26-Jul-2022

ବଲାଙ୍ଗିର/ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ପାଟଣାଗଡ଼ ବ୍ଲକ୍ କେନ୍ଦୁମୁଣ୍ଡି ପଞ୍ଚାୟତ ଫୁଡକୁପଡା ଗାଁ’ରେ ଜମି ବିବାଦକୁ ନେଇ ଉତ୍ତେଜନା ହୋଇ ସମ୍ପର୍କୀୟ ଭାଇଙ୍କ ନେଲେ ଜୀବନ। ସୂଚନାଯୋଗ୍ୟ ଯେ ଆଜି ଜମି ବିବାଦକୁ ନେଇ ଦୁଇ ପରିବାର ମଧ୍ୟରେ ଝଗଡା ହୋଇଥିଲା। ସନ୍ତୋଷ ଧରୁଆ ଓ ତାଙ୍କ ପୁଅ ନବୀନ ଧରୁଆ ନିଜ ଜମି ଚାଷ କରୁଥିବା ସମୟରେ ତାଙ୍କ ସମ୍ପର୍କୀୟ ଭାଇ

କଳାକାହ୍ନୁ ମାଝୀ, ଡିଲେ ମାଝୀ, ଚମାର ମାଝୀ ଓ ଅନନ୍ତ ମାଝୀ ପହଞ୍ଚି ସେମାନଙ୍କ ଉପରେ ଟାଙ୍ଗିଆରେ ଆକ୍ରମଣ କରିଥିଲେ।  କଳାକାହ୍ନୁ ମାଝୀ,ଡିଲେ ମାଝୀ, ଚମାର ମାଝୀ,ଓ ଅନନ୍ତ ମାଝୀ ୪ ଜଣ ମିଶି ସନ୍ତୋଷକୁ ଟାଙ୍ଗିଆରେ ତା'ର ଡାହାଣ ହାତ କାଟି ଦେଇଥିଲେ।କଟା ଧରି ପରିବାର ଲୋକେ ସନ୍ତୋଷଙ୍କୁ ପାଟଣାଗଡ଼ ଡାକ୍ତରଖାନକୁ

ଆଣି ପାଟଣାଗଡ଼ ଥାନାରେ ଏତଲା ଦେଇଥିଲେ ।ସେଠାରେ ସନ୍ତୋଷଙ୍କ ସ୍ବାସ୍ଥ୍ୟାବସ୍ଥା ଗୁରୁତର ହେବାରୁ ତାଙ୍କୁ ବଲାଙ୍ଗିର ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଥିଲା। ଏହି ଖବର ପାଇ ପାଟଣାଗଡ଼ ଥାନା ଅଧିକାରୀ ଅନନ୍ତ ଡିଲେ ମାଝୀ, କଳାକାହ୍ନୁ ମାଝୀ, ଅନନ୍ତ ମାଝୀ ଓ ଚମାର ମାଝୀକୁ ଅଟକ ରଖି ପଚରାଉଚୁରା କରୁଥିବା ଜଣାପଡିଛି। ସନ୍ତୋଷକୁ ଅଧିକ ଚିକିତ୍ସା ପାଇଁଁ ବଲାଙ୍ଗିର ନେଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି।