03-Jul-2022

ଡକ୍ଟର ଏପିଜେ ଅବଦୁଲ କଲାମ ଚାରିଟେବୁଲ ଟ୍ରଷ୍ଟ ଓ ସମରଝୋଳ ସ୍ଥିତ ଶଂକର ଚକ୍ଷୁ ଚିକିତ୍ସାଳୟର ମିଳିତ ଆନୁକୁଲ୍ୟରେ ଏବଂ ସ୍ଥାନୀୟ ସରପଞ୍ଚଙ୍କ ପ୍ରତ୍ଯକ୍ଷ ତତ୍ବାବଧାନରେ ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ କେ ବରିଡ଼ା ଠାରେ ରବିବାର ଏକ ମାଗଣା ଚକ୍ଷୁ ଚିକିତ୍ସା ଶିବିର ଅନୁଷ୍ଠିତ ହୋଇଯାଇଛି। କେ ବରିଡ଼ା ସରପଞ୍ଚ ପୂଜା ପ୍ରଧାନ ଏହି ଶିବିରକୁ ସରପଞ୍ଚ ଉଦଘାଟନ କରିଥିବା ବେଳେ ସମିତି ସଭ୍ୟା ପୁଷ୍ପାଞ୍ଜଳୀ ଗୌଡ଼, ଅବଦୁଲ କଲାମ ଜନକଲ୍ୟାଣ ଚାରିଟେବୁଲ ଟ୍ରଷ୍ଟ ଅଧ୍ଯକ୍ଷ ପୂର୍ଣ୍ଣଚନ୍ଦ୍ର ବେହେରା, କ୍ଯାମ୍ପ୍ ମ୍ଯାନେଜର ଚିତ୍ରସେନ ଗୌଡ଼ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ। ଅଞ୍ଚଳର ବୟସ୍କ ବୃଦ୍ଧ, ବୃଦ୍ଧା ମାନେ ଏହି ଶିବିରରେ ଉପସ୍ଥିତ ରହି ଚକ୍ଷୁ ପରୀକ୍ଷା କରାଇଥିବା

ଦେଖିବାକୁ ମିଳିଥିଲା। ଯେଉଁମାନଙ୍କ ଆଖିରେ ମୋତିଆବିନ୍ଦୁ ପରିଲକ୍ଷିତ ହେବ ସେମାନଙ୍କୁ ଶଂକର ଚକ୍ଷୁ ଚିକିତ୍ସାଳୟକୁ ନିଆଯାଇ ମାଗଣାରେ ମୋତିଆବିନ୍ଦୁ ଅପରେସନ କରାଯିବ ବୋଲି କହିଛନ୍ତି କ୍ଯାମ୍ପ୍ ମ୍ଯାନେଜର ଚିତ୍ରସେନ ଗୌଡ଼ ।ମୋଟ ୮୦ ଜଣ ରୋଗୀ ପଞ୍ଜୀକରଣ କରି  ଚକ୍ଷୁ ପରୀକ୍ଷା କରାଇଥିବା ବେଳେ ୩୫ ଜଣ ରୋଗୀଙ୍କୁ ସର୍ଜରୀ ପାଇଁ ପଠାଯାଇଛି।୧୦ ଜଣ ରୋଗୀଙ୍କୁ ଚଷମା ପ୍ରଦାନ କରାଯାଇଥିବା ସୂଚନା ମିଳିଛି।

( ଉମା ମହାରଣା - କୋଦଳା )