27-Jul-2022

ପାଟଣାଗଡ଼/  ଆନ୍ଧ୍ରପ୍ରଦେଶର ବିଜୟୱାଡା ଜିଲ୍ଲାର କୁନୁକୁପଡ଼ାରେ ଥିବା କାଲାମ ଟେକ୍ସଟାଇଲ ମିଲକୁ କାମ କରିବାକୁ ଯାଇ ମେସିନରେ ପଡ଼ି ପାଟଣାଗଡ଼ ବ୍ଲକ ଅଧୀନସ୍ଥ ବରପଦର ଗ୍ରାମର ମୁରଲୀ କୁମ୍ଭାର (52) ଙ୍କର କିଛି ଦିନ ତଳେ ମୃତ୍ୟୁ ଘଟିଥିଲା । ଆଜି ମୁରଲୀଙ୍କ ମୃତଦେହ ଗାଁରେ ପହଞ୍ଚିବା ପରେ ପରିବାର ଲୋକଙ୍କ ସହ କିଛି ସମ୍ପର୍କୀୟ ବରପଦର ରାସ୍ତାରେ ମୃତଦେହ ରଖି କ୍ଷତିପୂରଣ ଦାବୀରେ ପାଟଣାଗଡ଼-ଲରମ୍ଭା ରାସ୍ତା ଅବରୋଧ କରିଥିଲେ । ଖବର ପାଇ ପାଟଣାଗଡ଼ ଶ୍ରମ ଅଧିକାରୀ ଘଟଣାସ୍ଥଳକୁ ପହଞ୍ଚି ଆଲୋଚନା କରିଥିଲେ ମଧ୍ୟ ସୁଫଳ ମିଳିନଥିଲା । ପରେ ପାଟଣାଗଡ଼ ବିଡ଼ିଓ ନୀଳମାଧବ ସୁନାଙ୍କ ସହ ସହକାରୀ ଅତିରିକ୍ତ ଉପ ଜିଲ୍ଲାପାଳ କ୍ଷୀରୋଦ ସାହୁ ପହଞ୍ଚି ପରିବାର ଲୋକଙ୍କ ସହ ଆଲୋଚନା କରି ମୃତକଙ୍କ ପରିବାରକୁ ରେଡକ୍ରସ ପାଣ୍ଠିରୁ ରୁ ୧୦ ହଜାର ଟଙ୍କା ଓ ହରିଶ୍ଚନ୍ଦ୍ର ଯୋଜନାରେ ୨ହଜାର ଟଙ୍କା ତାଙ୍କ ସ୍ତ୍ରୀଙ୍କୁ ଭତ୍ତା ଦେବାର ପ୍ରତିଶ୍ରୁତି ଦେବା ପରେ ରାସ୍ତାରୋକ ହଟିଥିଲା ।

(ପାଟଣାଗଡରୁ ସଚ୍ଚିଦାନନ୍ଦ ମହାକୁରଙ୍କ ରିପୋର୍ଟ)