27-Jul-2022

ବରଗଡ଼(ନିରଞ୍ଜନ ତ୍ରିପାଠୀ)ଚଳିତ ବର୍ଷର +୨ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ବିଜ୍ଞାନ ପରୀକ୍ଷାରେ ବିକାଶ ଉଚ୍ଚ ମାଧ୍ୟମିକ ବିଦ୍ୟାଳୟ, ବରଗଡ଼ ଶାଖାର ଅନ୍ୱେଷ ସାହୁ ୫୭୪ମାର୍କ ଓ ଦୀପକ ମେହେର ୫୬୬ମାର୍କ ସହ କଲେଜ ଟପ୍ପର୍ ହୋଇଛନ୍ତି ବୋଲି ବିକାଶ ଗ୍ରୁପ୍ ର ମ୍ୟାନେଜିଂ ଡାଇରେକ୍ଟର ଶ୍ରୀ ଜି.ଭାସ୍କର ରାଓ ପ୍ରକାଶ କରିଛନ୍ତି । ବିଜ୍ଞାନରେ ୧୦ଜଣ ଛାତ୍ରଛାତ୍ରୀ ୯୦%ରୁ ଉର୍ଦ୍ଧ୍ୱ ମାର୍କ ରଖି ପାସ୍ କରିଥିବାବେଳେ ୩୨ଜଣ ଛାତ୍ରଛାତ୍ରୀ ୫୦୦ ରୁ ଉର୍ଦ୍ଧ୍ୱ ମାର୍କ, ୪୨ ଜଣ ଛାତ୍ରଛାତ୍ରୀ ୮୦ ପ୍ରତିଶତ ରୁ ଉର୍ଦ୍ଧ୍ୱ ମାର୍କ ଏବଂ ୨୦୧ଜଣ ଛାତ୍ରଛାତ୍ରୀ ପ୍ରଥମ ଶ୍ରେଣୀରେ ପାସ୍ କରି ବିକାଶ କୁ ପଶ୍ଚିମ ଓଡ଼ିଶାର ଅଗ୍ରଣୀ ଶିକ୍ଷାନୁଷ୍ଠାନ ଭାବରେ ପ୍ରତିଷ୍ଠିତ କରିପାରିଛି ବୋଲି ଏକ୍‌ଜିକ୍ୟୁଟିଭ୍ ଡାଇରେକ୍ଟର ଶ୍ରୀ ଡି.ନାଗେଶ୍ୱର ରାଓ ସିଏଚ୍‌ଏସ୍‌ଇ ଫଳାଫଳ ବିଷୟରେ ସୂଚନା ଦେଇ ଜଣାଇଛନ୍ତି । ବିଜ୍ଞାନରେ ଅର୍ପିତା ସାହୁ ୫୫୪ମାର୍କ, ଉଷଶ୍ରୀ ଭୋଇ ୫୪୭ମାର୍କ, ଆଶୁତୋଷ ମିଶ୍ର ୫୪୬ମାର୍କ, ରୋନକ୍ ମାଝି ୫୪୫ମାର୍କ, ଶ୍ରବଣ ପଟେଲ ୫୪୪ମାର୍କ, ଆକାଶ ସାହୁ ୫୪୩ମାର୍କ, ହିତେଶ ରଣା ୫୪୨ମାର୍କ, ତନୟ କୁମାର ଦୀପ ୫୪୨ମାର୍କ ଏବଂ ନିକିତା ଦାଶ ୫୪୧ମାର୍କ ସହ ସଫଳତା ତାଲିକାର ଶୀର୍ଷରେ ଅଛନ୍ତି । ବାଣିଜ୍ୟ ପରୀକ୍ଷାରେ ୩ଜଣ ଛାତ୍ରଛାତ୍ରୀ ୯୦%ରୁ ଉର୍ଦ୍ଧ୍ୱ ମାର୍କ ରଖି ପାସ୍ କରିଥିବାବେଳେ ୭ଜଣ ଛାତ୍ରଛାତ୍ରୀ ଙ୍କ ୫୦୦ ରୁ ଉର୍ଦ୍ଧ୍ୱ ମାର୍କ ଏବଂ ୨୫ଜଣ ଛାତ୍ରଛାତ୍ରୀ ପ୍ରଥମ ଶ୍ରେଣୀରେ ପାସ୍ କରିଛନ୍ତି । ବିନୟ ଖମାରୀ ୫୫୫ମାର୍କ, ବଣ୍ଟି ରୟ ୫୫୩ମାର୍କ ରଖି ସଫଳତା ତାଲିକାର ଶୀର୍ଷରେ ଅଛନ୍ତି । ସୂଚନାଯୋଗ୍ୟ ଯେ, ବିଜ୍ଞାନ ଛାତ୍ରୀ ସୁଶ୍ରୀ ରୋଜା ଭୋଇ ଗଣିତରେ ୧୦୦ ରୁ ୧୦୦ ମାର୍କ, ଛାତ୍ର ଅନ୍ୱେଷ ସାହୁ ଉଦ୍ଭିଦ ବିଜ୍ଞାନରେ ୫୦ରୁ ୫୦ମାର୍କ ରଖିଥିବାବେଳେ ବାଣିଜ୍ୟ ଛାତ୍ର ଦୀପକ ମେହେର, ବିନୟ ଖମାରୀ, ବଣି୍ଟ ରୟ ଓ ଏମ୍‌.