27-Jun-2022

ଘଣ୍ଟାପଡ଼ା/ ରବିବାର ଦିନ ସେବା ସମବାୟ ସମିତିର ଦ୍ଵିତୀୟ ପର୍ଯ୍ୟାୟ ନିର୍ଦ୍ଦେଶକ ଭୋଟ ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଅନ୍ତର୍ଗତ ଘଣ୍ଟାପଡ଼ା ସମିତିରେ ଅନୁଷ୍ଠିତ ହୋଇଯାଇଛି । ୧୫ଟି ମଣ୍ଡଳୀ ଜୋନରୁ ୯ ଜଣ ପ୍ରାର୍ଥୀ ନିର୍ଦ୍ବନ୍ଦରେ ନିର୍ବାଚିତ ହେବା ପରେ ବାକି ୬ଟି ମଣ୍ଡଳୀର ଭୋଟ ରବିବାର ଦିନ ଅନୁଷ୍ଠିତ ହୋଇ ଫଳାଫଳ ମଧ୍ୟ ଘୋଷଣା କରାଯାଇଥିଲା ।୩୭୨ ଭୋଟର ବିଶିଷ୍ଟ ୬ଟି ମଣ୍ଡଳୀରେ ମୋଟ ୧୮୩ ଜଣ ଭୋଟର ମତଦାନ କରିଥିଲେ ।ବିଜୟୀ ନିର୍ଦ୍ଦେଶକ ମଧ୍ୟରେ ନଂ୨ ରୁ କାଳି ଚରଣ ରଣା, ନଂ୭ରୁ ପୃଥିରାଜ ସାହୁ, ନଂ ୧୦ ରୁ ନିଳକଣ୍ଠ ବିଭାର, ନଂ ୧୨ରୁ ଉସ୍ତ ମାଝୀ, ନଂ ୧୩ରୁ ରାମେଶ୍ଵର ହରିପାଲ ଓ ନଂ୧୪ରୁ ଫଗୁ ମାଝୀ ନିକଟତମ ପ୍ରତିଦ୍ଵନ୍ଦିଙ୍କୁ ପରାସ୍ତ କରି ବିଜୟୀ ହୋଇଥିବା ନେଇ ପ୍ରକାଶ କରିଛନ୍ତି ନିର୍ବାଚନ ଅଧିକାରୀ ଶ୍ରୀ ଭୂଲେଶ୍ଵର ନାଗ । ଉକ୍ତ ନିର୍ବାଚନରେ ପ୍ରିଜାଇଡିଙ୍ଗ ଅଫିସର ଭାବେ ପ୍ରମୋଦ କୁମାର ଜାନୀ, ପୁଲିଙ୍ଗ ଅଫିସର ଭାବେ ଜୟ କିଶୋର ରଣା, ଜୟରାମ କୁମ୍ଭାର ଓ ରୋହନ ରଣା ନିର୍ବାଚନ କାର୍ଯ୍ୟ ତୁଳାଇଥିଲେ । ଶାନ୍ତି ଶୃଙ୍ଖଳାର ସହିତ ନିର୍ବାଚନ ହୋଇଥିବାରୁ ଉପସ୍ଥିତି ଚାଷି ଭୋଟର, ଘଣ୍ଟାପଡ଼ା ପୋଲିସ ଓ ସମିତି କର୍ମଚାରୀଙ୍କୁ ଧନ୍ୟବାଦ ଦେଇଛନ୍ତି ନିର୍ବାଚନ ତଦାରଖ ଦାୟିତ୍ଵରେ ଥିବା କଣ୍ଟାମାଳ ବି.ଡି.ଓ.ଶ୍ରୀ କଳାକୃଷ୍ଣ ପ୍ରଧାନ ।