ତା, ବ୍ଳକ ସ୍ତରୀୟ କାର୍ଯ୍ୟକର୍ତ୍ତା  ଏବଂ ବିଧାୟକଙ୍କ ସହ ଆଲୋଚନା କରିବାର କାର୍ଯ୍ୟକ୍ରମ ରହିଛି ବୋଲି ଆମ ବରଗଡ଼ ପ୍ରତିନିଧି ଙ୍କୁ ଫୋନ ମାଧ୍ୟମରେ ଶ୍ରୀମତୀ ସାହୁ ଜଣାଇଛନ୍ତି ।