18-Jul-2022

ବରଗଡ: ପୂର୍ବନିର୍ଦ୍ଧାରିତ ଦିନ ଅନୁଯାୟୀ ରାଜବୋଡାସମ୍ବର କୃଷକ ସଙ୍ଗଠନ ପକ୍ଷରୁ ଦେଇଥିବା ୧୨ ଘଣ୍ଟିଆ ଡାକରା କୁ ଜୟ କିଶାନ ଆନ୍ଦୋଳନ ଭଟଲି ବ୍ଳକ ପୂର୍ଣ୍ଣମାତ୍ରାରେ ସମର୍ଥନ ଜଣାଇ ଆନ୍ଦୋଳନ କୁ ଓହ୍ଳାଇଛି ।ଏ ପରିପ୍ରେକ୍ଷୀରେ ବରଗଡ ଜିଲ୍ଲା ଭଟଲି ବ୍ଳକ ର ହାଲୁପାଲି ଗ୍ରାମପଞ୍ଚାୟତ ଏବଂ ନାରଙ୍ଗପୁର ଗ୍ରାମପଞ୍ଚାୟତ ର ଗତ ବର୍ଷ ଧାନଫସଲ ବହୁ ମାତ୍ରାରେ କ୍ଷତି ହୋଇଥିଲା । ଯାହାକି ଚାଷୀ ନିର୍ଦ୍ଧିଷ୍ଟ ସମୟ ରେ ଏଚଡିଏଫସି ଫସଲ ବୀମା କମ୍ପାନୀ ଙ୍କ ଠାରେ ପ୍ରିମିୟମ ରାଶି ଭର୍ତ୍ତି କରିଥିଲେ ।ତା ସାଙ୍ଗକୁ ନିର୍ଦ୍ଧିଷ୍ଟ ସମୟ ରେ ମଧ୍ୟ ସରକାରୀ ଅଧିକାରୀ ଓ ଏଚଡିଏଫସି କମ୍ପାନୀ ର ଅଧିକାରୀ ମାନେ ଆସି କ୍ରପକଟିଙ୍ଗ କରିଥିଲେ।ଯାହାକି ପ୍ରଧାନମନ୍ତ୍ରୀ ଫସଲ ବୀମା ହେତୁ ଟି/ୱାଇ/ ଏ /ୱାଇ ଅନୁଯାୟୀ ଭଟଲି ବ୍ଳକ ର ଏଇ ଦୁଇଗୋଟି ପଞ୍ଚାୟତ ବୀମା ଟଙ୍କା ପାଇବାର ହକଦାର ।ହେଲେ ଅଦ୍ୟାବଧି ଚାଷୀ ତାର ପ୍ରାପ୍ୟ ପାଇବାରୁ ବଂଚିତ ଅଛି ।ଏ ସଂକ୍ରାନ୍ତରେ ଏକ ଦାବିପତ୍ର ସ୍ଥାନୀୟ ତହସିଲଦାର ଙ୍କୁ ଆଜି ସମୁହ ଚାଷୀ ପ୍ରଦାନ କରିଛନ୍ତି । ଏଥିରେ ଉଲ୍ଲେଖ କରାଯାଇଛି ଯେ, ଯଦି ଆଗାମୀ ସାତ ଦିନ ମଧ୍ୟରେ ଯଦି ବୀମା ଟଙ୍କା ଚାଷୀ ଙ୍କୁ ନମିଳେ ତେବେ ପୁନଃ ବାଧ୍ୟ ହୋଇ ରାଜରାସ୍ତାକୁ ଓହ୍ଲାଇବାକୁ ବାଧ୍ୟ ହେବୁ ବୋଲି ରୋକ ଠୋକ ଚେତାବନୀ ଦେଇଛନ୍ତି।ଏନେଇ ଜୟ କିଶାନ ଆନ୍ଦୋଳନ ହାଲୁପାଲି ଗ୍ରାମପଞ୍ଚାୟତ ଭଟଲି ବ୍ଳକ ର ଦାୟିତ୍ଵ ଥିବା ସଭାପତି ଶାନ୍ତନୁ ମାଝୀ ଏବଂ ସମ୍ପାଦକ ସଞ୍ଜିବ କୁମାର ସାହୁ ଆମ ପ୍ରତିନିଧି ଙ୍କୁ ଜଣାଇଛନ୍ତି।