07-Jul-2022

ସିନ୍ଧେକେଲା(ଅନୀଲ କୁମାର ତ୍ରିପାଠୀ) ବଲାଙ୍ଗୀର ଜିଲ୍ଲା ଅର୍ଶାତୁଲା ପଞ୍ଚାୟତ ଅନ୍ତର୍ଗତ ଦେହେଳି ସ୍ଥିତ ଚାନ୍ଦଳି ପାହାଡ ଉପରେ ଝାଡେଶ୍ବର ମହାଦେବ ମନ୍ଦିର ର କୁମ୍ଭଭରଣ ଓ ପ୍ରତିଷ୍ଠା ଉତ୍ସବ ଅନୁଷ୍ଠିତ ହୋଇଯାଇଛି। ଏହି ଚାନ୍ଦଳି ପାହାଡ ଉପରେ ନୁଆ ତିଆରି ହୋଇଥିବା ମନ୍ଦିର

ସ୍ଥାନରେ ରାଜା ରାଜୁଡା ଶାସନ ବେଳେ ଏକ ଭବ୍ୟ ପ୍ରାଚୀନ ମନ୍ଦିର ଥିଲା ଏବଂ ତାହା ରାଣୀପୁର ଝରିଆଲ ରେ ଥିବା ବିଭିନ୍ନ ପଥରର ମନ୍ଦିର ଭଲି ନିର୍ମିତ ହୋଇଥିଲା। ସିନ୍ଧେକେଲା ଗଡତିଆ ପରିବାର ର ରାଣୀ ଏହି ମନ୍ଦିର ରେ ପୁଜା କରୁଥିଲେ ଏବଂ ସେଠାରେ ଥିବା ଗୁମ୍ଫାରେ ତପସ୍ୟାରତ ରହୁଥିଲେ ବୋଳି ଲୋକ କଥାରୁ ଶୁଣାଯାଏ। ତେବେ କାଳକ୍ରମେ ମନ୍ଦିର ଜରାଜୀର୍ଣ୍ଣ ଅବସ୍ଥାକୁ ପହଞ୍ଚି ଯାଇ କେବଳ ଭଗ୍ନାବଶେଷ ପଡି ରହିଥିଲା। ସ୍ଥାନିୟ ଗ୍ରାମବାସୀ ଙ୍କ ଉଦ୍ୟମ ରେ ଏକ ନୁତନ ମନ୍ଦିର ନିର୍ମାଣ କରାଯାଇଛି । ମନ୍ଦିର ପାର୍ଶ୍ବରେ ଏକ ଛୋଟିଆ ପୋଖରୀ ମଧ୍ଯ ବହୁ ପୂର୍ବରୁ ରହି ଆସିଛି । ତେବେ ପାଖାପାଖି ୫ ଶହ ଫୁଟ ଉଚ୍ଚତା ଉପରେ ଥିବା ମନ୍ଦିରକୁ ଯିବାପାଇଁ

ପାହାଡ ଉପରକୁ ବାଇକ , ଅଟୋ ଓ ଚାରିଚକିଆ ଗାଡି ପାଇଁ କାମଚଳା ରାସ୍ତା ଥିବାରୁ ବହୁ ଭିଡ ପରିଲକ୍ଷିତ ହୋଇଥିଲା। ଏଥିରେ ପୂଜକ ଭାବରେ ପଣ୍ଡିତ ଉମାଶଙ୍କର ତ୍ରିପାଠୀ , ଜପକ ରାଜେଶ ତ୍ରିପାଠୀ ଓ କର୍ତ୍ତା ଭାବେ ସୁକ ଭୋଇ ଓ ତାଙ୍କ ସହଧର୍ମିଣୀ ଜମୁନା ଭୋଇ ପୁଜା କାର୍ଯ୍ଯ ତୁଲାଇଥିଲେ। ଏଥିରେ ଅତିଥି ଭାବେ କଣ୍ଟାବାଞ୍ଜି ନିର୍ବାଚନ ମଣ୍ଡଳୀ ବିଜେପି ଦଳର ବିଧାୟକ ପ୍ରାର୍ଥୀ ଲକ୍ଷ୍ମଣ ବାଗ, ବିଜେଡି ଦଳ ବିଧାୟକ ପ୍ରାର୍ଥୀ ଅଜୟ ଦାସ, ଫିରୋଜ ଖାନ ଯୋଗ ଦେଇଥିଲେ। ଦେହେଳି ଗ୍ରାମର ସମସ୍ତ ଗ୍ରାମବାସୀ ପୁଜାକାର୍ଯ୍ଯରେ ସହଯୋଗ କରିଥିଲେ।