07-Jul-2022

ବିନିକା(ହିମାଂଶୁ ଶେଖର ପୁଟେଲ) ଓଡିଶା ପ୍ରଦେଶର ପ୍ରମୁଖ ଅନୁଷ୍ଠାନ ଭାବେ ପରିଚିତ ରାଜ୍ୟ ସମାଜସେବୀ ମହାସଂଘର ରାଜ୍ୟ ଯୁଗ୍ମ ସମ୍ପାଦକ ସହ ସୁବର୍ଣ୍ଣପୁର ଜିଲ୍ଲା ସଂଯୋଜକ ଭାବରେ ବିନିକା ଏନ ଏସି ୧୦ନଂ ୱାର୍ଡ ଉଲ୍ଲେ ଗ୍ରାମର ରାମ ଗୋପାଳ ବାଘ ମନୋନୀତ ହୋଇଥିବାରୁ ସାରା ବିନିକା ଅଞ୍ଚଳରେ ଖୁସିର ଲହରୀ ଖେଳିଯାଇଛି ।ସୂଚନା ଯୋଗ୍ୟ ଯେ ଶ୍ରୀବାଘ ତାଙ୍କ ଚାକିରୀକାଳ ସମୟରୁ ଅଦ୍ୟାବଧି ଅବସର ଗ୍ରହଣ ପରେବି ଜନସେବା ପାଇଁ ଚର୍ଚ୍ଚାରେ ରହି ଆସିଛନ୍ତି ।ବିଗତ ଦିନ ମାନଙ୍କରେ ଅର୍ଥାତ ମହାମାରୀ କରୋନା ସମୟରୁ ଆଜି ପର୍ଯ୍ୟନ୍ତ ବିନିକା ର ପୁଣ୍ୟ ପୀଠ ପାପକ୍ଷୟ ଘାଟ ନିକଟସ୍ଥ ସ୍ୱର୍ଗଦ୍ୱାର ଠାରେ ଶବ ଦାହ ପାଇଁ ମାଗଣା କାଠ ଯୋଗାଇବା  ମହତ କାର୍ଯ୍ୟ ବଳବତ୍ତର ରଖିଛନ୍ତି । ବିଶେଷ କରି ଲକଡାଉନ ସମୟରେ ବିନିକା ଡାକ୍ତରଖାନାରେ ରୋଗୀ ଓ ତାଙ୍କ ସମ୍ପକୀୟ,ମେଡିକାଲ ଷ୍ଟାଫଙ୍କୁ ରନ୍ଧା ଖାଦ୍ୟ ଯୋଗାଇ ଜନସାଧାରଣଙ୍କ ଠାରୁ ପ୍ରଶଂସାର ପାତ୍ର ହୋଇଥିଲେ । ସମାଜସେବା ପାଇଁ ମହାନଦୀ ନେତ୍ର ଚିକିତ୍ସାଲୟ ଲେପ୍ରା ସୋଷାଇଟି ପଣ୍ଡାପାଲି ଓ ଉତ୍କଳ ଶିକ୍ଷା ବିକାଶ ସମିତି ଓଡିଶା ତରଫରୁ ସେବା ଓ ସମର୍ପଣ ସମ୍ମାନ,ସେହିପରି ଶୀତ ଦିନରେ ଅସହାୟ ବୃଦ୍ଧବୃଦ୍ଧାଙ୍କୁ ଶୀତବସ୍ତ୍ର ପ୍ରଦାନ,ଅନାଥ ଛାତ୍ରଛାତ୍ରୀଙ୍କୁ ପାଠ୍ୟ ସାମଗ୍ରୀ ପ୍ରଦାନ କରିବା  ସହିତ ବିଭିନ୍ନ ସ୍ଥାନରେ ଅନୁଷ୍ଟିତ  ରକ୍ତଦାନ ଶିବିରରେ ରକ୍ତଦାନ କରିବା ପାଇଁ ରକ୍ତଦାତାଙ୍କୁ ଉତ୍ସାହିତ କରିବା ଭଳି ଅନେକ ଜନକଲ୍ୟାଣ କାର୍ଯ୍ୟ ଜାରି ରଖିଛନ୍ତି।  ସେଥିପାଇଁ ଶ୍ରୀବାଘଙ୍କ ସ୍ବେଚ୍ଛାକୃତ ମନୋଭାବ କୁ ଆଧାର କରି  ମହାସଂଘ ଏହି ଦାୟିତ୍ୱ ପୂର୍ଣ୍ଣ  ପଦବୀ ଦେଇଥିବା ଜନସାଧାରଣରେ ଆଲୋଚନା ହେଉଛି ।ତେବେ ଏହି ଗୁରୁତ୍ତ୍ୱପୂର୍ଣ ଦାୟିତ୍ୱ ମିଳିବା ପରେ ଶ୍ରୀବାଘ ପ୍ରକାଶ କହିଛନ୍ତି ଯେ ମୋ ବଞ୍ଚିଥିବା ଭିତରେ ସମାଜର ମଙ୍ଗଳ ପାଇଁ  ଯେଉଁସବୁ କାର୍ଯ୍ୟକ୍ରମ ହାତକୁ ନେଇଛି ତାହା ଚାଲୁରଖିବି ଏବଂ ଲୋକଙ୍କ ସମସ୍ୟା ଦୂର କରିବାର ପ୍ରୟାସ କରିବି ବୋଲି କହିଥିଲେ।  ମହାସଂଘ ମୋ ଉପରେ ବିଶ୍ୱାସ ରଖି ଏହି ଗୁରୁ ଦାୟତ୍ୱ ଦେଇଥିବାରୁ ମହାସଂଘର ସମସ୍ତ କର୍ମକର୍ତ୍ତାଙ୍କୁ  କୃତଜ୍ଞତା ଜ୍ଞାପନ କରିବା ସହ ରକ୍ତଦାନ ମହତଦାନ କାର୍ଯ୍ୟକ୍ରମକୁ ପ୍ରସ୍ତ୍ରାହିତ, ବୃକ୍ଷ ରୋପଣ, ଵୃଦ୍ଧାଶ୍ରମ ଓ ଅନାଥଶ୍ରମ ନିର୍ମାଣ ଦିଗରେ ତ୍ୱରିତ ପଦକ୍ଷେପ ନେବାକୁ କହିଛନ୍ତି ।