26-Jun-2022

 ବଲାଙ୍ଗୀର(ପ୍ରେରଣା ଖବର): ଶିଶୁମାନେ ହେଲେ ଭବିଷ୍ୟତ ର ନିର୍ମାତା ଏଣୁ ଶିଶୁ ମାନଙ୍କ ଶିକ୍ଷା ର ଅଧିକାର ସୁରକ୍ଷା ର ଅଧିକାର ସମାନତା ର ଅଧିକାର ବଢିବା ର ଅଧିକାର ଓ ସ୍ଵାଧୀନତା ର ଅଧିକାର ଦେବା ସମାଜର ଉତ୍ତର ଦାୟିତ୍ଵ ଅଟେ ବୋଲି ଭୂମିକା ଦ୍ଵାରା ଆୟୋଜିତ ମାସିକ ବିଚାର ଆଲୋଚନା ଚକ୍ର ରେ ମୂଖ୍ୟ ଆଲୋଚକ ଜଗଦା ନନ୍ଦ ଛୁରିଆ ପ୍ରକାଶ କରିଥିଲେ । ସ୍ଥାନୀୟ ଲ କଲେଜ ଠାରେ ଗତ କାଲି ସନ୍ଧ୍ୟା ରେ ଅନୁଷ୍ଟିତ” ଶିଶୁର ସ୍ବପ୍ନ ଓ ଆଗାମୀ ଆଶା ” ବିଷୟ ବସ୍ତୁ

ଉପରେ ସେ ବକ୍ତବ୍ୟ ରଖିଥିଲେ । ମାସିକ ବିଚାର ଆଲୋଚନା ଦାୟିତ୍ଵ ରେ ଥିବା ଭୂମିକା ର ବରିଷ୍ଟ ସଦସ୍ୟ ଚିତ୍ତ ରଞ୍ଜନ ଦାସ ସ୍ବାଗତ ଭାଷଣ ଦେଇ ବିଷୟ ବସ୍ତୁ ଉପରେ କହିଥିଲେ। ଆଲୋଚନା ରେ ସାମ୍ବାଦିକ ଅଖିଳ ହୋତା, ଶ୍ରୀକର ମିଶ୍ର , ସନାତନ ଠାକୁର ନିଜସ୍ଵ ମତ ଦେଇଥିଲେ । ଶେଷରେ ଶ୍ରୀ ହୋତା ଧନ୍ୟବାଦ ଦେଇ ଆଗାମୀ ମାସର ତୃତୀୟ ଶନିବାର ଦିନ ପୁଣି ନୂଆ ବିଷୟ ବସ୍ତୁ ନେଇ ନୂଆ ଜଣେ ବକ୍ତା ସହ ଆମେ ଭେଟିବୁ ବୋଲି କହିଥିଲେ।