24-Nov-2020

କଟକ, ( ଦୀପକ କୁମାର ଷଡଙ୍ଗୀ ଙ୍କ ରିପୋର୍ଟ)- କଟକ ଓ ଭୁବନେଶ୍ଵର ରେ ନକଲି ଗୁଟଖା କାରଖାନା ଉପରେ ଚଢଉ ହେବାର କିଛି ଦିନ ମଧ୍ୟରେ ଜଗତପୁର ଠାରେ ଅନୁରୂପ ଭାବେ ପୁଲିସ୍ ନକଲି ଗୁଟଖା କାରଖାନାକୁ ଠାବ କରିଛି । ନୂତନ ଶିଳ୍ପାଞ୍ଚଳ ଫେଜ୍-୩ରେ ଲତା ଏଣ୍ଟରପ୍ରାଇଜେସ ନାମକ କାରଖାନାରେ”ନୋ-ୱାନ୍” ବ୍ରାଣ୍ଡରେ ଗୁଟଖା ପ୍ରସ୍ତୁତ କରାଯାଉଥିଲା । କୌଣସି ସୂତ୍ରରୁ ଖବର ପାଇ ପୁଲିସ୍ ଚଢଉ କରିବା ସମୟରେ ଘଟଣାସ୍ଥଳରୁ ମାଲିକ ଓ କର୍ମଚାରୀ ଫେରାର ହୋଯାଇଛନ୍ତି । କାରଖାନା ପରିସରରୁ ବିଭିନ୍ନ ପ୍ରକାର ଅବଧି ଶେଷ କେମିକାଲ,ରଙ୍ଗ,ପାଉଡର,ନିକୋଟିନ ସମେତ ବିପୁଳ ପରିମାଣରେ ମହଜୁଦ ରହିଥିବା ୫ କ୍ଵିଣ୍ଟାଲରୁ ଉର୍ଦ୍ଧ୍ୱ ଗୁଟଖା ସହ  ୫୦ ଲକ୍ଷରୁ ଉର୍ଦ୍ଧ୍ବ ଟଙ୍କାର ଯନ୍ତ୍ରାଂଶକୁ ପୁଲିସ୍ ଜବତ କରିଛି । ଯାହାର ଆନୁମାନିକ ମୂଲ୍ୟ ପ୍ରାୟ ଏକ କୋଟି ଟଙ୍କାରୁ ଉର୍ଦ୍ଧ୍ବ ହେବ ବୋଲି ପୁଲିସ୍ ଆକଳନ କରିଛି । ପ୍ରକାଶ ଥାଉ କି,ଜଗତପୁର ଥାନା ଅଧିକାରୀ ରବୀନ୍ଦ୍ରନାଥ ମେହେର ନୂତନ ଶିଳ୍ପାଞ୍ଚଳ ଫେଜ୍-୩ ଠାରେ ନକଲି ଗୁଟଖା ପ୍ରସ୍ତୁତ ହେଉଥିବା ନେଇ ବିଶେଷ ସୂତ୍ରରୁ ଖବର ପାଇଥିଲେ । କଟକ ଡିସିପି ପ୍ରତୀକ ସିଂଙ୍କ ନିର୍ଦ୍ଦେଶକ୍ରମେ ଉକ୍ତ ଗୁଟଖା କାରଖାନାରେ ଜୋନ୍-୧ ଏସିପି ଅମରେନ୍ଦ୍ର ପଣ୍ଡାଙ୍କ ନେତୃତ୍ୱରେ ସୋମବାର ପୂର୍ବାହ୍ନରେ ଜଗତପୁର ପୁଲିସ୍ ପକ୍ଷରୁ ଚଢଉ କରାଯାଇଥିଲା । ସାଧାରଣ ଲୋକଙ୍କ ପାଇଁ ଏହି ଗୁଟଖା ଗୁଡ଼ିକ ମାରାତ୍ମକ ସାବ୍ୟସ୍ତ ହେଉଥିବା ବେଳେ ନକଲି ଗୁଟଖା ସେବନ ଦ୍ଵାରା କେଉଁସବୁ କ୍ଷତି ହେବ ତାହା ଏବେ ପୁଲିସ୍ ପ୍ରଶାସନର ଚିନ୍ତାକୁ ଦ୍ଵି-ଗୁଣିତ କରିଛି । ଏହି କାରଖାନାରେ ନୋ-ୱାନ ଗୁଟଖା ପ୍ରସ୍ତୁତ କରାଯାଇ ରାଜ୍ୟର ବିଭିନ୍ନ ସ୍ଥାନ ତଥା ପଡୋଶୀ ରାଜ୍ୟ ମାନଙ୍କୁ ଚାଲାଣ କରାଯାଇଥାଏ ବୋଲି ଜଣାପଡିଛି । ଏହି ନକଲି ଗୁଟଖା କାରଖାନାରୁ ଅନେକ ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ କରି ପୁଲିସ୍ ଅଧିକ ତଦନ୍ତ ଜାରି ରଖିଛି । ଉକ୍ତ ଲତା ଏଣ୍ଟର ପ୍ରାଇଜେସ କାରଖାନାକୁ ପୁଲିସ୍ ପକ୍ଷରୁ ସିଲ୍ କରାଯା