18-Jul-2022

ବଲାଙ୍ଗିର (ପ୍ରେରଣା ଖବର) ବଲାଙ୍ଗିରର ଆଞ୍ଚଳିକ ଡିଗ୍ରୀ ମହାବିଦ୍ୟାଳୟ କୁଶଙ୍ଗ ଠାରେ ବନୀ କରଣ ମହୋତ୍ସବ ପାଳନ ହୋଇ ଯାଇଛି l ଛାତ୍ରଛାତ୍ରୀଙ୍କ ଦ୍ୱାରା କଲେଜ ପ୍ରାଙ୍ଗଣ ଏବଂ ରାସ୍ତା କଡ଼ରେ ବୃକ୍ଷ ରୋପଣ କରାଯାଇଥିଲା l ଏହା ସହିତ ଛାତ୍ରମାନେ ଜନସାଧାରଣଙ୍କୁ ଭେଟି ବୃକ୍ଷର ମାହାତ୍ମ୍ୟ

ଉପରେ ବୁଝାଇ ଚାରା ବଣ୍ଟନ ମଧ୍ୟ କରିଥିଲେ l ଏହି ଅବସରରେ କଲେଜର ଅଡିଟରିଅମ ରେ ଅଧ୍ୟକ୍ଷ ବିଜୟ କୁମାର କଲେଟ ଙ୍କ ସଭାପତିତ୍ବ ରେ ଏକ ସଭାର ଆୟୋଜନ ହୋଇଥିଲା l ଏଥିରେ ବଲାଙ୍ଗୀର ମହିଳା ମହାବିଦ୍ୟାଳୟର ଅଧ୍ୟାପକ ହେମନ୍ତ କୁମାର ମଲ୍ଲିକ ମୁଖ୍ୟ ଅତିଥି ଭାବେ ଯୋଗ ଦେଇ ଛାତ୍ରଛାତ୍ରୀଙ୍କୁ ମାନବ ସଭ୍ୟତାର ବିକାଶରେ ବୃକ୍ଷର

ଭୂମିକା ଉପରେ ବକ୍ତବ୍ୟ ରଖିଥିଲେ l ଡ. ଅଜିତ ଭୋଇ ପିଲାଙ୍କୁ ଗଛ ଲଗାଇବା ପାଇଁ କହିଥିଲେ l ଏହି ସଭାକୁ ଡ. ଲକ୍ଷ୍ମଣ ମେହେର ସଂଯୋଜନା କରିଥିବା ବେଳେ ଅଧ୍ୟାପକ ଶମ୍ଭୁ ପ୍ରସାଦ ସାହୁ, ଅଧ୍ୟାପକ ଅନନ୍ତ କୁମାର ଆର୍ଯ୍ୟ, ଅଧ୍ୟାପିକା ବିଜ୍ଞଶ୍ରୀ ଗୁରୁ, ଅଧ୍ୟାପିକା ବାରିଧି ତନୟା ତ୍ରିପାଠୀ ମଞ୍ଚାସିନ ଥିଲେ l ଛାତ୍ରନେତା ଶିବାଶିଷ, ସୁରଜ, ଅକ୍ଷୟ, ରଞ୍ଜନ, ଚିନୁ, ରୋଜି, ଜାଗୃତି ବୃକ୍ଷ ରୋପଣ କାର୍ଯ୍ୟକ୍ରମକୁ ପରିଚାଳନା କରିଥିଲେ l କଲେଜର ସମସ୍ତ କର୍ମଚାରୀଙ୍କ ସହଯୋଗ ଥିଲା l