28-Jul-2022

ସିନ୍ଧେକେଲା (ଅନୀଲ କୁମାର ତ୍ରିପାଠୀ) ବଲାଙ୍ଗୀର ଜିଲ୍ଲା ସିନ୍ଧେକେଲା ପଞ୍ଚାୟତ ମୁଖ୍ୟାଳୟ ତଥା ଅଞ୍ଚଳର ୧୦୮ ଜଣ ଯୁବକ ପ୍ରତିବର୍ଷ ଭଲି ଏ ବର୍ଷ ମଧ୍ଯ ହରିଶଙ୍କର ଶୈବପୀଠ ରୁ ସିନ୍ଧେକେଲା ପାତାଲେଶ୍ବର ଶୈବପୀଠ ରେ ଜଳ ଲାଗି ପାଇଁ ତିନି ଧରି ଚାଳି ଚାଳି ବୁଧବାର ଶିବ ଚତୁର୍ଦଶୀ

ତିଥିରେ ମହାଦେବଙ୍କୁ ଜଳ ଲାଗି କରିଛନ୍ତି । ବହୁ ବର୍ଷ ଧରି ବିଭିନ୍ନ ଶୈବପୀଠ ରୁ ସିନ୍ଧେକେଲା ପାତାଲେଶ୍ବର ଶୈବପୀଠ ରେ ସିନ୍ଧେକେଲା ଅଞ୍ଚଳର ବିଭିନ୍ନ ବୋଳବମ କାବଡିଆ ସଂଗଠନ ଦ୍ବାରା ଜଳ ଲାଗି କରାଯିବା ପରମ୍ପରା ଚାଳି ଆସିଛି । ସିନ୍ଧେକେଲା ବାସି ଶିବ ଚତୁର୍ଦଶୀ ତିଥିରେ ଜଳ ଲାଗି କରିବା ପାଇଁ ଆସୁଥିବା କାବଡିଆ ମାନଙ୍କୁ ବେଶ ସେବା ଓ ସ୍ବାଗତ ଜଣାଇଥାନ୍ତି। ପ୍ରଥମ ଦିନ ରାତିରେ ଘାଗୁର୍ଲି ରହଣି ଓ ଦ୍ବିତୀୟ ଦିନରେ କଣ୍ଟାବାଞ୍ଜି ନିକଟସ୍ଥ ପୁଞ୍ଜିପଥର ପିଠରେ

ରାତ୍ରି ରହଣି କରା ଯାଇଥାଏ। ତେବେ ଏ ବର୍ଷ କଣ୍ଟାବାଞ୍ଜି ରାମ ମନ୍ଦିର ମାନସଭବନ ଠାରେ କଣ୍ଟାବାଞ୍ଜି ଏନଏସି ଅଧ୍ୟକ୍ଷ ବରୀୟାମ ସିଂହ ସାଳୁଜା (ନାଗୁ) ଙ୍କ ତରଫରୁ ସେବା ଓ ସ୍ବାଗତ କରାଯାଇ କାବଡିଆ ମାନଙ୍କ ମନୋବଳ ବଢାଇବା ସହ ଉତ୍ସାହିତ କରିଥିଲେ। ଆର୍ତ୍ତତ୍ରାଣ ସାହୁଙ୍କ ତତ୍ତ୍ବାବଧାନ ରେ ଜଳଲାଗି ପାଇଁ ପବିତ୍ର ଜଳ ଧରି ଆସୁଥିବା କାବଡିଆ ଭକ୍ତ ମାନଙ୍କୁ ଅନ୍ୟ ମାନଙ୍କ ମଧ୍ଯରେ ସେବାକାରୀ ଭାବରେ    ଦିଲ୍ଲୀପ ପାଣ୍ଡିଆ, କୁନା ବାମିଡି, ନିରଞ୍ଜନ ସାହୁ , ପିଣ୍ଟୁ ରଣା ପ୍ରମୁଖ ରାସ୍ତା ସାରା ସେବା ଯୋଗାଇଥିଲେ।