28-Jul-2022

ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ଭୁର୍ସାଗୁଡା ପଞ୍ଚାୟତ ମୁଖ୍ୟାଳୟର ଅର୍ଜୁନ ସାହୁଙ୍କ ପୁଅ ଗଜାନନ ସାହୁ ଦାଦନ ଯାଇ ମହାରାଷ୍ଟ୍ରରେ ମୃତ ହୋଇଥିବା ବେଳେ ସୋମବାର ଭୁର୍ସାଗୁଡା ପଞ୍ଚାୟତ ପ୍ରଶାସନ ତରଫରୁ ମୃତକଙ୍କ ପରିବାରବର୍ଗ ଙ୍କୁ ୫୦ କେଜି ଚାଉଳ, ସାଢ଼ୀ ଏବଂ ହରିଶ୍ଚନ୍ଦ୍ର ଯୋଜନାର ୨ ହଜାର ଟଙ୍କା ପ୍ରଦାନ କରିଛନ୍ତି । ଆସନ୍ତା ଦିନରେ ଏହି ପରିବାରକୁ ସରକାରଙ୍କ ନିୟମାନୁଯାଇ ଆହୁରି ଯୋଜନାରେ ସାମିଲ କରାଯାଇ ସାହାଯ୍ଯ କରାଯିବ ବୋଳି ଭୁର୍ସାଗୁଡା ସରପଞ୍ଚ ପୁଷ୍ପାଞ୍ଜଳୀ ଛୁରା କହିଛନ୍ତି। ପ୍ରକାଶ ଥାଉକି କିଛିଦିନ ତଳେ ଗଜାନନ ପରିବାର ପ୍ରତିପୋଷଣ ପାଇଁ ଭିଟାମାଟି ଛାଡି ସୁଦୁର ମହାରାଷ୍ଟ୍ର କୁ ଦାଦନ ଖଟି ଯଇଥିଲେ । କିନ୍ତୁ କାମ କରୁଥିବା ସମୟରେ ଦଶ ମହଲା କୋଠା ଉପରୁ ଖସି ପଡି ପଡିଥିଲେ। ତାଙ୍କୁ ଗୁରୁତର ଅବସ୍ଥାରେ ମହାରାଷ୍ଟ୍ରର ଏମଜିଏମ ଡାକ୍ତରଖାନାରେ ଭର୍ତ୍ତି କରିଥିଲେ । ଚିକିତ୍ସାଧିନ ଅବସ୍ଥାରେ ଗୁରୁବାର ତାଙ୍କର ମୃତ୍ୟୁ ହୋଇଥିଲା। ସେ ଦୁଇବର୍ଷ ତଳେ ବିବାହ କରିଥିବାବେଳେ ତାଙ୍କର ଏକ ଶିଶୁକନ୍ୟା ଅଛି ।ଗଜାନନ ଙ୍କ ମୃତ୍ୟୁ ଖବର ଶୁଣି ପରିବାର ଲୋକେ ସେଠାକୁ ଯାଇଥିଲେ। ହେଲେ ଅର୍ଥାଭାବ ଯୋଗୁଁ ଶବ ଆଣି ନ ପାରି ସେଠାରେ ହିଁ ଶେଷକୃତ୍ୟ କରିଥିଲେ।