ବିନୟ ଏକାଉଣ୍ଟାନ୍ସିରେ ୧୦୦ ରୁ ୧୦୦ ମାର୍କ ରଖି ଅନୁଷ୍ଠାନକୁ ଗୌରବାନ୍ୱିତ କରିଛନ୍ତି ।
ପ୍ରକାଶ ଥାଉକି ଚଳିତ ବର୍ଷ କେଭିପିୱାଇ ରେ ଅନ୍ୱେଷ ସାହୁ ସର୍ବ ଭାରତୀୟ ସାଧାରଣ ବର୍ଗରେ ୧୦୩୫ ର‌୍ୟାଙ୍କ୍ ଓ ନେଷ୍ଟ୍ ପରୀକ୍ଷାରେ ସର୍ବ ଭାରତୀୟ ସାଧାରଣ ବର୍ଗରେ ୬୯ର‌୍ୟାଙ୍କ୍ (ଓବିସି ୯ର‌୍ୟାଙ୍କ୍‌) ଏବଂ ତନୟ କୁମାର ଦୀପ ନେଷ୍ଟ୍ ପରୀକ୍ଷାରେ ସଫଳତା ଅର୍ଜନ କରିଛନ୍ତି । ଏହି ସଫଳତାରେ ଅନୁଷ୍ଠାନର ଏକ୍‌ଜିକ୍ୟୁଟିଭ୍ ଡାଇରେକ୍ଟର୍ ଶ୍ରୀ ଭି.ଶ୍ରୀନିବାସ, ଡାଇରେକ୍ଟର ଏକାଡେମିକ୍ସ୍ ଶ୍ରୀ ଜି.ରାମକ୍ରୀଷ୍ଣା, ଡାଇରେକ୍ଟର ଏଡ୍‌ମିନିଷ୍ଟ୍ରେସନ୍ ଶ୍ରୀ ଡି.ବିବେକ କୁମାର ଛାତ୍ରଛାତ୍ରୀଙ୍କୁ ଅଭିନନ୍ଦନ ଜଣାଇଛନ୍ତି । ପ୍ରଥମ ପ୍ରୟାସରେ ଏଣ୍ଟ୍ରାନ୍ସ୍ ତଥା ସିଏଚ୍‌ଏସ୍‌ଇ ବୋର୍ଡ ପରୀକ୍ଷାରେ ଛାତ୍ରଛାତ୍ରୀଙ୍କ ସଫଳତା ଏହାକୁ ଏକ ଭିନ୍ନ ଅନୁଷ୍ଠାନର ମାନ୍ୟତା ଦିଏ ବୋଲି ଚେୟାରମେନ୍ ଶ୍ରୀ ଡି.ମୂରଲୀ କ୍ରୀଷ୍ଣା ପ୍ରକାଶ କରିଛନ୍ତି ଏବଂ ଏହା ବିକାଶ ର ସେଣ୍ଟ୍ରାଲାଇଜ୍‌ଡ୍ ଏକାଡେମିକ୍ ସିଷ୍ଟମ୍ ର ସଫଳତା ବୋଲି ମତପ୍ରକାଶ କରିବା ସହିତ ଡାଇରେକ୍ଟର ଡ.ସମରେନ୍ଦ୍ର ନାଥ ପଣ୍ଡା, ବିକାଶ ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ଶ୍ରୀ ମୁରାରୀ ପ୍ରସାଦ ସାହୁ, ବିକାଶ ଆବାସିକ ବିଦ୍ୟାଳୟର ଉପାଧ୍ୟକ୍ଷ ଶ୍ରୀ ଚିତରଞ୍ଜନ ପତି, ବିକାଶ ଉଚ୍ଚ ମାଧ୍ୟମିକ ବିଦ୍ୟାଳୟର ଏଡ୍‌ମିନିଷ୍ଟ୍ରେଟିଭ୍ ଅଫିସର୍ ଶ୍ରୀ ଏସ୍‌.କାନ୍ତା ରାଓ ତଥା ସମସ୍ତ ଶିକ୍ଷକ ଶିକ୍ଷୟତ୍ରୀଙ୍କୁ ଅଭିନନ୍ଦନ ଜଣାଇଛନ୍ତି ।