27-Jun-2022

ସୁବର୍ଣ୍ଣପୁର:: ପ୍ରାପ୍ତ ସୂଚନାରୁ ପ୍ରକାଶ ଯେ ସୁବର୍ଣ୍ଣପୁର ସମଗ୍ର ଶିକ୍ଷା ଅଭିଯାନର ଜ଼ିଲ୍ଲା ପ୍ରକଳ୍ପ କାର୍ଯ୍ୟାଳୟ ଶିକ୍ଷକ ଶୋଷଣର ଏକ ଏନ୍ତୁଡ଼ିଶାଳାରେ ପରିଣତ ହେଲାଣି l ବିଶେଷ କରି ଅବସରପ୍ରାପ୍ତ ଶିକ୍ଷକ ମାନଙ୍କର ନୋଡ଼ିଉଜ ପ୍ରମାଣ ପତ୍ର ପାଇବାରେ ଅହେତୁକ ବିଳମ୍ବ ଓ ବିଭିନ୍ନ ଘଟଣାରେ ଶିକ୍ଷକ ଶିକ୍ଷୟତ୍ରୀ ମାନେ ମାନସିକ ନିର୍ଯ୍ୟାତିତ ହେବା ସାଧାରଣ ଘଟଣା ହେଲାଣି l ପ୍ରକାଶ ଥାଉ କି ଯେ ଗତ ଏପ୍ରିଲ ୩୦ ତାରିଖରୁ ଅବସରପ୍ରାପ୍ତ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଶାନ୍ତନୁ ଆଚାର୍ଯ୍ୟ ସରକାରୀ ଚାକିରୀରୁ ଅବସର ନେଲେଣି l ମାସକ ପୂର୍ବରୁ ତାଙ୍କ ଅବସରକାଳୀନ ନଥି ପତ୍ର ପ୍ରସ୍ତୁତ ପାଇଁ ଆବଶ୍ୟକ ନୋ ଡ଼ିଉଜ ପାଇଁ ଗୋଷ୍ଠୀ ଶିକ୍ଷା ଅଧିକାରୀ ସୋନପୁର ଡିପିସି ଙ୍କୁ ପତ୍ରାଳାପ କରିଥିଲେ l ନିର୍ଦ୍ଧାରିତ ସମୟ ରେ ନୋ ଡ଼ିଉଜ ନ ମିଳିବାରୁ ଶ୍ରୀ ଆଚାର୍ଯ୍ୟ ପୁଣି ଥରେ  ଡିପିସି ଙ୍କୁ ବ୍ୟକ୍ତିଗତ ଭାବେ ଭେଟି ପୁନଃ ଆବେଦନ ପତ୍ର କଲେ ଓ ବିଇଓ ମଧ୍ୟ ପୁନଶ୍ଚ ପତ୍ରାଳାପ କଲେ l କିନ୍ତୁ ଦୁଃଖ ର ବିଷୟ ଯେ ତାହା ଆଜିଯାଏ ସମ୍ଭବ ହୋଇ ପାରୁନାହିଁ l ଏଣେ ଶ୍ରୀ ଆଚାର୍ଯ୍ୟ ନ୍ୟାୟାଳୟର ଆଶ୍ରୟ ନେବା ପାଇଁ ମଧ୍ୟ ଡିପିସି ଙ୍କୁ ସୂଚନା ଦେଇଥିବ ବିଷୟ ଅନୁସନ୍ଧାନ ରୁ ଜଣାଯାଏ l ଶ୍ରୀ ଆଚାର୍ଯ୍ୟ ତରଭା ବିଆରସିସି ଥିବା ବେଳେ ଟ୍ରେନିଂ ଭିନ୍ନ କ୍ଷମ ତାଲିମ,ଆଦି କାର୍ଯ୍ୟକ୍ରମ ପାଇଁ ଟଙ୍କା ଖର୍ଚ୍ଚ କରି ବିନିଯୋଗ ପ୍ରମାଣ ପତ୍ର ନେଇଥିଲେ ସୁଦ୍ଧା ପ୍ରକଳ୍ପ କାର୍ଯ୍ୟାଳୟରେ ତାହା ଉଭାନ ହୋଇଯିବା ଯୋଗୁଁ ତାଙ୍କ ନାମରେ ଅଗ୍ରିମ ଥିବା ଟଙ୍କା ଏଡ଼ଜଷ୍ଟ ହୋଇପାରୁନାହିଁ l ଶ୍ରୀ ଆଚାର୍ଯ୍ୟଙ୍କ ପାଖରେ ବିନିଯୋଗ ପ୍ରମାଣ ପତ୍ରର ପ୍ରାପ୍ତି ସ୍ୱୀକାର କପି ମହଜୁଦ ଥାଇ ସୁଦ୍ଧା ଭାଉଚର ଅଫିସ ରେ ମିଳୁନାହିଁ l ଏଣେ ଅବସର ର 2 ମାସ ବିତିଯାଇଥିଲେ ସୁଦ୍ଧା କାଗଜ ପତ୍ର ପଠା ଯାଇପାରୁନି କେବଳ ନୋ ଡ଼ିଉଜ ପ୍ରମାଣ ପତ୍ର ଅଭାବ ରୁ l ଏହା  ଗୋଟିଏ ଉଦାହରଣ ମାତ୍ର l ଏପରି  ୨୦୧୧ ରୁ କରାଯାଇଥିବା ସିଭିଲ କାମ ର ନଥି ପତ୍ର ଏ ଯାଏଁ ଅପଡେଟ ନ ହୋଇ ସରକାର ଙ୍କୁ ବିନିଯୋଗ ପ୍ରମାଣ ପତ୍ର ଦେବାରେ କଷ୍ଟ ହେଉଛି l ଏଣୁ ଏହି ପ୍ରକାର ଦାୟିତ୍ୱହୀନ କର୍ମଚାରୀଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ଦାବୀ ହେଉଛି l ଏବଂ ସୁବର୍ଣ୍ଣପୁର ଜ଼ିଲ୍ଲାପାଳ ଏ ଦିଗରେ ବ୍ୟକ୍ତିଗତ ହସ୍ତକ୍ଷେପ ପୂର୍ବକ ଅବହେଳା କରୁଥିବା ସମ୍ପୃକ୍ତ କର୍ମଚାରୀଙ୍କୁ ଦୃଷ୍ଟାନ୍ତମୂଳକ ଦଣ୍ଡ ପୂର୍ବକ ଶିକ୍ଷକ ମାନଙ୍କୁ ହଇରାଣରୁ ମୁକ୍ତ କରି ସରକାରଙ୍କୁ ବିନିଯୋଗ ପ୍ରମାଣ ପତ୍ର ଦାଖଲ ପୂର୍ବକ ଜ଼ିଲ୍ଲାର ମାନଦଣ୍ଡକୁ ରାଜ୍ୟ ସ୍ତର ରେ ଠିକ ରଖନ୍ତୁ l